Textbase

Return to list of source texts

French materials from A Roll of the Proceedings of the King's Council in Ireland for a Portion of the Sixteenth Year of the Reign of Richard II A.D. 1392-93

Edited by J. Graves
London 1877
Genre: Legal, Administrative and Diplomatic
AND Bibliography: King’s Council Ireland

This is a digitised partial version of an original work in the public domain. See General Conditions of the Anglo-Norman On-Line Hub for rights information concerning this electronic version

Hide notes

Page xxvi

INTRODUCTION.

[...]

Whether the Roll, as originally written by the Clerk of the Council, 1 [1] The earliest appointment on record of Clerk of the Irish Council is that of John Allen, July 9, 1533, to hold and exercise the office as the Clerk of the Council in England did. Lib. Mun. Hibern., Vol. 1, part II., p. 83. By an unpublished Irish Statute of the 12th of Ed. IV. (cap. 28), it,appears, however, that Richard Nangle was Clerk of the King's Council in 1472.–See p.lcxiv infra. The earliest mention of Clerk of the Council in England is in 1422. Proceedings, &c. of the Privy Council in England, Vol. III., p. 18; see also Vol. I. Preface, p. xvii, where it is inferred that John Prophete was Clerk of the Council in 1390.xxvii commenced with the sixteenth regnal year of Richard II., in June 1392, or with the time of Ormonde's appointment as Lord Justice on May 31st of that year, it is now impossible to know. The enrolments terminate, without any sign of imperfection, on April 25th, 1393, so that the regnal year is not completed. The Roll, as it at present exists, comprises two hundred and fourteen entries, written on twenty-one membranes or skins of parchment, which are on an average 11¼ inches wide. The Clerk who made the enrolments seems often to have engrossed the petitions before they were considered by the Lord Justice and Council, leaving a space for the endorsements or answers, which, in a few cases, were never enrolled, having been, perhaps, never endorsed on the original petitions. In no case is there a date to be found in the petitions themselves, but this is supplied by the endorsements when enrolled, and hence several of the dates are not consecutive: the 4th of November, for instance, coming after the 3rd, and the 20th of February after the 4th of March, &c. Sometimes the spaces left for the endorsement are too small, and these entries are much crowded. Frequently the entries of the endorsements are in a hand and ink different from the petition, as in Nos. 102 and 103. There is a change of handwriting in several portions of the Roll, but not more than two scribes were employed, although some parts are written much more carefully

Page xxvii

than others. The Fiants, Warrants, Writs, &c. entered on the Roll are mostly in Latin, as are also the Privy Seals; some of them are, however, in French. The Petitions with their endorsements are invariably in the latter language. 1 [1]  From the time of Richard II. the muniments of the House of Ormonde have been kept at Kilkenny Castle, and although the Civil War of 1641 threw Kilkenny into the power of the Confederate Catholics, the Castle was preserved intact. When surrendered to Cromwell in 1650, it had not suffered in the siege, and the favour shown to the Marchioness of Ormonde by the Commonwealth saved it to the family. The only documents removed to England at this period were the Books of Entry, connected with his Irish Government, which Ormonde brought with him to England, in 1646: they were hid at Acton, in Gloucestershire, and soon spoilt. Report on the Castle MSS., p. 73. When Tirconnell seized the 2nd Duke of Ormonde's estates the archives were packed in two large Chests and fyveteene Barrells and sent to London to the Duke from Kilkenny by Mr. Valentine Smith, his agent. (Letter of James, 2nd Duke of Ormonde.–See Transactions of the Kilk. Archæol. Society, vol. I., p.263.) The retreating Irish, after the Boyne, wished to burn the Castle, but the French General, de Lauzun, saved it. The Duke of Ormonde, receiving it uninjured, brought back all the manuscripts to their original place of keeping, and from that day to this they have remained there. The custody of the Roll from the period to which it refers to the present may, therefore, be satisfactorily traced, and its authenticity established.3

Page 3

A ROLL, ETC.

1

A.D. 1392.

[…] partie des autres deux parties du dit heritage, que Johane que fut la femme le dit Nicholas, pere le [dit] heir, tynt en dower, en cas que ils escheient durant le temps susdite, considerans que la dite garde [ne] vaut par an iiij.li., a cause que le dit Evesque est uncle a dit heir et la dite Johane est mere […] metteront plus tendrement lour poer de soustenir les ditz tenementes sans wast et destruction, et ils auxint troveront le dit heir resonables soustenuz durant son noun aage par cell cause.P3A1 [P3A1] The commencement of the MS. has been lost. This enrolment, which is much faded and in part illegible, is therefore imperfect. lacunæ, or illegible words, are here and elsewhere indicated by dots; conjectural restorations and emendations are enclosed in brackets.4

Page 4

indorsacio. Eient les supplians la garde et la mariage dedens cestes contenues, selonc la purport de ceste peticion, pour xx. s. vi. d. appaier en le Haneper pur le fyn, par les lettres patentes notre Seignour le Roy souz son grant seel en Irland en due fourme. Doune a Dyvelyn le xxxe jour Doctobre, lan notre dit Seignour le Roy Richard Seconde seszisme.P4A1 [P4A1] The 30th of October 1392. The regnal years of this king commenced on the 22nd of June in each year. Here, and elsewhere throughout the Roll, the year of the present style is used, but no rectification of the day of the month has been attempted.5 A tresreverent pereP4A2 [P4A2] As letters patent were to issue, Robert Archbishop of Dublin, Chancellor of Ireland, must have been the person here addressed. See enrolment No. 15, infra.5 &c., comme desus.

2

A.D. 1392

A tresnobles Justice et Consel notre Seignour le Roy en Irland supplie Johan Creef de Ballaghmoun, que comme sa ville, sa mansion, ses blees et diverses autres benes furent arses, degastes et destruys par McMoroug et autres Irrois enemys notre Seignour le Roy, comme est comme est cognuz et notifie a vous, tresnobles

Page 5

Justice et Conseil, et deux de ses homme occis et trois pris, dont le dit Johan nest mye de relever la dite ville de Ballaghmoun et ses mansions, ne vaut soustenir gens illeoques sans aide, socour et relevement de notre dit Seignour le Roy; que a vous plese, de votre treshaut seignourie, en relevement de son petit et pover estat, covenable regard douner, issint que le dit Johan poet avoir talent de relever la dite ville et sa mansioun, en resistence des enemys et en confort des liges notre dit Seignour le Roy; et ceo, pur Dieu, et en eoure de charite, eiant reguard a la grant lieu que il avoit tenuz illeoques devant cez heures, et que il voet tenir enavant, sil poet estre releve de les meschiefs avantditz.

indorsacio. Eit le suppliant x. li., par cause contenue en ceste peticion, de grace le Roy especial. Doune a Dyvelyn, le premier jour de Novembre, lan notre dit Seignour le Roy Richard Seconde seszisme.

Page 6

3

A.D. 1392

Plese a notre Seignour le Justice Dirland granter a son servant Johan Symcok licence que il poet franchement carier, en queconque nief que luy plera, oept tonelx de vyn et oept tonelx de cervoise a Cragford, Logsewill ou Slyghagh, pur les la vendre ou changer pour autres merchandises a sa volunte affaire.

indorsacio. Eit le suppliant licence par les lettres patentes notre Seignour le Roy souz son grant seel en Irland solonc la purport de ceste peticion en deue fourme. Doune a Dyvelyn, le ije jour de Novembre, lan notre dit Seignour le Roy Richard Seconde seszisme. A tresreverent &c. come desus.

4

A.D. 1392

A vous SireP6A1 [P6A1] Sic in MS.; it is more frequently written seignour.7 Justice, et a Conseil notre Seignour le Roy en Irland, supplie Johan fitz Nichol Lumbard, que comme au temps que lonourable pere en Dieu, Alizaundre Evesque de Mid, fut Justice Dirland, le dit Johan fut charge et surmis de loffice de Garden de la Paes en la contie de Kilkenny, a quel temps

Page 7

McMorogh, Onolan, Oryan et autres Irrois celle parties furent overtement a guerre, et il, en faisant le dit office,P7A1 [P7A1] The original has here et en usant, but the pen has been drawn across the words.8 a un assaut que il fist au dit McMorogh es marches illeoques, estoit grevousement navfre, sique il fut en espoirP7A2 [P7A2] Sic in MS.8 de sa vie, a quel assaut x. des bonnes hommes du dit McMorogh furent decolles, et puis en ceo le dit JohanP7A3 [P7A3] Some word has been omitted here in the original.8 sovent en service notre Seignour le Roy, si bien en ses guerres de Monster comme de Leynster, a ses propres costages, et ad perdus de ses cousins et chevaux, que furent occis es ditz guerres, a grant dammage du dit Johan; sur quoi, treshonoure Seignour, vous plese de votre tresgraciouse Seignourie luy ordener ascun covenable regard.

indorsacio. Eit le suppliant xx. li. par cause contenue en ceste peticion, de grace le Roy especial. Doune a Dyvelyn, le premier jour de Novembre, lan notre dit

Page 8

Seignour le Roy Richard Seconde seszisme. A tresreverent &c., comme desus.

5

Pro Communibus de Cathirlagh. A.D. 1392

A vous, Sire Justice et Conseille notre Seignour le Roy en Irland, monstrent le Communes de la ville de Cathirlagh, que comme ore tard la dite ville, mansion[s] et tous les blees et autres benes furent arcez, degastez et destruys par McMorough, Okarroll et tous autres Irrois enemys notre dit Seignour le Roy de les parties de Leynster et Monster, que ils ne povent en null manere uncer en la dite ville edifier, ne de soustenir gens illeoques sans aide, socour et relevement de notre dit Seignour le Roy, et outre ceo les ditz communes, pur greindre partie, de la dite ville aleront en diverses autres parties, en tresgrant anientisement de tote la terre Dirland, et grant confort de les ditz enemys, et ils, que ilsP8A1 [P8A1] Sic in MS., but the second ils seems redundant.9 illeoques demourront, ont en purpos aler et amender; par quoi supplient les

Page 9

ditz Communes que il vous plese, de votre tresnoble seignourie, considerer les meschiefs susditz, et a eux granter souffissant regard pur relever la dite ville et mansions, en resistence des ditz enemys, et en confort des liges notre Seignour le Roy; et ce, en oeure de charite, aiantes reguard que la dite ville est chief et confort de Leynster; et outre ce, tresnobles Seignours, que il vous plese ordener que les portes et closours de la dite ville soient reppailles.

indorsacio. Eient les supplians de tresour et de doun le Roy vynt liverez, et soient deliveresP9A1 [P9A1] This and the two preceding words are interlined in the original.10 a William Burton et Thomas Taillour de Cathirlagh a despendre et departir entre ceux qui veullent reenhabiter la ville illeoques, joste equite, chescun solonc son edificacion, par la surveue de Tresorer et Barons de Leschequer illeoques, et sur ce soit brief fait de deliberate as dites Tresorer et Barons de Leschequer de Irland en due fourme.P9A2 [P9A2] This sentence is interlined in the original with very faint ink.10 Doune a Dyvelyn, le premier jour de

Page 10

Novembre, lan notre dit Seignour le Roy Richard Seconde seszisme. A tresreverent &c., comme desus.

6

Pro Domino Roberto de la Freigne, Milite. A.D. 1392

A vous, Sire Justice et Consaille notre Seignour le Roy en Irland, supplie Robert de la Freigne, Chevalier, Visconte du countie de Kilkenny, que a vous plese avoir reguard as grans dammages, meschiefs et perdes queux il ad soustenuz en le dit office, si avant par Irrois enemys cell parties, comme par Anglois dycell parties, que luy ont dirrobbes et arses divers ses seignouries a cause des execucions faites par la loy en son office avantdit, et, de votre graciouse seignourie, luy ordener ascun covenable regard en recompensacion de ses dammages et perdes avantditz, car autrement il ne purra son estat bounement contenir, si votre graciouse eide ne luy soit grante.

indorsacio. Eit le suppliant xx. li., en noun de reguard, par cause contenue en ceste peticion, de grace le Roy. Doune a Dyvelyn le premier jour de Novembre,

Page 11

lan notre dit Seignour le Roy Richard Seconde seszisme. A tresreverent &c., comme desus.

7

Pro Ricardo Wals, rectore de Cathirlagh. A.D. 1392

A vous, Sire Justice et Conseil notre Seignour le Roy en Irland, supplie votre chappellain, servant et oratour Richard Wals, Parson de Cathirlagh, que comme il ad travaille en le service notre Seignour le Roy en son Chancellerie et Eschequer Dirland par ces xl. anns et plus, et ore en son anciente il est anientiz pur tous jours, sil ne soit aides et relevesP11A1 [P11A1] Sic in MS., for aide et releve. Also read degaste in line 17.12 par notre dit Seignour le Roy, car ore tard les enemys ont arses et destruys tous ses mesons, blees et divers benes nient moebles, et divers ses benes moebles luy disrobberent, et encore puis la dite arsure et robberye luy comientP11A2 [P11A2] The original has comient, probably we should read convient.12 continuer sa demeure en la ville de Cathirlagh, en confort et eide des communes du dite ville, ou autrement il vouldroient avoir relinquis la dite ville degastes sans reenhabitacion pour tous jours, a ses grans

Page 12

coustages; que vous plese considerer son anciente et poverte et long service, et ses dammages et perdes susditz, et lui granter un covenable regard en recompensacion dicell, sique il purra le mielx tielx charges supporter en aide et confort des communes susditz. Eit le suppliant dix li. &c. Doune comme desus, &c.

8

Pro Henrico de Wattenhull. A.D. 1392

A vous, Sire Justice et Conseil notre Seignour le Roy en Irland, supplie Henry de Wattenhull, que il vous plese luy granter loffice Dattourne notre dit Seig nour le Roy devant les Justices du Commun Banc Dirland, et en son Escheqer illeoques, a tenir tanque ce bien et loialment porte envers notre dit Seignour le Roy et ses ministres, prenant ent par an les fees et gages et rewardes au dit office acoustumes, et que le dit Henry poet faire un depute, pur qi il voudra respondre, pur le dit office exercer en sa absence, eiant regard que les chemyns envers Cathirlagh sont sovent

Page 13

fois si perilous que le dit Henry ne poet approcher la court a premier jour sans peril de son corps; entendans servis que le dit Henry ad servy notre Seignour le Roy en le dit office par long temps, tanque ore tarde fut ouste par Robert Hemyngburgh sans cause.

indorsacio. Eit le suppliant loffice contenue en ceste peticion, prenant les fees et gages a icell acoustumes, solonc la purport dycell, par les lettres patentes notre Seignour le Roy souz son grant seel, en deue fourme. Doune a Dyvelyn, le ije jour de Novembre, lan notre dit Seignour le Roy Richard Seconde seszisme. A tresreverent pere &c., comme desus.

