( 1377 ) ascuns peschours qi ont a ore a sept ans passez de novel sutielment contrové une manere de instrument qe entre eux est appellé wondyrchoun, faite en la manere d'une drag pur oistres, le quele est outre mesure long, sur quel instrument est attaché une ree, si espesse qe nulle manere de pesson, ja soit si petit noun, qe entre dedeins ne poet outre passer, einz covient demurrer et estre pris. Et outre ce, le feer grant et long du dit wondyrchoun voet si owelment et durement desur la terre ent peschant, q'il destruit la slym crascete et flurs de la terre desouz la eawe illeoqes [...]. Par les queles instrumentz appellez wondirchouns en plusours lieux susditz ent parnount les susditz peschours si grant plenté des petitz pessons susditz, q'ils ne savent de ce qe faire  ii 369