9

Pro Willielmo Waas. A.D. 1392

A tresnoble Justice et Conseil notre Seignour le Roy en Irland supplie William Waas de Wasestoun que comme sa ville, sa mansion, et ses blees et divers autres benes furent arces, degastes, et destruys par McMorough et autres Irrois enemis notre Seignour le Roy,

Page 14

comme bien est cognus et notis a vous, tresnobles Justice et Conseil, dont le dit William nest mye de pouer de relever la dite ville de Wasestoun, et ses mansions, ne de soustenir gens illeoques, sans aide et socour et relevement de notre dit Seignour le Roy; que il vous plese, de votre treshaute seignourie, en relevement de son petit et pover estat, covenable reguard luy donner, issint que le dit William poet avoir talent de relever la dite ville, et sa mansion en resistens des enemys, et en confort des liges notre dit Seignour le Roy; et ce, pour Dieu, et en oeure de charite, eiant reguard a la grant lieu que il avoit tenu illeoques devant ces heures, et que [il voet tenir en ava]nt sil poet estre releve de les meschiefs avantditz.

indorsacio. Eit le suppliant cynq marz [pur cause contenue] en ceste peticion de grace et dounP14A1 [P14A1] This and the preceding word are interlined in the original.15 le Roy especial, et sur ce brief fait as Tresorer et Barons de Leschequer de notre [dit Seignour le Roy en Irland] de deliberate en deue fourme. Doune a Dyvelyn, le premier jour

Page 15

de NovembreP15A1 [P15A1] This and the twenty-four preceding words are interlined in the original. There is here a lacuna in the Roll, which renders imperfect this and the next entry.16 lan notre dit Seignour le Roy Richard Seconde seszisme. A tresreverent [pere &c., comme desus.]

10

Pro Episcopo de Ossery. A.D. 1392

A Justice et Conseil notre Seignour le Roy en Irland supplie Richard Evesque Dossery, que comme le Vendredy proschein […] Seint Hillary lan du regne notre Seignour le Roy que ore est xve, a Kilkenny devant Johan de Carlell,P15A2 [P15A2] He was a baron of the Irish Exchequer. See No. 126 infra and Rot. Pat. Canc. Hibn. 15 Ric. II., 42, 43. Richard de Northalis was Bishop of Ossory at this period.16 clerc, […] de Leschequer notre Seignour le Roy en Irland, et Thomas Taillour, clerc, Secundare Remembrancier de mesme Leschequer […] Commissionairs notre dit Seignur le Roy denquerer de tous maneres de gens possessionours, seculers et de seint eglise, absent hors de la dite terre Dirland, &c., fut trove par inquisicion, que Johan Wyke, clerc, Prebender del Prebendre de Athour, en la Diocese de Ossery, fut

Page 16

absens de la terre Dirland, et que les deux parties de les profitz du dit Prebende valent par an xxvi. s. viii. d., et que le dit Evesque fut occupiour de les deux parties susdis; que il vous plese considerer divers travailles et costages queux le dit Evesque ad sustenuz divers fois en le service notre Seignour le Roy, et luy donner en noun de regard les deux parties susditz del an susdit, et del an proschein ensuyant, cestassavoir quater mars pour les deux ans susditz, et sur ce commander par brief as Tresorer et Barons de Leschequer de discharger et acquiter plainement Levesque susdit de les deux parties susditz par temps de les deux ans suzditz.

indorsacio. Eit le reverent pere en Dieu, Richard Evesque de Ossery, dedens escript, pardoun de les quatre mars contenues en cest peticion, pur son bon service a notre Seignour le Roy fait et affaire, et outre co, en noun de reguard, de doun le Roy et sa grace especial,

Page 17

la somme de unze mars, et sur ce brief de la Chancellerie as Tresorer et Barons de Leschequer pur acquiter et descharger le dit Evesque de les quatre mars susditz, et un autre brief as ditz Tresorer et Barons de deliberate de la dite somme de xi. mars, &c., en deue fourme. Doune a Dyvelyn le premier jour de Novembre, lan notre dit Seignour le Roy Richard Seconde seszisme. A tresreverent &c., comme desus.

11

Pro Johanne Penkestoun. A.D. 1392

A vous, Sire Justice et Conseil notre Seignour le Roy en Irland supplie Johan Penkestoun, Clerc des Communes Places notre Seignour le Roy en Leschequer de Cathirlagh, que comme il ad este en le dit service notre dit Seignour le Roy en le dit place par xx. ans et plus, et tout que il ad gaigne et purchace par le temps susdit ore par McMorogh et divers autres Irrois enemys notre dit Seignour le Roy est plainement ars et destruis, issint que il nad rien de vivre pur

Page 18

luy ne pur ses enfans, sil ne soit mendenantz; que vous plese de votre tresgraciouse seignourie davoir consideracion a les meschiefs susditz et luy ordener covenable reguard pur luy soustenir et amender, et ceo, en oeure de charite.

indorsacio. Eit le suppliant cynq mars pur inhabiter ses meisons et les reedifier, de doun et grace le Roy especial, et autrement ne mye, et sur ce brief de la Chancellerye de deliberate, mande as Tresorer et Barons de Leschequer en deue fourme. Doune a Dyvelyn le premier jour de Novembre, lan notre dit Seignour roy Richard Seconde seszisme. A tresreverent &c., comme desus.

12

Pro Obrene Mole. A.D. 1392

A vous, treshonoures Seignours Justice et Consaille notre Seignour le Roy en Irland, supplie Obrene Mole, que comme notre Seignour le Roy par ses lettres patentes luy eit grante qarant li. dargent annuelment

Page 19

pur ses bons services faitz et affaire a notre dit Seignour le Roy, et ses lieges, des queux il nad rien es deinz quatre ans: par quoi vous plese luy regarder dascun refreschement, sique il poet le meulx grever les enemys notre dit Seignour le Roy, et ses adversaries. Eiant, sil vous plest, reguard que il ad weyve et perdu toute sa seignourie pur lamour des liges Anglois, en affiance daide notre dit Seignour le Roy et son Consaille.

indorsacio. Eit le suppliant en noun de reguard pur son bon service fait et affaire, et ne mye par cause de nulle patente, commission, ne autre grant, la some de xx. li. de grace le Roy especial. Doune a Dyvelyn le premier jour de Novembre, lan notre dit Seignour le Roy Richard Seconde seszisme. A tresreverent &c.

13

Pro Thoma le Botiller.

A vous, treshonoures Seignours Justice et Conseil notre Seignour le Roy en Irland, supplie Thomas, fitz

Page 20

James le Botiller jadis Conte Dormond, comme il eit retenue grant compaignie des gens a chival et a pie par ces quatre ans ou cynq, et encore tynt a ses costages demesne pur la greindre partie pur maintenir et deffendre les liges notre dit Seignour le Roy es counties de Cork, Typerary, et Kilkenny, deins quel temps il ad esP20A1 [P20A1] Sic in MS., probably for cu; so used also in the preceding page, line 2.21 et soustenuz grantz travailles, perdes, et dammages des gens et des chivaux, sibien en temps que vous, treshonoure Seignour Justice, fustes es parties Dengleterre comme avant; sur quoi vous plese luy ordenir ascun reguard, sique il poet avoir le greindre appetit pur travailler es besoignes notre dit Seignour le Roy en temps avenir, eiant, sil vous plest Seignours, reguard que il nad nulle seignourie ne riens pur luy soustenir estre son purchas demesne.

indorsacio. Eit le suppliant xx. li. par la cause dedens contenue, en noun de reguard, de doun et grace le Roy

Page 21

especial, et sur ce brief de deliberate direct as Tresorer et Barons de Leschequer en deue fourme. Doune a Dyvelyn &c., comme desus, lan comme desus. A tresreverent comme desus.

14

Pro Leticia Rede. A.D. 1392

A vous, Sire Justice notre Seignour le Roy en Irland, supplie Letice Rede, que fut la femme Henry White de Clomell, que il vous plese luy granter la garde de corps et des terres et tenementz Teobald, fitz et heir le dit Henry, que est fil naturel, ove tous lour appurtenances en la mayn notre Seignour le Roy par celle cause esteantz, a avoir et tenir par terme de la vie le dit Teobald, sans riens ent rendre a notre dit Seignour le Roy, considerantz que le dit Teobald est fitz au dit Letice, et par celle cause sera le plus tendrez de la garde susdit, que nul autre.

indorsacio. Eit la suppliante la garde de corps et terres et tenementes de Teobald dedens escript,

Page 22

selonc la purport de ceste peticion, par les lettres patantes notre Seignour le Roy souz son grant seel en Irland en deue fourme. Doune a Dyvelyn le iije jour de Novembre, lan &c., comme desus.

16

Pro Laurencio Wylech. A.D. 1392

A vous, Sire Justice et Conseil notre Seignour le Roy en Irland, supplie Laurence Wylech, varlet a un maryner, que plese a votres Seignouries luy grante chartre du pees pur lamort dun Henry Rede, corviser, demourant en Dyvelyn Cite notre dit Seignour le Roy, eiantz reguard Seignours que le dit Henry fut occis par son quiderye et folie demesne, et en defence

Page 23

du dit Laurence, et ce, pur laume du pere notre dit Seignour le Roy, et ses progenitours, et en oeure de charite.

indorsacio. Soit faite chartre du pees au suppliant, pur lamort dun Henry Rede dedens escript, de grace le Roy especial, et pur laume du pere notre dit Seignour le Roy et ses progenitours, par ses lettres patentes sous son grant seel en Irland en deue fourme. Doune a Dyvelyn, le iiiie jour de Novembre, lan &c., comme desus.

17

Pro Johanne Nosterfeld. Vacat quia inferius. A.D. 1392

A Justice et Conseil notre Seignour le Roy en Irland supplie Johan Nosterfeld, clerc, que il vous plese luy granter la garde des deux parties del manoir de Glynsurd, Wymeltoun, Knyghtestoun, et Skydouth en le countie de Dyvelyn, ove les appurtenances, es mains notre Seignour le Roy par certaines causes esteantz, a avoir tanque ils demourent es ditz mains notre dit Seignour le Roy, pur ent rendre a notre dit Seignour le Roy, en son Eschequer Dirland, lestent ent derrain

Page 24

ment fait, ou a proschein affaire, as termes du Pasque et Seint Michel par ollelx porcions.

indorsacio. Eit le suppliant la garde dont ceste peticion fait mencion, trovant souffisant seurte en la Chancellerie de paier lestent ent fait ou proschein affaire, et sur ce luy soient faites lettres patentes notre Seignour le Roy, en deue fourme, a durer a volunte notre Seignour le Roy, Doune a Dyvelyn, le quarte jour de Novembre, lan &c., comme desus.P24A1 [P24A1] The entire of this enrolment is crossed out in the original. See enrolment No. 21, infra.25

18

Pro Rogero Dod.

Plese a tresnobles Seignours, les Justice et Conseil notre Seignour le Roy en Irland, granter a Roger Dod un mesuage en Jordainstoun et Waspainstoun, que est un franc ferme notre dit Seignour le Roy, a luy et a ses heirs, par manere come Wauter Somerey le tenoit par commission le Roy pur sa vie; et en cas

Page 25

que le dit Roger vourroit edfier a Jordainstoun un tour et defence en resistence des enemis, que il vous plese luy alouer ses costages et despens sur sa ferme, considerant que les maisons illoques sont runons et cheians a terre, et auxi que le dit Jordainstoun est en les marches, par quoi un tour illoques edifie ferroit grant bien au dit place et a tout le pais environ icell.

indorsacio. Soient faites lettres patentes notre Seignour le Roy, souz son grant seel en Irland en deue fourme […] davoir la ferme deins contenue, a luy et a ses heirs par manere comme Wauter Somery le tenoit pur sa vie […] notre dit Seignour le Roy, rendant ent par an en Leschequer notre Seignour le Roy en Irland comme le dit Wauter rendist par son […] le ve jour de Novembre, lan notre dit Seignour le Roy Richard Seconde seszisme. A tresreverent &c.

Page 26

19

Pro Thoma Gower. A.D. 1392

Plese a Monseignour, le Justice Dirland, granter a Thomas Gower, clerc, la garde de tous les terres [et tenementes, les queux] furent a Johan Ray en Rayestoun, de tous les terres et tenementes les queux furent Nichol Betagh en jouste […] parcell de terre que estoit Johan Nasshe de Kelles en Jordanestoun, en la countie de Mid, ove les appurtenances es mains [notre Seignour] le Roy pour certaines causes esteantz, a avoir tanque comme ils demurgent es ditz mains notre Seignour le Roy a ent paier par an lestent ent derroinement fait ou a proschein affaire, a les fests de Pasche et Seint Michel par oweles porcions.

indorsacio. Eit le suppliant la garde des terres et tenementes deins compris, trovant souffisant seurte en la Chancellerie de paier lestent en Leschequer notre Seignour le Roy, selon la tenure de ceste peticion, et sur ceo luy soient faitz lettres patentes notre Seignour le Roy en due fourme. Doune a Dyvelyn, la quarte jour de Novembre, lan &c., comme desus.

Page 27

21

Pro Johanne Nosterfeld. A.D. 1392

Plese a Mounseignour le Justice, et Conseil notre Seignour le Roy en Irland, grantier a Johan Nosterrifeld, clerk, la garde de dieux parties del manoir de Glynsurd, Wymestoun, Knyghtestoun, et Skydouth, en le conte de Dyvelyn, ove les apurtenantz es mains notre Seignour le Roy pur certeins causes esteantz, a avoir tanqome ils demeurent es ditz mains notre dit Seignour le Roy, pur ent rendre a mesme notre Seignour le Roy en soun Escheker Dirland lestent ent darrein fait ou a proschein affaire, as termes du Pask et Seint Michel, par owelx porcions.

indorsacio. Eit le suppliant la garde dont ceste peticion fait mencion en substance, durant le temps

Page 28

que les deux parties dedens contenues soient es mains notre Seignour le Roy, trovant souffissant seurte en la Chancellerie de paier lestent ent darreinP28A1 [P28A1] This and the preceding word are interlined in the original.29 fait ou proscheinP28A2 [P28A2] This word is interlined in the original.29 affaire, et sur ce luy soient faites lettres patentes notre dit Seignour le Roy souz son grant seel en Irland en deue fourme. Doune a Dyvelyn, le viie jour de Novembre, lan &c., comme desus.

22

Pro Waltero Cantewelle. A.D. 1392

A vous, Sire Justice et Conseil notre Seignour le Roy en Irland, supplie Wauter Cantewelle, que come il ad este pur tout sa vie occupie en divers fois en les guerres notre dit Seignour le Roy a ses propres coustages, et en lors ditz guerres plusours de ses velles, terres, et tenementes sont ars, destrus et degastes, et auxi il ad perdu plusours de ses chevaux, et de ses cousins en la dit gurre, et ore tard luy esteant oveque vous treshonoure Seignour le Justice en le service notre dit Seignour le Roy, trois cens et vynt de ses vaches sant pris par les Irrois enemys notre dit Seignour le Roy,

Page 29

a son grant perde, et damage importable, si par grace et aide notre dit Seignour le Roy ne luy soit purveu de remede; que il vous plese, de grace especiale notre Seignour le Roy, luy ordiner un covenable reguard en recompensacion de ses traval, perdes et damages avantdiz, sique en son ancien temps il ne soit destruyt pur cause du service notre dit Seignour le Roy.

indorsacio. Eit le suppliant en noun de regard, pour cause contenue en cest peticion, de doun le roy et sa grace especiale, vynt mars, et sur ceo soit fait brief de liberate a Tresorrer et Chaumberlains de Leschequer notre Seignour le Roy en Irland de luy ent faire paiement en du fourme. Doun a Dyvelyn, le viie jour de Novembre, lan notre dit Seignour le Roy Richard Seconde seszisme. A tresreverent &c.

23

Pro Domino Roberto de la Freigne. A.D. 1392

A tresnoble Seignour Justice et Conseille notre Seignour le Roy en Irland supplie Robert de la Freyngne, Chevalier, que vous plese de votre graciouse

Page 30

seignourie graunter a luy la gard de les terres et tenementes queux furrount Thomas Denne, ov les appurtenauntz, en Grenan et Thomastoun, in le counte de Kylkenny, en les mainz notre Seignour le Roy esteaunt, rendant ent a notre dit Seignour le Roy a son Eschequer lextent darreyn fait oue procheyn affaire.

indorsacio. Eit le suppliant la garde des terres et tenementes dedens contenues, selonc la purport de ceste peticion, trovant souffisant seurte en la Chancellerie de paier lestent ent fait ou affaire, et sur ce luy soient faites lettres patentes notre dit Seignour le Roy souz son graunt seel en Irland en deue fourme. Doune a Dyvelyn, le viije jour de Novembre, lan &c.

24

Pro Petro Stonham. A.D. 1392

A vous, Sire Justice, et Conseille notre Seignour le Roy en Irland, prie Peres Stonham que vous luy pleise graunter la gard de touz les terres et tenementes queux furent a Maistre de la mesoun de Seint Thomas Dacres de Loundres, en le Carrik McGryffyn, et ailours,

Page 31

en le countee de Typerary, ove touz les appurtenaunces, es mayns notre dit Seignour le Roy esteauntz, a aver et tenyr tanque come ils demurront es maynez notre dit Seignour le Roy, sanz rienz ent rendre, pur les bones servicez qil ad fait a notre Seigour le Roy, et prest est afaire, considerauntz qilz sont degastes et destruz, et le Roy nule profit de ceo poet prendre a present.

indorsacio. Eit le suppliant la garde des terres et tenementes dont ceste peticion fait mencion, combien que ils demurgent es mains notre Seignour le Roy, sans ent rien rendre a notre dit SeignourP31A1 [P31A1] This word, here written nearly in full, gives the extended form of Seignour; the more contracted forms of which leave it doubtful whether it should be read seignour or seignur.32 le Roy, et sur ce luy soient faites lettres patentes notre Seignour le Roy souz son grant seel en deue forme. Doune a Dyvelyn le ixe jour de Novembre, lan &c.

25

Pro Ricardo Wode. A.D. 1392

A vous, Sire Justice et Conseille notre Seignour le Roy en Irland, supplie Richard Wode, servant

Page 32

a Robert Burnelle et Nichol Fynglas, que vous pleise de votre tresgraciouse seignourie luy granter chartre notre seignour le Roy de exempcion qil ne soit mys en assises, jurrez, enquestes, ou recognisances qeqonques, encontre sa volunte, coment quils tuchent notre Seignour le Roy ou autres qeqonques, et qil ne soit faite maire, baillyff, viscont, coroner, gardeyn de pees, collectour dez subsidiez, ou ministre nostre dit Seignour le Roy, ou autre qeqonques, durant sa vie, en du fourme, et ceo, pur le bone service qil ad faite a notre Seignour le Roy, et ferra en temps avenir.

indorsacio. Eit le suppliant la chartre de exemcion des causes et pointz dedens escriptz, selonc la purport de ceste peticion, et sur ce luy soient faites lettres patentes notre dit Seignour le Roy, souz son grant seel en Irland en due fourme. Doune a Dyvelyn, le xe jour de Novembre, lan &c. comme desus.

P33A1 [P33A1] The commencement of an enrolment in French has been erased after this entry; the words, A Justice notre Seignour le Roy en Irland, are legible. This and other erasures show that the roll was rather carelessly made up from the original petitions and fiants.33

Page 33

29

Pro Waltero Cantewelle. A.D. 1392

A vous, Seignoures Justice et Conseil notre Seignour le Roy en Irland, prie Wauter Cantewelle, [que vous, considerantz le] bone service que il ad fait a notre Seignour le Roy, […] luy voullez granter la garde de tous les terres et tenementes, manoirs et franchise, ove lours appurtenances que furent nadgeres a Rauf, Conte de Stafford, en la countie

Page 34

de Kilkenny, en la main dit Seignour le Roy esteantz, a avoir et tenir tanque comme ils demourent en la main notre dit Seignour le Roy, rendant ent par an a notre dit Seignour le Roy xx. mars, et ce, par souffisant seurte trover.

indorsacio. Eit le suppliant la garde de terres et tenementes, manoirs et franchise, ove les appurtenances, dont ceste peticion fait mencion, jousque la tenour de ceste peticion, a trover seurte in la Chancellerie de paier xx. mars par an combien que ils demourent in la main notre dit Seignour le Roy, par les lettres patentes notre dit Seignour le Roy souz son grant seel en Irland, en due fourme. Doune a Dyvelyn, le xiije jour de Novembre, lan &c., comme &c.P34A1 [P34A1] This enrolment has been erased, and No. 30 written on a slip of parchment, and attached above it to the roll by stitches at each side. No. 29 has been recovered by a chemical application.36

Page 36

34

Pro Willielmo le Botiller. A.D. 1392

A vous, Sire Justice et Conseille notre Seignour le Roy en Irland, supplie William le Fitz Pierres le Botiller, que comme il, le Mardy prochein apres le feste de Seint Bryde la Virgine, lan du regne notre Seignour

Page 37

le Roy, que ore est, oept, devant James le Botiller, Conte Dormond, adonques Justice notre dit Seignour le Roy Dirland a Trym, arrainaP37A1 [P37A1] The contraction in the original is arriaiñ.38 une assise de novel dissezine vers Roger de Mortymer, Conte de la Marche et Dulvester, Johan Loterell de Donboyng leisue, et Thomas Conidyne, des manoires de Donboyng et Moymet, ove les appurtenances, la quelle assise prendre pur ce que allegge fut devant le dit Justice que les manoires avantditz furent seisiz en la main notre dit Seignour le Roy par certaine cause il sursist; sur quoi le dit William suyt a notre Seignour le Roy, et avoit breif direct au dit Justice daler avant a la prise de mesme lassise, nientcontresteant celle alleggeance ou seisine des manoires avantditz in le main notre Seignour le Roy, purveu que a jugement ent rendre le Roy nient consaille en nulle manere proces deroit;P37A2 [P37A2] There seems to be something obscure in this sentence.38 par force

Page 38

en quel brief le dit Justice ala avant et prist la dite assise, par quel fut trove que le dit William fust seisi et disseisi des manoires avantditz, ove les appurtenances, a ses dammages de cc.li.; et puys il suyt a Roy et avoit un brief direct au dit Justice daler avant al jugement ent rendre, nientcontresteant le brief susdit ou le alleggeance et seisine en la main le Roy avantditz, et avoit; par vertu de quel brief fut awarde, que le dit William recoveroit sa seisine des manoires avantditz, ove les appurtenances, par vieu des jurours et ses dammages avantditz, et que les mains du Roy des manoires avantditz, ove les appurtenances, fussent ouster, comme par le tenure de mesme le record ent exemplie en le Chancellerie Dirland desouz le grant seel notre dit Seignour le Roy illeoques plus plainement appeirt; et puys par force de cel jugement le dit William entra en les manoires avantditz, oue les appurtenances, sans

Page 39

autre execucion suyre, et cell estate ad continue tanque a ore; que vous plese regarder le record et proces de lassise avantdit issint exemplifie comme desus est dit, et sur ce les ratifier et confermer, pour notre Seignour le Roy et ses heirs, ensemblement ove lestat et possession que il ad es manoires avantditz, ove les appurtenances, et luy pardoner les trespas et contemptz, si ascuns il ad fait a notre dit Seignour le Roy par son entree avandit, de votre grace especial, et pour les bounes services que il ad a notre dit Seignour le Roy, et prest est affaire.

indorsacio. Soit veue en la Chancellerie lexemplificacion del record et proces dont ceste peticion fait mencion, et sur ce soient ils ensemblement, ove lestat et possession queux le suppliant ad es manoires deinz ceste peticion contenues ove les appurtenances, ratifiez et confermes pur notre Seignour le Roy et ses heires; et outre ce eit le suppliant pardon des trespas et con

Page 40

temptz, si ascuns il ad fait a notre dit Seignour le Roy, entrant es manoires avantditz, ove les appurtenances, par force del jugement dont ceste peticion fait mencion, de grace le Roy especial, et pur les bounes services que il ad fait a notre Seignour le Roy, sans empeschement de notre Seignour le Roy, ses heires et ministres queconques, et sur ce luy soient faites lettres patentes desouz le grant seel en la Chauncellerie notre Seignour le Roy en Irland, en due fourme. Doune a Dyvellyn, le xixe jour de Novembre, lan &c., comme desus.

Page 41

36

Pro Archiepiscopo Dubliniensi. A.D. 1392

A vous, Sire Justice et Conseil notre Seignour le Roy en Irland, prie Robert, Archevesque de Dyvellin, Chancellier Dirland, que comme un poi apres sa venue en Irland, McMorug, Obryn, Othothul, Omore, et autres Irrois enemys notre Seignour le Roy, des parties de Leynster, assemblerent un grant host, et vyndrent a la ville Cathirlagh, la quelle ville, ove lautre partie du countie de Cathirlagh, et grant partie du countie de Kildare, mistrent en fue et flamme; le quel meschief par le dit Robert oie, il vynt a la Naas en rescous dycelle, et resistence des ditz enemys, oveque ij.c. hommes darmes et archers en sa compaignie a ses propres coustages; et quant les ditz enemys oierent

Page 42

de la venue du dit Robert illeoques, ils sei retrairent et ny vyndrent poynt; et depuis le dit Robert, oiant a un autre fois de la venue du dit host, il sey ordena vers la dite ville de Naas en rescous dicelle, ove ij.c. hommes darmes et darchers en sa compaignie a ses propres frees et coustages comme desus; et pardessus ce, a une Consel assis a Tristeldemort pour ordener le meulz pour la gouvernance de la terre, et pour mettre la charge de la Justicierie sur vous, treshonoure Seignour le Justice Dirland, le dit Robert y vynt oveque cii.c. des gens darmes et darchers en sa compaigne, et la demoura pour vi. jours,P42A1 [P42A1] The words et darchers are interlined, and en sa compaignie was written in error after the word jours and then obliterated; it is evident that the numerals cii.c. were written in mistake for ii.c.43 a ses propres costages; et aussi le dit Robert ad poursuy icy devant enus notre Seignour le Roy et son Consel, et toutdis prest est de le faire pour aide et secoure a ceste terre; que il vous plese en consideracion des choses avant

Page 43

dites luy fere avoir tel reguard comme il vous semble que il soit affaire [? avoir].

indorsacio. Eit le tresreverent pere en Dieu, Robert Archevesque de Dyvellin, Chancellier Dirland, de doun le Roy et sa grace especial, cinquant mars en noun de reguard, pour les causes contenues en ceste peticion, et sur ce soit fait brief de deliberate as Tresorer et Chamberlains de Leschequer notre Seignour le Roy en Irland, en due fourme, de faire paiement au dit tresreverent pere en Dieu de la somme avantdite. Doune a Dyvellyn, le xxiij. jour de Novembre, lan &c., comme desus.

37

Pro Johanne Actoun. A.D. 1392

Plese a treshonoure Seignour, le Conte Dormond, Justice Dirland, granter a John Actoun chartre de pardon de toutes maneres de trespas, sedicions, felonies, extorcions, debates, dont il soit endite, et ce de grace le Roy especial.

Page 44

indorsacio. Eit le suppliant chartre de pardon, selonc le purport de ceste peticion, de grace le Roy especial, et au requeste de tresreverent pere en Dieu, Robert Archevesque de Dyvellin, Chancellier Dirland, et sur ce luy soient faites lettres patentes, &c. Doune a Dyvellin, le xxiije jour de Novembre, lan &c.

38

Pro Thoma Wavertoun. A.D. 1392

A vous, treshonoure Seignour, Justice Dirland, supplie humblement Thomas Wavertoun, Vicarie de la eglise de Cathirlagh, que comme Levesque de Loghelin nagueres afferma que le dit Thomas deust avoir resigne la vicarie de mesme lesglise […] et [sur]P44A1 [P44A1] The word between brackets is conjecturally supplied from some faint indications. There is a lacuna in the Roll here.45 ce il est prest de jurer a les Sacres Evangelles, par cause du quelle affirmacion un James Lawet […] presentacion de mesme la vicarie, par

Page 45

vertu du quel il vexe et moleste le dit Thomas en sa [possession] […] Dieu Seignour, et en oeure de chariter granter une revocacion de la presentacion avantdite, issint que le dit […] estre en pees, considerans sa veillece et feblesse, et quil na rien dont vivere si non de la […]

indorsacio. Soit faite une revocacion de la presentacion dont ceste peticion fait mencion selon [le purport de ceste peticion,] par les lettres patents notre Seignour le Roy souz son grant seel en Irland, en due fourme. Doune a Dyvellin, le xx […] Novembre, lan &c., comme desus.

Page 46

41

Pro Willielmo More. A.D. 1392

A Justice et Conselle notre Seignour le Roy en Irland, supplie William More, mason, que vous plese de votre tresgraciouse seignourie luy granter chartre de pardoun de tous maneres tresons, felonies, et trespas par

Page 47

luy faitz, sibien encontre la pees le Roy Edward, aiel notre Seignour le Roy que ore est, comme encontre la pees notre dit Seignour le Roy que ore est, et auxint de conspiraciez, confederacies, champartiez, faux alliance, fauxunez,P47A1 [P47A1] This word may read in the original either fauxunez or fauxnuez, but the first seems the true reading, as it evidently stands for the statuteable offence termed in Norman French fausine, knavery or trickery; see p. 57, infra. The spreading of false news was also a statuteable offence, but we can hardly venture to read the word fauxnuez in that sense, and at so early a period as the date of this Roll.48 deceytes, contemptez, negligence, conselementz, extorcions, oppressions, excesses, et autres trespases queconques, et forfaiture de ces biens et chateux, si ascun par les causes susdites a notre dit Seignour le Roy appertient, et utlageriez, si ascuns en sa persone par les causes avantditz soient pronuncies, et ceo par aese fyn faire a notre dit Seignour le Roy, aiant regard que il est loial homme et de boun fame.

indorsacio. Eit le suppliant chartre de pardoun solonc la purport de ceste peticion de grace le Roy

Page 48

especial, et pour la fin de xx.s. appaier en le Haneper, et sur ce luy soient faites lettres patents notre Seignour le Roy souz son grant seel en Irland, en due fourme. Doune a Dyvellin, le xxviije jour de Novembre, lan &c.

42

Warentum ad arestandum. A.D. 1392

James le Botiller, Conte Dormond, Justice Dirland, a vos, trescheres et fiables amys, les Mair et Baillifs de la cite de Droghda, saluz. Nous vous mandons en chargeant de par le Roy, et prions de par nous, que vous fatez venir personelment devant nous Rauf Whit et Thomas Skynnere Mardi proschein avener a Trym, pour y respondre devant nous as pointz dont ils seront reseues de par le Roy, et ce ne lessez nullement souz peine de xl.li. destresse leves al us notre dit Seignour le Roy de vos biens. Doune par tesmoignance de notre seel, le xxviije jour de Novembre, lan &c.

Page 49

44

Pro Roberto Scot. A.D. 1392

A treshonoure et puissant Seignour le Conte Dormond, Justice Dirland, supplie humblement Robert Scot, burgeis de Cestre, que comme ore tard il fut un crayer forffait a notre Seignour le Roy pour lamort dun homme qi dedent fut occis, sur quoi il est trove par xij. hommes en une enqueste devant le Mair de Dyvellyn, que un quartier du dit crayer, oveque la quarte partie de tous les biens deinz icelle; furent au dit suppliant; que il vous plese de votre treshaute seignourie luy faire avoir la value de ses ditz biens apres notre dit Seignour le Roy; ou autrement que vous luy plese vendre la dite crayer et les biens

Page 50

dessusditz a mesme le pris notre dit Seignour le Roy, et ce pour Dieu et en oeure de charite.

indorsacio. Eit le suppliant cynq mars pour la value du quarte partie du crayer, et des biens, dont ceste peticion fait mencion, et sur ce soit fait [brief] de deliberate a Tresorer notre Seignour le Roy en Irland, de luy ent faire paiement en due fourme. Doune a Dyvellyn le xxviije jour de Novembre, lan &c., comme desus.

Page 51

46

Pro Waltero Norreys. A.D. 1392

A treshonoures Justice et Conseil notre Seignour le Roy en Irland supplie Wautier Norreis que il vous plese de votre tresgraciouse seignourie, pour lestat notre dit Seignour le Roy et laumes de ses progenitours, granter au dit Wautier chartre de pardon de la mort Thomas Bacon, par autre non appelle Thomas Shygot, et auxint des utlagerie, si nullesP51A1 [P51A1] sic in MS.52 en sa persone soient par celle cause pronuncies; eiant reguard, treshonoures Seignoures, que il est povere homme, et nad dont poet faire fin a notre dite Seignour le Roy.

indorsacio. Eit le suppliant chartre de pardon de grace le Roy especial, et au requeste de John Haire, Sergeant des Leys notre Seignour le Roy en son Commun Place Dirland, solonc la purport de ceste peticion,

Page 52

par lettres patentes notre Seignour le Roy souz son grant seel en Irland, en due fourme. Doune a Dyvellyn, le xxixe jour de Novembre, lan &c.

47

Pro Jacobo le Botiller, Comite Ermonie, Justiciario Hibernie. A.D. 1392

Au Conseil notre Seignour le Roy en Irland, prie James le Botiller, Conte Dormond, Justice Dirland, que vous lui plese granter la garde de tous les terres et tenementz, roialte et franchise, ove les appertenances, queux furent nagueres a Hugh, Conte de Stafford, en la countie de Kilkenny, en la main notre Seignour le Roy pour certaine cause esteauntz, a avoir et tenir tanque comme ils demourent en la main notre dit Seignour le Roy, rendant ent par an a notre dit Seignour le Roy, en son Eschequer a Catherlagh, xvj. li., a festes de Pasqs et Seint Michel, par egalles porciones.

indorsacio. Eit James le Botiller, Conte Dermond, Justice Dirland, la garde de tous les terres et tene

Page 53

mentz, roialte et franchise, ove les appertenances dont ceste peticion fait mencion, combien que ils demourent en la main notre Seignour le Roy, solon la tenour et purport de mesme ceste peticion, par les letteres patentes notre Seignour le Roy souz son grant seel en Irland, en due fourme. Doune a Dyvellin, le xxixe jour de Novembre, lan &c., comme desus.

Page 54

50

Pro Johanne Elyngham. A.D. 1392

A vous, Seignour Justice et Conselle notre Seignour le Roy en Irland, supplie John Elyngham, sergeant darmes, que comme il estoit assigne par Consel notre Seignour le Roy en Engleterre damener hors Dangleterre en Irland del tresor le Roy ij.m mars, sur la garde du quelle somme sibien par mer comme par terre il avoit grand coustages, et puis sa venue en Irland il travailla sur les besoignes du Roy as divers

Page 55

lieus a ses costages propres; que vous plese considerer ses ditz travails et coustages, et luy granter un covenable reguard en recompensacion dicelle.

indorsacio. Eit le suppliant vynt mars de doun le Roy et sa grace especial pur cause contenue en ceste peticion, et sur ce soit fait brief de deliberate as Tresorer et Chamberleins de Leschequer notre Seignour le Roy en Irland, en due fourme, de luy ent faire paiement. Doune a Trym, le iije jour de Novembre,P55A1 [P55A1] Probably a mistake of the scribe for Decembre. It is not likely that the Council Minutes of November the 3rd would have remained so long without being entered on the Roll.56 lan &c.

51

Pro Johanne Sergeant et aliis de carta pardonacionis. A.D. 1392

A tresgracious, trespuissant, et tresnoble Seignour, le Conte Dormond, Justice Dirland, supplie humblement votre poure oratour Johann Sergeant, Abbe de la maison de Seint Thomas le Martir joste Divellin, que comme le dit suppliant entra en sa dite meison, et

Page 56

autres de ses himoillausP56A1 [P56A1] Himoillaus; this word may be a mistake of the scribe for humoillaus. It is plainly written, however, and can only read as above, or as hunoillaus; perhaps it may be intended for the old French homeleis, which Roquefort, (Glossaire de Langue Romaine) in verb. Homeau interprets as homunculus, homme de peu de consequence. The context would lead one to conclude that by this word it was intended to denote persons of a station subordinate to the abbot.57 ove luy, cestassavoir, Thomas Sergeant, Thomas Fitz Thebaud Comyng, Johann Derpatrick, Henri Fitz William, Johann Fitz Petre Scurlag, Esmond Scurlag, William Sergeant, Wautier Foil, Johann Fitz Robert Gerard, William Rote, cheppellain, Patrick Wisse, chapellain, William Bernard et Johann Fitz Andrew Scurlag, a cause du quel entree les adversaires du dit suppliant ont fauxement endites le dit suppliant, et les autres desus escriptz, des certains pointz, les queux ne sont a le dit suppliant cognuz; plese a votre honourable seignourie, et de votre grace especial, de granter un chartre de pardoun au dit suppliant, et a les autres desus escriptz, de toutes maneres de trespases, tresounes, felonies, roberies, occisions, conspiracies, confederacies, contemptes, deseites, extorcions, fauxementz, faux alliance, champarties, ambedextres,

Page 57

ou autres fauxunes, ou ascun autre chose fait encontre les estatuz ou ordenance notre Seignour le Roy ove ses progenitours, pour Dieu et en oeure de charite.

indorsacio. Eient les supplians chartre de pardoun des pointz deinz contenues, selonc la purport de ceste peticion, par les lettres patentes notre Seignour le Roy, souz son grant seel en Irland, en due fourme, par fin de xx. mars, appaier la moiete au feste de Saint Hillarie proschein venient, et lauter moiete a feste de Pasques adonques proschein ensuyant, par souffissant seurte a trouver a Tresorer Dirland de le paiement avantdit. Doune a Trym, le iije jour de Decembre, lan &c.

52

Pro Feroill Ocorryn. A.D. 1392

A vous, Seignour Justice et Consel notre Seignour le Roy en Ireland, supplie votre servant Feroill Ocorryn, chappellein, que comme il soventes fois ad travaille sur la trete et reformacion par entre nostre Seignour le Roy et ses liges de Leynster, et les

Page 58

Irrois de Leynster, a ses costages propres, sans ascun reguard par celle cause encoru; que il vous plese considerer ses ditz travailx et costages, et luy granter un covenable reguard en recompensacion dicelle, sique il purra le meulz tielx charges supporter en temps avenir.

indorsacio, Eit le suppliant xx. souldz de doun le Roy et sa grace especial pur la cause contenue en ceste peticion, et sur ce soit fait brief de deliberate as Tresorer et Chamberleins de Leschequer notre Seignour le Roy en Irland, en due forme, de luy ent faire paiement. Doune a Trym, le iije jour de Novembre,P58A1 [P58A1] Probably a mistake for Decembre. See note p. 55, supra.59 lan &c.

53

Pro Domino Johanne de Burgo.

P58A2 [P58A2] An enrolment of five lines, in Norman French, has been here crossed out, and then most carefully erased with a knife. The application of a chemical solution has brought out the entry as follows:– A treshonore Seignour, le Conte Dormond, Justice Dirland, supplie Sire Johan Burg, autrement nomme Ethevard, chapellain, Vicarie de Donboyng, que il vous plese ratifier, approver, et confirmer lestat et possession que il ad en sa vicariage, par lettres patentes notre Seignour le Roy, souz son grant seel in Irland, en due forme, pour Dieu, &c. Indorsacio. Eit le suppliant ratificacion et confirmacion en lestat et possession de la vicariage deins escript, selonc le purport de ceste peticion, par lettres patentes, &c. Doune a Trym, le iije jour de Decembre, &c. It will be seen that this enrolment is nearly word for word the same as No. 65, which is dated at Carrick, December 15th.59 […]

Page 59

54

Pro Thoma Everdon. A.D. 1392

Plese a vous, Sire Justice et Consel notre Seignour le Roy en Irland, granter a Thomas de Everdon, clerc, la garde de tous les terres et tenementz, ove les appurtenances, queux jadis furent a Symond de Repenteney, deinz la seignourie et manoir de Taueragh, en la contie de Mide, sibien ceux que Richard Mole jadis avoit et tenoit, comme tous autres queconques es mains notre Seignour le Roy par certains causes esteantz, rendant ent a notre Seignour le Roy par an lextent ent fait, ou proscheinement affaire; entendantz sil vous plese que les dites terres pour la greindre partie gisent frisshes pour defaute de boune garde.

Page 60

indorsacio. Eit le suppliant la garde de tous les terres et tenementz dont ceste peticion fait mencion, combien que ils demourent en la main notre Seignour le Roy, selonc la tenour et purport de ceste peticion, et sur ce lui soient faites lettres patentes notre Seignour le Roy souz son grant seel en Irland en due fourme. Doune a Trym, le iije jour de Novembre,P60A1 [P60A1] Probably a mistake for Decembre, see note p. 55, supra.61 lan notre Seignour le Roy Richard Seconde seszisme.

55

Pro Episcopo Midensi. A.D. 1392

A vous, Sire Justice et Consel notre Seignour le Roy en Irland, supplie Alizaundre, Evesque de Mide, que comme il estoit assigne par notre Seignour le Roy destre de son Consel en Irland, par cause du quel assignement et par votre commandement, Sire Justice, il ad travaille puis le temps que il estoit descharge de loffice de Justice Dirland as divers parties de la terre dans divers conseilles et autres estretiz par vous

Page 61

tenuz, ove divers gens en sa compaignie, a ses coustages propres, sans fee ou regard par celles causes encore pris; que il vous plese considerer ses ditz travalx et coustages, et luy granter ascun covenable regard en recompensacion dicelle, sique il purra le meulx telx charges supporter en temps avenir.

indorsacio. Eit le suppliant quarant mars en noun de reguard, par les causes contenues en ceste peticion, de doun le Roy et sa grace especial, et sur ce soit fait brief de deliberate, en due fourme, directe as Tresorer et Chamberleins de Leschequer notre Seignour le Roy en Irland, de luy ent faire paiement. Doune a Dyvellyn, le iije jour de Decembre.

56

Pro Johanne Walsh. A.D. 1392

Au Justice et Consel notre Seignour le Roy en Ireland, supplie Johan Walsh, sergeant, que il vous plese de votre tresgraciouses seignouries luy granter chartre de pardoun pur lamort dun Laurence Molgand,

Page 62

par luy occis; ja soit il ousy que ascun utlagerie soit en sa persoune pur icelle cause pronuncie, et ce par aese fin faire a notre dit Seignour le Roy, pour Dieu et en oeure de charite.

indorsacio. Eit le suppliant chartre de pardon pour lamort dont ceste peticion fait mencion, solonc la purport dicelle, par fin de demy mars appaier en le Hanaper notre Seignour le Roy en Irland et sur ce luy soient faites lettres patentes notre Seignour le RoyP62A1 [P62A1] The words sous son grant seel seem to have been omitted after the word Roy in making the entry on the Roll.63 en Irland en due fourme. Doune a Trym, le iije jour de Decembre, lan &c.

57

Pro Ricardo Sudan. A.D. 1392

A vous, Sire Justice et Consell notre Seignour le Roy en Irland, supplie Richard Sudan, que il vous plese luy granter chartre de pardoun pour lamort

Page 63

dun Robyn Grodan, sherman, par luy occis, et pour toutes autres trespas, felonies, sedicions, tresons, champarties, confederacies, faux alliances, et de toutes.autres causes dont il soit endite devant ces heures, et auxint si ascun utlagerie soit en sa persone pour les dites causes ou luy dicell pronuncie, et ce par aese fin faire a notre dit Seignour le Roy.

indorsacio. Eit le suppliant chartre de pardoun pour la mort dont ceste peticion fait mencion, et de toutes autres pointz, selonc la tenour dycelle, par les lettres patentes notre Seignour le Roy, souz son grant seel en Irland en due fourme, pur fin de xx. soudz apaier en le Haneper. Doune comme desus.

58

Pro Priore de Athirde. A.D. 1392

A Justice et Consel notre Seignour le Roy en Irland supplie le Priour des Freres Carmes de Athirde, que comme John Styward, Vicary de Athirde, John Ffrenshe,

Page 64

et Wauter Gernoun furent seisiz de vj. meses et xxij. acres de terre en Athirde par le feffement Johan Gernoun de Molynestoun, en lour demein ove de fee, et le Marsdi [proschein] apres le feste de Cluse de Pasque par lour fait endente lesserent les tenementes avantditz au Priour et Covent [de Athirde] a terme de lvij. anz donque proschein ensuyant[z], et puis celle matier trove devant Johan Myncelyn, depute de Th[oma de] Clyfford,P64A1 [P64A1] There is a defect in the parchment after the letters Th. Sir Thomas de Clyfford was appointed Escheator of Ireland for life by patent of 9 Ric. II.; he held that office till 1393. (Liber Munerum Hiberniæ, Part ii., p. 214, under Lodge's Patentee Officers.)65 Eschetour Dirland, il seisist les tenementes avantditz es mains notre Seignour le Roy, et puis devant Thomas H[ille], Eschetour en contie de Loueth, celle matiere trove et entre, que John Dowdale, de Dundalk, par collusion […] faire le dit Priour perdre son terme avauntdit, porta brief de droit devers le dit Water Gernoun, un des lessours del terme avantdit,

Page 65

les autres deux lessours en plein vie esteantz, par ces contenue[s] sur le dit brief de droit tanque le dit Johann Dowdaille avoit jugement de recoverer, et ce secretement, nient sachant le dit Priour, comme appiert par retourn le dit Thomas Hille en la Chancellerie; que il vous plese de votre tresgraciouse seignourie considerer la matiere susdit, et le droit du dit Priour et ses successours les tenantz avantditz durant la terme que remeint avenir des lvij. ans avantditz, pour les almes des nobles progenitours notre Seignour le Roy, et en oeure de charite.

indorsacio. Eit le suppliant le remenant del terme que est avenir des terres et tenementes deinz ceste peticion contenuez, selonc la purport dycelle, de grace le Roy especial, et pour les almes notre Seignour le RoyP65A1 [P65A1] Some words, written in error, have been erased here; altogether this entry seems to have been carelessly enrolled, several words being left out, which are conjecturally supplied in the translation.66 et ses progenitours, et en oeure de charite, et sans

Page 66

rienx ent rendre a notre dit Seignour le Roy, par les lettres &c. Doune &c., comme desus.

59

Pro Waltero Plunket. A.D. 1392

A Justice et Consel notre Seignour le Roy en Irland supplie Wautier Plunket, que il plese luy granter chartre issint que il ne soit mie mis en assises, juries, atteintes ou ascuns inquisicions, et que il ne soit maire, viscont, eschetour, coroner ne nul autre officer, encontre sa volunte, et que le dit chartre soit ove la clause de licet, coment que ascun chose soit que touche le Roy a enquerrer ou affaire, et ce de grace le Roy especial.

indorsacio. Eit le suppliant chartre de exempcion des pointz deinz contenues, selonc la purport dicelle, de grace le Roy especial, par lettres patentes &c. Doune a Clane, le ve jour de Decembre, lan &c.

60

Pro Johanne Fitz Ricardi Smyth. A.D. 1392

A Justice et Consel notre Seignour Roy en Irland supplie Johann Fitz Richard Smyth, de Arthurestoun,

Page 67

que vous plese de votre tresgraciouse seignourie luy granter chartre de pardoun de toutes maneres de felonies, tresons et trespases par luy faitz encontre la pees notre dit Seignour le Roy quore est, et auxint utlageries, si ascuns en sa persoune soient pronuncies, et ce par aese fin faire a notre Seignour le Roy, pur Dieu et en oeure de charite.

indorsacio. Eit le suppliant chartre de pardoun des pointz deinz contenuez, selonc la tenour de ceste peticion, par fin de deux mars appaier en le Haneper, par lettres patentes &c. Doune a Clane, le ve jour de Decembre.

Page 68

63

Pro Edwardo Perers. A.D. 1392

A vous, Sire Justice et Consel notre Seignour le Roy en Irland, supplie Edward Perers que vous luy plese granter a ferme tous les terres, tenementz, seignouries, ove les appurtenances, queux furent a Johan Vernaille en Portelester, et ailours en la counte de Mithe, a present en les mains notre Seignour le Roy esteantz, pour le temps que ils demorent en les mains notre dit Seignour le Roy, pour estent fait, ou affaire, de la date de la [le] xxvje jour de Septembre.

indorsacio. Eit le suppliant a ferme les terres, tenementes et seignouries, ove les appurtenances, dont ceste

Page 69

peticioun fait mencion, solonc la pourport dicelle, appaier lestent ent derrain fait, ou proschein affaire apres la date dedens contenue, et sur ce luy soient faites lettres patentes notre Seignour le Roy souz son grant seel en Irland, en due fourme. Doune a Kilkenny, le ixe jour de Decembre, lan &c.

64

Pro Edwardo Maltravers. A.D. 1392

A vous, Sire Justice Dirland, supplie Edward Maltravers que vous luy plese granter chartre de pardoun pour toutes maneres trespaces, sedicions, felonies, champarties, confederacies, conspiracies, tresons, faux alliances et toutes autres causes dont il soit endite devant ces heures; et auxi si ascune utlagerie soit en sa persone pour les causes avanditz ou lun de eulx pronuncie, et ce par aese fin faire a notre Seignour le Roy.

indorsacio. Eit le suppliant chartre de pardoun des pointz dedeinz contenuez, salonc la pourport de ceste peticion, par fin de vynt souldz apaier en le Hane

Page 70

per, et sur ce luy soient faites lettres patentes notre Seignour le Roy souz son grant seel en Irland, en due fourme. Doune a Carryk, le xje jour de Decembre, lan notre Seignour le Roy Richard Seconde seszisme.

65

Pro Domino Johanne Burg. A.D. 1392

A vous, Sire Justice notre Seignour le Roy en Irland, supplie Sire Johan Burg, autrement dit Etheuard, Chappellain, Vicary de Donboyng, que vous luy plese approver, ratifier et confermer lestat et possession que il ad en sa dite vicariage, pour Dieu et en oeure de charite, et de grace le Roy especial.

indorsacio. Eit le suppliant ratificacion et confirmacion dont ceste peticion fait mencion, solonc la purport dycelle, par lettres patentes notre Seignour le Roy souz son grant seel en Irland, en due fourme. Doune a Carryk, le xve jour de Decembre, lan &c.

Page 72

70

Pro Domino Roberto Henford. A.D. 1392

A vous, Seignour Justice notre Seignour le Roy en Irland, supplie Robert Henford, Chevalier, que vous luy plese granter a ferme tous les terres et tenementes que furent a Robert Bereford par sa vie, ore en la main notre dit Seignour le Roy pour certaines causes seisiz et esteantz, a avoir et tenir tanque ils demourent en la main notre dit Seignour le Roy, rendant ent par an a notre dit Seignour le Roy, en son Eschequer a Catherlagh, lestent des ditz terres et tenementz derrain fait ou proschein affaire.

Page 73

indorsacio. Eit le suppliant touz les terres et tenementz a ferme dont ceste peticion fait mencion, combien que ils sont en la main notre Seignour le Roy, appaier lestent en Leschequer a Catherlagh ent derrain fait ou proschein affaire, solonc la tenour de ceste peticion, et sur ce luy soient faites lettres patentes notre Seignour le Roy souz son grant seel en Irland, en due fourme. Doune a Carryk, le xvje jour de Decembre, lan &c., comme desus.

71

Pro Johanne Fitz Arnaud Grant. A.D. 1392

A vous, treshonoure Seignour le Conte Dormond, Justice Dirland, supplie Johan Fitz Arnaud Grant, que vous luy plese granter chartre de pardoun de toutes maneres tresons, felonies et trespases par luy faitz, sibien encontre la pees le Roy Edward, aiel notre Seignour le Roy qui ore est, comme encontre la pees notre dit Seignour le Roy qui ore est, et aus

Page 74

sint de conspiracies, confederacies, champarties, faux alliances, deceytes, contemptes, negligences, conselementz, extorcions, oppressions, excesses et autres trespas queconques, et forfaiture de ses beins et chateux, si ascune par les causes susdites a notre dit Seignour le Roy apertient, et utlageries, si ascunes en sa persone par les causes avantdites soient pronuncies, et ce par aese fin faire a notre dit Seignour le Roy, considerant que il est loial lige notre dit Seignour le Roy.

indorsacio. Eit le suppliant chartre de pardoun des pointz dedens contenuz, solonc la purport de ceste peticion, par fin de cent souldz, appaier en le Haneper, et sur ce luy soient faites lettres patentes notre dit Seignour le Roy souz son grant seel en Irland, en due fourme. Doune a Waterford le derrain jour de Decembre.

Page 75

74

Pro Ricardo Broun, mercatore de Rosse. A.D. 1393

A vous, Sire Justice notre Seignour le Roy en Ireland, supplie Richard Broun, merchant de la vile de Rosse, que vous luy pleise grantier la garde del

Page 76

verryeP76A1 [P76A1] At first sight this word, which is not to be found in our glossaries, would seem to stand for ferry, as there was an ancient ferry where the bridge of New Ross now is; but it more probably answers to veherie, meaning deputed or inferior jurisdiction. See Cotgrave; also Du Cange in verb veheria. This jurisdiction probably had reference to transport of goods by the river to and from the port of Ross.77 de la ewe de Rosse avauntdite, esteant es mayns le Roy pour certeynes causes, a avoier et tenyr combien que el demourt en les mayns notre dit Seignour le Roy, rendant ent par an a notre dit Seignour le Roy, par les mayns le fermer meisme notre dit Seignour de la dicte ville, qui pour le temps serra, lestent ent darreynement fait ou procheyn affaire, as termes de Paske et Seint Mychel, par owels porcions.

indorsacio. Eit le suppliant la garde del verreye de la ewe Rosse, combien que elle demourt en les mayns notre Seignour le Roy, solonc la pourport de ceste peticion, a trover suffisant seurte en la Chancellerie de paier lestent ent derrain fait ou procheyn affaire, et sur ceo luy soient faites lettres patentes notre Seignour le Roy souz soun grant seal en Irland, en

Page 77

due fourme. Doune a Waterford, le v. jour de Januere, lan notre Seignour le Roy Richard Seconde seszisme.

75

Pro Magistro Johanne O'McGyn, Archidiacono de Kerry. A.D. 1393

A vous, treshonoure Seigneur le Cont Dormond, Justice Dirland, supplie Meistre Johan O'McGyn, Archidiacoun de Kerry, que vous luy plese approvir, aratifier et confermer lestate et possessioun qil ad en sa dite archedeaconerye, et ce de grace le Roy especial.

indorsacio. Eit le suppliant ratificacion et confirmacion de son estate et possession dont ceste peticioun fait mencioun, solonc la pourport dycelle, de grace le Roy especial, par les lettres patentes notre Seignour le Roy souz soun grant seal en Irland, en due fourme. Doune a Waterford, le ve jour de Januere, lan notre Seignour le Roy Richard Secunde seszisme.

76

Pro Johanne Brode, mariner. A.D. 1393

A vous, Sire Justice notre Seignour le Roy en Irland, et a son Consaille illoeques, prie Johan Brode,

Page 78

maryner, que vous luyP78A1 [P78A1] Sic in MS., as also Trespos, confideraciez, neccligence and utlaries79 pleise luy graunter chartre de pardoun de touz maneres tresouns, trespos, felonyes, oppressions, extorcions, conspiraciez, confideraciez, chaumparties, faucetes, faux aliaunz, deseites, neccligence, murdres et autres excesses quelcunques, et de touz maneres utlaries, si aschunez en son corps soit pronunciez, si bien en temps notre Seignour le Roy Edward, aielle notre Seignour le Roy quor est, comme en temps notre Seignour le Roy Richard quor est, et ore par esi fyn fair.

indorsacio. Eit le suppliant chartre de pardoun des pointz deinz contenuez, solonc la purport de ceste peticion, par fin de quatre mars appaier en le Haneper notre Seignour le Roy en Irland,P78A2 [P78A2] This and the five preceding words are interlined in the MS.79 et sur ce luy soient faites lettres patentz notre Seignour le Roy souz son grant seel en Irland, en due fourme. Doune a Waterford, le vje jour de Januere, lan comme desus.

Page 79

77

Pro Maiori et Ballivis civitatis Waterfordie. A.D. 1393

A vous, trespuissant et treshonnoure Seignour Justice notre Seignour le Roy en Irland, supplient les Maire, Ballifs, et Citeseins de la cite de Waterford, que vous pleise de votre bone gracie pardoner a eaux et lourz predecessours, maires et baillifs de la dite cite, la suyte de la pees et contemptes notre dit Seignour le Roy, et ceo que ils ount venduz veinesP79A1 [P79A1] The dots above and below the letter e, showing that it is redundant, are in the MS.80 et autres vitailles en grosse et a rettaille en la dite cite a temps qils estoient es loffices avantdites, et la correccione des vitailles illoeques […] apertienent,P79A2 [P79A2] After this word is written in the MS.–Et outre ceo granter as avauntditz Maire, Baillifs, et Citeseins, et lours successoures qui sount, ou qui pur temps seront, licens de vendir, through which the pen has been drawn.80 encountre la forme de lestatut en cel cas fitte et purveu, et les forfactoures queux a notre dite Seignour le Roy par celles causes apertinent, et outre ceo graunter as avauntditz Maire, Baillifs, et Citeseins, et a lours successours qui sount, ou qui pour le temps seront, licens de vendre, desorenavant a terme de quarant ans proscheins a

Page 80

venir, vines et autres vitailles queconques en la dite cite, si bien en grosse come en rettaille, nyent contrestant lesP80A1 [P80A1] Sic in MS.81 statut avantdit, saunz apechementz notre dit Seignour le Roy, ses heires, ou ces minysteres queconques, par eisie fyen faire, considerrant la poverte et les grants charges et notoiries meschiefs et damages du dite cite, et que les ditz Maire, Baillifs, et Citeseinez ne ont terres, tenementes, nautres rens dont viver pur eaux, et les charges du dite cite sustiner, estreP80A2 [P80A2] Sic in MS., probably for outre.81 les vents et achates de lourz pettez marchandisez, et sont simples tenants notre Seignour le Roy, et les votres; eaunt regard, treshonoure Seignour, que autres justices devant vous ount grantes a euaux semblables patentes come par icelles plus pleynement put apparir.

endorsacio. Eint les suppliantz pardoun de eux et lour predecessours, maires et baillifs devant lour temps, de la suyte de la pees et contemptes notre Seignour le Roy, de ce que ils ont venduz vins et autres vitaille

Page 81

en grosse et aretaille en la cite de Waterford en temps de lour offices, ensemblement oveque la correction dicelle, encontre la fourme de lestatut en tel cas fait, et des forfaitures que a notre dit Seignour le Roy ent appertiegnent par les causes susdites. Et outre ce eient les suppliantz et lour successours, mair et baillifs qui sont ou qui pour le temps seront, licence pour vendre, desore enavant au terme de xx. ans proschein ensuyantz, vins et autres vitailles queconques en la dicte cite sibien en grosse comme en arrettaille, nientcontresteant lestatut avantdit, et sans empeschement notre Seignour le Roy, ses heirs et ses ministres queconques, solonc la tenour de ceste peticion, par fin de cynq mars appaier en le Haneper notre dit Seignour le Roy en Irland, et sur ce a eux soient faites lettres patentes &c. Doune a Waterford de xije jour de Janver, lan &c., comme dessus.

Page 82

78

Pro ThomeP82A1 [P82A1] Sic in MS.83 Rope. A.D. 1393

A vous, tresreverent et treshonnoure Seignour Justice Dirland, supplie Thomas Rope, que vous pleise de votre bone grace luy pardoner le abatment qil ad fait sur la possession le Roy, et lez issuez, si aschunez au Roy apertinent a cause del ordinance dez absentes, dun mese ove lez apurtenance en la cite de Waterford; eant regarde, treshonoure Seignour, la ceisine le Roy estre fait par sugestioun, encontre ley, et nyent par enquest doffice, ne par autre due process, considerantz, tresreverent Seignour, que les parties sont acordes.

endorsacio.P82A2 [P82A2] This word is interlined in the MS.83 Eit le suppliant pardoun del abatement de la possession dont ceste peticion fait mencion, et des issues que a notre Seignour le Roy ent apertinent, par fyn de cinq marcs appaier en la Haneper notre dit Seignour le Roy en Irland, et sur ceo luy soient faites lettres patentes notre dit Seignour le Roy souz soun graunt seel en Irland, en due forme. Et auxi soit

Page 83

fait brief, en due fourme, a Water Evere et Thomas Taillour, Comissioners de Leschequer notre dit Seignour le Roy en Irland de cuiller et lever les issues et autres dettes en sa dite terre, pur descharger outrement le dit suppliant del abatement de la possession et des issues avauntditz. Done a Waterford, le xije. jour de Janver, lan notre dit Seignour le Roy Richard Seconde seszime.

79

Pro JohanniP83A1 [P83A1] Sic in MS.84 fitz Galfridi Shorthals. A.D. 1393

A vous, treshonoure Seignour le Counte Dormond, Justice notre Seignour le Roy en Irland, supplie Johan fitz GreffreyP83A2 [P83A2] Sic in MS.84 Sorthals de Brounestoun, que vous luy pleise granter generale chartre de pardoun de toutz maners tresones, felonies et trespaces par luy faitz si bien en countre la paes notre Seignour le Roy Edward, aiel notre Seignour le Roy qorest, come en countre la pees notre dit Seignour le Roy que orest, et auxint dez conspiracies, confederacies, champarties, sediciones, faux alliance, decites, contemptes, necligences, conselementes,

Page 84

extorcions, oppresions, excesses et autres trespaces queconques, et forfature de ces biens et chateux, si aschune par les causes susditz a notre dit Seignour le Roy appertinent, et utlagerries, si aschunes en sa persone par les causes avaunditz sient pronuncies; eiant regard qil est loial lige a notre dit Seignour le Roy.

endorsacio. Eit le suppliant chartre de pardoun des pointz deins ceste peticion contenues, solonc la purport dicelle, de grace le Roy especial, et au requeste de reverent pere en Dieu Levesque de Ossery, sans ent fin faire a notre dit Seignour le Roy, et sur ce luy soient faites lettres patentes notre dit Seignour le Roy souz son grant seel en Irland, en due fourme. Doune a Waterford, le ixe. jour de Janver, lan &c., comme desus.

80

Pro Alicia Braye. A.D. 1393

A vous, Sire Justice et Conseil notre Seignour le Roy en Irland, supplie Alice Braye, que vous plese de votre tresgraciouse seignourie luy granter chartre

Page 85

de pardoun de toutes maneres trespaces et felonies par luy en la terre Dirland encontre la pees notre Seignour le Roy faitez, dont elle est endites, rectes ou appelles,P85A1 [P85A1] Sic in MS.; the plural is here used by mistake for the singular form of these three words, as also in the case of detenuz lower down.86 et auxint de utlageries, si ascunes en sa persoune soient pronuncies par les causes avantdites, et ce de grace notre dit Seignour le Roy especial et en oeure de charite; considerant, tresgracious Seignours, comment la dite Alice ad este detenuz en prison par deffaute et sans cause, si vous naiez pite de luy pour laumes les progenitours notre dit Seignour le Roy, et del omoigne mesme notre Seignour le Roy.

indorsacio. Ait le suppliant chartre de pardoun des pointz deins escriptz, solonc la purport de ceste peticion, sans ent fin faire, de grace le Roy especial et pour les almes de ses progenitours, par les lettres patentes notre dit Seignour le Roy souz son grant seel en Irland, en due fourme. Doune a Waterford, le xiie jour de Janver, lan &c., comme desus.

Page 86

81

Pro Edwardo Pererys. A.D. 1393

A vous, Sire Justice et Conseil notre Seignour le Roy en Irland, supplie Edward Perers, que vous plese luy granter la garde de tous les terres et tenementes ove les appurtenances en Castelricard en la contie de Mide, queux jadis furent a Esmond de Mortymer, Conte de la Marche, et queux par la mort du dit Conte, et par cause de meindre age de Roger, fitz et heir le dit Conte, furent seisiz es mains le Roy, et par mesme la cause encore sont, et queux Symond Tancard jadis tenoit a ferme de notre Seignour le Roy, a avoir et tenir tanque al leil age du dit heir, rendant a notre Seignour le Roy par an, par les mains le Tresorer de Mide qi pur le temps sera, quatre livres, as termes de Apostoles Philip et Jacob et Tous Seintz en les terres usueles, par oweles porcions, come le Symond rendoit pour icelles a notre Seignour le Roy pur le temps que il les tenoit a ferme comme dit est; entendantz que les ditz terres et tenementes sont assis en la marche sur la frontoure des enemys, que il seront

Page 87

degastes et destruys sils ne soient souffissaument gardes, et le dit Simon ad pris tel maladie que il ne poet desore les garder.

indorsacio. Eit le suppliant la garde des terres et tenementz dont ceste peticion fait mencion, combien que ils demourent en la main notre Seignour le Roy, a trouver seurte en la Chancellerye dent paier par an au Roy quater livres, as termes deinz escriptz, par les mains du Tresourer de Mide qui soit pour le temps, solonc la purport de ceste peticion, par lettres patentes notre dit Seignour le Roy souz son grant seel en Irland, en due fourme. Doune a Kylkenny, le xxj. jour de Janver, lan comme desus.

82

Pro Archiepiscopo Armadense. A.D. 1393

As tresnobles Seignours, le Justice et Conseil notre Seignour le Roy en Irland, supplie Johan Archevesque Darmagh, Primat Dirland, que vous plese luy granter la garde dun mees ove les appurtenances en la ville de Droghda es parties Dyriell, jadis a un Johan de

Page 88

Coupeland, burgeis de mesme la ville, pour estent ent fait ou a faire, si au Roy appertient.

indorsacio. Eit le suppliant la garde du mees ove les appurtenances dont ceste peticion fait mencion solonc la pourport dycelle, si au Roy appertient,P88A1 [P88A1] This and the two preceding words are interlined in the original.89 par souffissant seurte a trover en la Chancellerie de paier lestent ent fait ou affaire, et sur ce luy soient faites &c. Doune a Kilkenny le xxj. jour de Janver, lan &c., comme desus.

83

Vacat quia inferius. A.D. 1393

A treshonore et trespuissant Seignour Justice Dirland supplie le votre simple servant Johan Pellyne, clerc, que il vous plese luy granter une presentacion al Erchedekne de Cloun, que voide est, et a doun a notre Seignour le Roy appeirt, et ce par especial grace le Roy, et en oeure de charite.

Page 89

indorsacio. Eit le suppliant presentation du Roy, de sa grace especial, al Archdiaconerye dont cest petition fait mencion, solonc le tenour dycelle, par lettres patentes notre Seignour le Roy souz son grant seel in Irland, en due fourme. Doune a Kilkenny, le xxj. jour de Janver, lan &c.P89A1 [P89A1] This enrolment is crossed out, or cancelled, in the original. See enrolment No. 101, infra.90

84

Pro Henrico Stanyhirst. A.D. 1393

A Justice et Conseil notre Seignour le Roi en Irland supplie Henrie Stanyhirst, clerk, que come il ad sustenue tres grandes travalx en escrivant diverses briefs combien des Parlements come des Conseiles as diverses seignours Dirland, et diverses autres briefs sibien touchantz le profist mesme notre Seignour le Roy comme lestat et salvacion de toute la terre Dirland, sanz ascune regard ent de notre dit Seignour le Roy receivant; que plese as vous tresgraciouses seignouries considerer la matire suisdite, et lui ent ordener covenable regard.

Page 90

indorsacio. Eit le suppliant quarant souldz en noun de reguard pour les causes contenuz en cest peticioun, de doun le Roy et sa grace especial, et sur ce soit fait brief de deliberat, en due fourme, directe as Tresorer et Chamberlains de Lescheqer Dirland, de luy faire paiment de la dit somme. Douny a Kilkenny, le xxij. jour de Janver, lan notre Seignour le Roy Richard Seconde seszisme.

85

Pro Willielmo Welles. A.D. 1393

A Justice et Conseil notre Seignour le Roy en Irland supplie William Welles, que come il ad sustenue tresgrandes travalx perdes et damages sibien des chivalx come des diverses auters harneys, travaillant el service notre Seignour le Roy es diverses parties de la terre Dirland par longe temps passe sanz ascune regard ent receivant de notre dit Seignour le Roy; que vous plese considerer la matire suisdite, et luy ent grantier covenable regard.

Page 91

indorsacio. Eit le suppliant xl. s. en noun de reguard, de doun le Roy et sa grace especial, pour les causes continues deinz ceste peticion, et sur ce soit fait brief de deliberat, en due fourme, directe as Tresorer et Chamberlainz de Lescheqer Dirland, de luy faire paiment de la dit somme. Douny Kilkenny, le xxij. jour de Janver, lan notre Seignour le Roy Richard Seconde seszisme.

86

Pour Johan Omery. A.D. 1393

A vous, tresreverent et treshonoure Seignour Justice Dirland, monstre Johan Emery, que comme il ad droit en un mees ove les appurtenances en la cite de Waterford, en le quel il entra et seisi fust, et sur sa possession le Roy seisist en sa main mesme le mees ove les appurtenances, sur quoi, treshonoure Seignour, il ad monstre ses munimentz, chartres et evidences a vous, sur quoi il ad le meillour droit comme vous bien savez; par quoi prie le dit Johan que il vous

Page 92

plese de votre bone grace luy faire ent restitucion, depuis que il fut seisi en la main le Roy sur sa possession, solonc ce que la loy demande; et que il vous plese faire et commander le Chanceller de faire briefs de deliverance a luy, et auxi briefs as Tresorer et Barons de Leschequer de luy descharger des issuz dicelle en temps avenir, sur la matiere susdite.

indorsament. Soient faitz briefs notre Seignour le Roy, lun de faire deliverance au suppliant del mees deinz escript hors de la Chancellerie notre Seignour le Roy, et lautre direct as Tresorer et Barons de Leschequer notre dit Seignour le Roy en Irland pour descharger le dit suppliant des issuz dicelle en temps avenir, solonc la tenour de ceste peticion, en due fourme. Doune a Waterford le xiije jour de Janver, lan notre Seignour le Roy Richard Seconde seszisme.

Page 93

90

Pro William Welles. Vacat quia superius.

A Justice et Consel notre Seignour le Roy en Irland supplie William Welles, que comme il ad sustenu tresgrandes travailx, perdes et dammages, sibien des chivalx comme des diverses autres herneys, travaillant el service notre Seignour le Roy es diverses parties de la terre Dirland par longe temps passe sans ascun reguard ent receyvant de notre dit Seignour le Roy; que vous plese considerer la mattiere susdite, et luy ent granter covenable reguard.

Page 94

indorsacio. Eit le suppliant xl. s. in noun de reguard, de doun le Roy et sa grace especial, pour les causes contenues en ceste peticion, et sur ce soit fait brief de deliberate, en due fourme, directe as Tresorer et Chamberlains de Leschequer Dirland, de luy faire paiement de la dite somme. Doune a Kilkenny, le xxije jour de Januer, lan &c.P94A1 [P94A1] This enrolment is cancelled in the original MS. For translation, see No. 85, supra.95

91

Vacat quia superius scriptum.

A Justice et Counsel notre Seignour le Roy en Irland supplie Henrie Stanyherst, clerc, que comme il ad sustenue tresgrandes travailx en escrivant divers briefs sibien des Parliamens comme des Conceils as divers seignours Dirland, et divers autres briefs sibien touchantz le proffit mesme notre Seignour le Roy comme lestat et savacion de tout la terre Dirland, sans ascun reguard de notre dit Seignour le Roy recevant; que plese a vous tresgraciouses seignouries considerer la matiere susdite, et luy ent ordener covenable reguard.

indorsacio.P94A2 [P94A2] This enrolment, which was never completed, is cancelled in the original MS. For translation, see No. 84, supra. The enrolments which follow are written in different ink.95

92

Pour William Saymour. A.D. 1393

A Justice et Conseil notre Seignour Roy en Irland supplie William Saymour de Rosse, que come il, a temps que Monsire Johan Stanley, adank fuist Justice Dirland, fist un journe sur lez Irroys enemys en les partiez de Tamelynge, par comandement de dit jadis Justice fist porter diversez vitailx ileoqes en grant

Page 95

confort dez lieges, entre queux il porta un pipe de vyns, price iij. li., et livere a dit Justice ileoqes sanz rien ent receiver de ceo, sur qay le dit William suist par peticion a Justice et Conseil notre dit Seignour le Roy, a temps que le honourable pier Alexandre Eveske de Mide fuist Justice Dirland, de ordiner a lui due payment dez iij. li. avantditz, ile peticion endorse qil doit estre paie dez iij. li. avantditz, et outre brief fuist maunde a Tresorer et Chamberleynz notre dit Seignour le Roy de soun Escheqer Dirland a diliverer a dit William lez iij. li. avantditz de sa tresure, ne pourqant lez Tresorer et Chamberleyns avantditz rien de lez iij. li. avantditz a dit William ount paie; que vous plese de votre tresgraciouse seignourie comander estrectment al ditz Tresorer et Chamberleyns de faier due payment a dit William dez iij. li. avauntditz, oue autre covenable remedy a luy ent ordiner; eant reguard del

Page 96

grant diligenc que le dit William fist enconfort et relevement dez lieges en le journe avantdit.

indorsacio. Eit le suppliant trois marcz, en noun de regard, pour cause contenue deinz cest peticioun, deP96A1 [P96A1] Sic in MS.97 de doun le Roy et sa grace especial, et sur ceo soit fait brief de deliberate, en due fourme, directe as Tresorer et Chamberleyns de Lescheqer Dirland, de luy faire paiment de la dit somme. Doune Kilkenny, le xxij. jour de Janver, lan notre Seignour le Roy Richard Seconde seszisme &c.

93

Pour Johanne Duff Walsh de Karuckaman. A.D. 1393

A Justice et sage Conseil notre Seignour le Roy en Irland supplie John Duff Walshe de Karuckaman, que vous luy plese de votre tresgraciouse seignourie granter chartre de pardoun de toutes maneres trespaces et felonies par luy en la terre Dirland faitz sibien encountre la pees notre Seignour le Roy Edward, aiel notre Seignour le Roy qorest, come en countre la

Page 97

pees notre dit Seignour le Roy qorest, et auxint dez conspiracies, confederacies, champarties, sediciones, faux aliance, decites, contemptes, necligences, murdres, arsures, conselementes, extorcions, oppressiones, excesses et autres trespaces queconques, et forfature de ces biens et chateux, terres et tenementes, si aschune par les causes suisditz a notre dit Seignour le Roy appertinent, et utlagerries, si aschunes en sa persone par les causes avantditz soient pronuncies; eiant reguard qil est loial lige a notre dit Seignour le Roy.

indorsacio. Eit le suppliant chartre de pardoun des pointz deinz cest peticioun continuez, solonc la purport dixelle, par fin de vynt souldz a paier en le Haneper notre dit Seignour le Roy Dirland, et sur ce luy soient faites lettres patentes notre dit Seignour le Roy souz son graunt seel en Irland, en due fourme. Doune a Kilkenny, le xxiij. jour de Janver, lan notre dit Seignour le Roy Richard Seconde seszisme, &c.

Page 98

94

Pour Roger Fraunceys. A.D. 1393

A vous, Sire Justice et Conseil notre Seignour le Roy en Irland, monstre Roger Fraunceys, que come il est fait Viscunt du counte de Waterford or tarde, le quel nad nulle mansioune en mesme le counte, ne nulle autre rienz dount viver si noun cez terres qil ad en ycelle, les queux sunt gastez, et ne vaillent par an a luy x. souldz; entendantz, honourez Seignours, que la demeure du dit Roger est en le counte de Weyesford ovesque sa mere, qar autrement nad il rien dount viver si noun sur les coustagez de sa mere illoqes; sur qei prie le dit Roger que vous pleise de votre boun grace considerer le noun poar du dit Roger des matirez susditz, et que vous pleise luy ent descharger, et faire un autre suffisant destre en le dit office, qui purra lever les deners le Roy, et governer les liegez celles parties, oue autrement de granter comissione le Roy pur faire novelle electioune pour les causes susditz, qai autrement les lieges cellez partiez seront destruz pour defaunt dun suffisant viscunt, qui

Page 99

purra eaux garder et mayntenir, et les diners nyent levez pur les causes susditz.

indorsacio. Pour ce que il est bien cognus a Justice et Conseil que le suppliant est noun hable et nyent souffisant et de noun poair de servir notre Seignour le Roy en loffice deintz cest peticioun continue, et que la dit peticioun contient verite, assentuz est et acorde par lez ditz Justice et Conseil, que le dit suppliant soit outrement deschargez du dit office, et que brief sur ce de la Chancellerie luy soit maunde de non intermittendo, en du fourme, et que un autre hable et souffisant persone soit esluz pour servire le Roy en le dit office. Doune a Kilkenny, le xxiij. jour Janver, lan notre Seignour le Roy Richard Seconde seszisme.

95

Pour Johanne Sheriggeley. A.D. 1393

A Justice et Conseil notre Seignour le Roy en Irland supplient Johan Shriggeley, Chevalier, et Nicool sa femme, que come ils ount porte un brief du dower devers Richard Duraunt, chapeleyn, et Thomas Cusak, cytesyn

Page 100

de Dyvelyn, de la terce partie del fraunc tenement que fuist Symond Cusak, Chevalier, jadys baroun au dit Nicool, et ferrount lours demaunde de la tierce partie de sessaunt meesP100A1 [P100A1] This word is interlined.101 treiscentz acres du terre, quaraunt acres de pree, cent acres de pasture, vint acres de bois, quaraunt acres de more, et dys liverez de rent, ove les appurtenauncez, en Lercorre; et auxint lez avauntditz John et Nicool ount portez une autre brief de dower devers lez avaunditz Rich[ard] et Thomas de la tierce partie del fraunc tenement del avaunditz Symond, et ferrount lours demaunde de la tierce partie de duze mesez, deucentz acres de terre, quaraunt acres de pree, cent acres de pasture, cent acres de boys, et dys lyverez de rent, ov lez appurtenauncez, en Dengyn, retournable devant les Justices del Banc notre Seignour le Roy de CathirlaghP100A2 [P100A2] This and the ten previous words are interlined over the cancelled words, en le Commune Baunk.101 a cer

Page 101

teyn jour; processe ent continue tanque al quinezem du Seint Hillary lan du notre Seignour le Roy qeor est quinesem; a quel jour lez avaunditz Richard et Thomas devoient et alleggerent que touz lez terrez et tenementes avaunditz fureint en les maine le Roy, par vertue de quel alleggeaunce le Justice du dit Baunk ne voleit my aler plus avant en le dit plee tanque le Roy avoit maunde sa volunte; sour qoi le Roy graunta un brief de procedendo as ditz suppliauntz, issint que le dit Justice ne doit aler a jugement le Roy nient consele; et adonqes proces continue tanque al outas de Seint Johan Baptistre darrain passe, au quel jour lez avanditz Richard et Thomas fistreint defaunt, pur qoi le petite cape feut a gard, et jour fuist done as parties tanqe al lendemaine dez Almes darrain passez, a quel jour lez avauntditz Richard et Thomas fistreint defaut, le defaut recorde, mes jugement nient rendu par la cause susdit; que plese a moun dit treshonoure Seignour le Justice, et as ditz sage Conseil, de grauntier

Page 102

une brief de procedendo ad judicium as ditz suppliantz, nient obstaunt la cause en le brief de procedendo avauntdit que al jugement rendre les ditz Justicez ne doient aler, le Roy nient consele; et ceo pour lamour du Dieux, et en eoure de charite, eiaunt consideracioun qils sount brefes de dower unde nichil habent, et que lez ditz suppliauntz ount este delaiez pour seet anuz et plus, saunz ascuns profite a notre dit Seignour le Roy en le meen temps.

indorsacio. Seit fat brief de procedendo, en due fourme, pour le suppliant, directe as Justices deinz contenuz, de proceder au jugement en le plee pendant par devant eux dont cest peticioun fait mensioun, solonc la tenour dycelle, non obstant ascun brief ou mandement as ditz JusticesP102A1 [P102A1] The pen is drawn across the name Johan Tyrell here, and this word interlined. John Tyrell was appointed Narrator Regis, or Sergeant at Law, A.D. 1373. Lib. Muner, Hibn., part II., p. 218.103 touchant ceste matire faitz au contraire devant ces heures. Doune a Kilkenny le xxiije

Page 103

jour de Janver, lan notre Seignour le Roy Richard Seconde seszisme.

96

Pour Morice Morgane. Vacat quia inferius. A.D. 1393

A treshonore et trespuissant Seignour Justice Dirland supplie le votre simple servant Morice Morgane, que vous pleise luy granter la Chauncellerie de Clone, que voide est et a doun notre Seignour le Roy appent, et de especiale grace le Roy et en oeure de charite.

indorsacio. Eit le suppliant presentacion de Chauncellerie de Cloune, solonc le tenour de ceste peticioun, de grace le Roy especialle, par lettres patentz notre Seignour le Roy souz soun grant seel Dirland, en du fourme. Doune a Kilkenny le xxiiij. jour de Janvere, lan notre Seignour le Roy Richard Seconde seszisme, &c.P103A1 [P103A1] This enrolment is cancelled in the original. See enrolment No. 101, infra.104

Page 104

98

Pour Johan fitz Lauerace Talbot. A.D. 1393

A vous, Sire Justice et Conseil notre le Roy en Irland, supplie Johan fitz Lauerace Talbot, que come Johan Archevesque de Ardmagh, de en entyr assent de Deane et Chaptelle de Ardmagh, graunterent a dit Johan cynque marcz de annuelle rentz aprender de toux lez terres et tenementez en la ville de Ballygandyr, a terme de vie le dit Johan, par vertue de quel grant il fuist seisi et possessione de rent avantditz tanqe a ore que, par makement, covyne et emaginacioun del dit Archevesque, les ditz terres et tenementes estoyentz seisiz en les maynes notre dit Seignour le Roy par fraud, et collusioune, pur forclorer et excluder le dit Johan de soun dit rent a luy grante; que plese a votre tressage discrecioun pur considerer la matierie susdit, et deferP104A1 [P104A1] Sic in MS., for de faire.105 ordiner au dit Johan due et covenable remedie si come ley et resoun demaundent, et ceo pur Dieu et en eoure de charite.

Page 105

indorsacio. Pour ceo que tesmoigne est au Justice et Conseil, que la cause de la seisyne des terres et tenementes deynz cest peticioun contenue fut retourne par brief en la Chancellerie Dirland, et sur ceo Larchevesque vynt illoqes et traversa la cause de la seisyn suisdicte, et avoit les terres et tenementes avaunditz pour lextent ent fait ou affaire, si au Roi attynt, puys qell temps il nad rienz suy sur ceo en la dite Chauncellerie, einz prent les profititzP105A1 [P105A1] Sic in MS., for profitz.106 dycelles saunz rendre au Roi ent rienz; accorde est par lez ditz Justice et Counceil, qe les ditz terres et tenementes soient repris en la mayn le Roi hors de la possession le dit Archevesque, et qi le Roi soit paie des issuz et profitz dycelle sibien du temps passe come du temps avenir, et qi brief de non intromittendo luy soit envoie sur la matire suisdite, et brief as Tresorer et Barouns de Leschesqer pour fair la dites issuz et profitz avaundiz, et outre

Page 106

ceo vienent, sibien le suppliant come le dit Erchevesque, en la dite Chauncellerie, et illoqes appelles ceux qui sont appellerz, soit droit fait sibien pour notre Seignour le Roi come pour les parties suisditz. Doune a Kilkenny, le xxiij. jour de Janver, lan &c.

99

Pour David Wogan, Chevalier. A.D. 1393

A vous, Seignour Justice et Conseil notre Seignour le Roy Irland, monstre Davy Wogan, Chevalier, que come un Henry Wogan, Chevalier, lessa a Henry Kent et Marion sa femme toutz les meses, terres et tenementz ov lez appurtenaunce en Newhalle, Ledytoun et Gleglanestoun, pour terme de la vie les avanditz Henry et Marion, rendaunt a dit Henry Wogan et ses heires x. li., et un oustoure, de rent par an, le quel rent apres la mort de dit Henry Wogan descende a un Johan Wogan, Chivaler, come a frere et heire, le quel Johan mesme le rent graunta a dit Davy et sez heyres as toutz joures par sa chartre portaunt date le xvj. jour de Julij, lan notre dit Seignour le Roy qorest

Page 107

xv., par fors de quel graunt les dit Henry Kent et Marioun attornerent, le quel rent devaunt le graunt a dit Davy fuist sesi es maynes notre dit Seignour le Roy par cause dapsence le dit Monsieur Johan; que pleise pardoner les issues et arrerages del dit rent a dit Davy puys le dit purchace, consederaunce, treshonores Seignouries, les grauntez travailles que le dit Davy ad suffert, et suffre de jour en autre, es guerres notre dit Seignour le Roy, pour Dieu et en eoure de charite.

indorsacio. Pour ceo qe monstre est par David Wogan, Chevalier, que lentier rent dont cest peticioun fait mensioun fuit seises es maynes le Roi par cause de abcense Johan, Chevalier, frere et heir Henry Wogan, Chevalier, qel cause, par force dune ordenaunce ent nadgers fait a Gilleford encontre abscentes, doune au Roi forfaitoure des possessiouns des ditz abscentes, et que le dit Davy ad purchase la dite rent en fee, et

Page 108

les tenantz des terres et tenementes deins contenuz a terme de vi ont retournez a luy en deseritauntz du Roi et sa corone, et que le dit David ad pris la dit rent purP108A1 [P108A1] Sic in MS., for sur.109 la possessioun le Roi en contempt et desheritesoun du Roi, accorde est par le Justice et Concelle, que lentier rent avauntdite soit seise en la mayn le Roi, ensemblement ove la reversionP108A2 [P108A2] The contracted form is reu9s'.109 des terres et tenementes avauntditz, et il paie de touz les arirages ent encurruz puys la premier seisyn, et que le dit Davy, et les tenaunz a terme de vie, facent fyn en la Chauncellerie au Roi pour les contemptz suisdiz, et sur ceo soit brief mande as Tresorer et Barouns de Leschesqer Dirland, pour fair la leve de la rent avauntdite, et des arrirages dycelles. Doune &c.

100

Pour Thomas Botiller. A.D. 1393

Plese a vous, treshonoure Seignour Justice Dirland, et au Conseil notre Seignour le Roy illeoques, granter,

Page 109

a Thomas le fitz James le Botiller nagueres Conte Dormond, et a Nicholas White, Sergeant notre Seignour le Roy, une commissioun denquerre es counties de Corke, Lymericke et croce du countie de Typerary de toutes maneres tresons, trespaces, felonies, conspiracies, champarties, extorcions, oppressions, contemptes, deceites, fauxetes, et toutes autres choses faites encontre la pees illeoques, et de les oir et determiner, sibien a suyt le Roy comme de partie, et pour deliverer les gaols illeoques de telx persons enditez, et de prendre assises de novel desseyne, mortdauncester, jurees, certificates et atteyntes par briefs notre Seignour le Roy, et auxint de tenir toutz autres plees de trespas, dette, acompte, covenant, detenue, et toutz autres contractz illeoques sans brief le Roy, et de les oir et determiner solonc la ley et custume Dirland, et poair de faire et deliverer briefs le Roy touchantz la matier avantdite, pour proffit notre dit Seignour le Roy et des liges

Page 110

illeoques, sique pour deffaute de ley illeoques, les liges qi ne sont pas de poair de poursuyr aillours hors de lour paix soient desheritez et forsclos de lour droitz.

indorsacio. Eient les suppliantz une commission notre Seignour le Roy, souz son grant seel Dirland, en due fourme, pour seier sur les pointz dienz escriptz, es counties deinz contenues, pour les oir et determiner, et de faire toutes autres choses dont ceste peticioun fait mencioun, solonc la purport dycelle, a durer a volunte notre dit Seignour le Roy. Doune a Kilkenny, le xxve jour de Janver, lan notre Seignour le Roy Richard Seconde seszisme.

Page 111

103

Pour Dyonis Okeywan. A.D. 1393

A vous, trespuissaunt Seignour Justice Dirland, et a tresage Conceille illoques, supplie votre chapelleyne, Dionise Okeywan, Viker de Adryke, que come le dit Dionise soit de boun famme et loial portourP111A3 [P111A3] The contracted form is portour.112 et toutdise conversaunt entiere les Engles lieges notre Seignour le Roy, et a cause dordenance dun estatut ore tarde fait que null Irrois de sank duyst enjoiere null benefice, puys la fesaunce du dit estatut, sanz licence especial; parount, treshonoure Seignour, vous pleise de votre tresgraciouse seignourie de grauntier au dit suppliaunt une ratificacioun de ratifier soun estat

Page 112

del dit Vikeriage, a cause qil est Irrois del sank; considerant que le dit Vikeriage est de petit value, entendaunt le sympill estat le dit suppliaunt, de resseyver easy fyn, des almes de votres progenitours, et ceo en oeure de charite.

indorsacio. Eit le suppliant ratificacioun de son estat que il ad en sa Vicariage de Akeywan,P112A1 [P112A1] The penman here writes the name of the vicar for that of the vicarage.113 non obstant lordinance dun estatut fait par manere comme ceste peticioun fait mencion, par fin de xx. souldz, appaier a Thomas Everdoun, clerk del Haneper notre Seignour le Roy Dirland; et sur ce luy soient faites lettres &c. Doune a Kilkenny, le xxvje jour de Janver, lan &c.

104

Pour Johan de Aynesharth. A.D. 1393

A Justice et sage Consaille notre Seignour le Roy en Irland supplient Johan de Aynesarghe, clerk, et Deonys Roche, que plese a votre tresgracious seignourie a eux graunter la petit coustume de la ville de Weysford

Page 113

del vj jour de Fevrier darreyn pour un an entier, que estoit graunte a notre Seignour le Roy a Trym, al parlement illeoqes darreynement tenu, par un easy fyn ent fair a notre dit Seignour le Roy, et qils puissent frankement remoriereP113A1 [P113A1] There is a contraction for r over the o, thus–remỏiere.114 et lever la dit coustume al lour oeps demesme pour le dit an, et qils purroient aver sufficient poer, par lettres patentes mesme notre Seignour le Roy, de compeller les collectours du dit coustume dacompter devaunt les ditz Johan et Deonys, et a eaux faier paiement de ceo qils ount rescieu et receivoir pourroient et deusserent; eiauntz regard, treshonoures Seignours, que les ditz Johan et Deonys ount ewe grauntz travailx el service notre Seignour le Roy devaunt ces hours, le ditP113A2 [P113A2] Johan is omitted here in the original.114 esteant ovesque le treshonoure pier en Dieu Alexandre Eveske de Mithe le temps qil estoit Justice Dirland gardeyn de son preve seale, et le dit Dionys Suffreyn de Weysford al darreyns confiture que estoit fait sur McMurgh en le dit counte

Page 114

illeoqes esteant en propre persoun od ses Communes, et sovent autres diverses foithz sur les marchies en rescistance del malice ennemys Irrois notre Seignour le Roy, a ses coustages demesne.

indorsacio. Eient les suppliantz la petite coustume de Weyesford a lour us demesne del vje jour de Fevrier derrain passe tanque a un an ent proschein ensuyant, aiantz poair de compeller les collectours du dite coustume dacompter oveque les dit suppliantz, et lour ent faire due paiement, solonc la purport de ceste peticoun, par lettres &c. Et ce, par fin de x. mars appaier maintenant au Tresorer Dirland. Doune a Kilkenny, le xxvje jour de Janver, lan &c.

105

Pour Levesque de Waterford. A.D. 1393

A Justice et Consaille notre Seignour le Roy en Irland supplie Thomas Evesque de Lysmore et Waterford, que vous plese, pur le bien de pees et mellour tranquyllite des loialx leges notre Seignour le Roy en Irland, luy graunter licence, par lettres patentz

Page 115

notre Seignour le Roy de south soun graunt seale en Irland, de treter et parlementer, a tant de foit come luy semble mielf afair, ovesk quecunques si bien les Engles rebelles come les Irroies enemys, tout soit qils soient endictez ou utlages en la court mesme notre Seignour le Roy des divers tresonz, felonies et trespasses, et a eux refourmer a la pees notre Seignour le Roy, et a graunter as cieux maneres Engles rebelx et Irrois enemys salf et seure conduyt devenyr a luy par cele enchesoun as quecunques lieuz la ou le dit Eveske voudre ordiner pur tiel maner trete, la demurrer et dent a lour mesouns returnner, de temps en temps, que cieux maners tretes ne soient faitez en prejudice mesme notre Seignour le Roy ne de ses foialx lieges, et auxi que le dit Eveske pour as cieux maners rebelx et enemys doner viant et boier pur le temps quils viendrount a luy par cele enchesoun et la demurront, sance empediment ou enpechement, queconque estatut ou ordinance fait en le contrarie devaunt ses hours nyent contresteaunt.

Page 116

indorsacio. Eit le suppliant licence de trecter et parliamenter, a tant de fois comme luy plera, oveque Irrois enemis et Englois rebelles, par manere comme deinz ceste peticioun est contenuez, solonc la tenour dycelle, purveu que il ne soit au prejudice notre Seignour le Roy, non obstant ascun ordenance ou estatut ent fait au contraire devant ces heures, et sur ce luy soient faites &c. Doune a Kilkenny, le xxvje jour de Janver, lan &c.

106

Pour Johan Sergeant. A.D. 1393

Au Justice et Consel notre Seignour le Roy en Irland supplie votre poure oratour, Johan Sergeant, chanon, Abbe de la meson Saint Thomas le Martir jouste Dyvellin, que vous plese de votre grace especial a luy granter chartre de pardoun de toutes maneres de tresons, felonies, trespaces, conspiracies, confederacies, champarties, ambidextres, fauxunes, faux alliances, deceites, contemptz, ardantz as enemys, et de queconque chose fait encontre oue defense de la ley ou lestatuz notre

Page 117

dit Seignour le Roy ou ses progenitours, et auxint de forfaiture des biens et chateux, si ascun soient, et utlageries, si ascunes en sa persone soient pronuncies, et ce, par ese fin faire a notre dit Seignour le Roy.

indorsacio. Eit le suppliant chartre de pardoun des pointz deinz ceste peticion contenues, solonc la purport dicelle, pour son bon service a notre Seignour le Roy fait et affere, et sur ce luy soient faites lettres &c. Doune a Kilkenny, le xxvje jour de Janver, lan &c.

107

Pour Thomas Snelle. A.D. 1393

A Justice et Consel notre Seignour le Roy prie Thomas Snelle, Archedekene de Glandalagh, que comme sa prevendre de Wykylowe ensemblement ove sa arcedeconerye avantdit soient assis parentre les Irrois enemys, les queux prevendre et archedekenerye avantditz luy comientP117A1 [P117A1] See note 2, p. 11, supra.118 sovent visiter, par quoi plese

Page 118

a votre tresgraciouse seignourie granter licence au dit Erchedekene, quil poet visiter sa prevendre et archedeconerye avantditz quant luy plera, et pur parler et treter oveques les Irrois enemis et rebelles illeoques, sans empeschement, nientcontresteant que ils sont enemys et utlaes; eiantz regard, sil vous plest, que il navera nul prouffit dicells benefices avantditz sil ne les purra visiter quant mestier soit.

indorsacio. Eit le suppliant licence de visiter sa prevendre et archedeconerye, dont ceste peticioun fait mencioun, atant de fois comme luy plera, et pour treter et parliamenter oveque enemys et Anglois rebelles, sans empeschement, et non obstant que ils soient utlagez, solonc la tenour de ceste peticioun, purveu toutes fois que il ne soit au prejudice le Roy, et sur ce luy soient faictes lettres &c. Doune a Kilkenny, le xxvje jour de Janver, lan &c.

Page 119

108

Pour William White. A.D. 1393

A Justice et Consel notre Seignour le Roy supplie William White, clerk, que il vous plese de granter licence al honourable pere en Dieu Archevesque de Cassel, et Dean et Chapitre illeoques, de unier et anecter le personage del eglise de Seint Nicholas de Knokgraffan, quest de patronage Wauter de Bremyngham, seignour de Knokgraffan, al prevendre de Glanhyne, que est de mesme la diocise, et de transferrer la ovre del dit patronage en eglise cathedral de Casselle; et que le dit William les ditz personage et prevendre, ensy uniez et anectez, purra tenir a terme de sa vie, sans empeschement du Roy, ses ministres ou ascun autre; eiantz, sil vous plest, Seignoures, regard que sa dicte personage est assis parentre,P119A1 [P119A1] The words les Irrois enemys have been omitted here in the original.120 et degaste, et ce, en oevre de charite.

indorsacio. Soit fait licence au Ercevesque de Cassel, Dean et Chapitre illeoques, pour unier et anecter la

Page 120

personage del eglise dont ceste peticioun fait mencioun al prevendre de Glanhyne, et de transferrer la ovre del patronage a eglise cathedral de Cassel, sique le suppliant les ditz personage et prevendre uniez et anectez purra resjoir a terme de sa vie sans empeschement, solonc la tenour de ceste peticion, par lettres patentes &c. Doune a Kilkenny, le xxvje jour de Janver, lan &c.

109

Pour Johan de Dessemond. A.D. 1393

A Justice et Conseil notre Seignour le Roy supplie Johan de Dessemond, que come les citees notre Seignour le Roi de Corke et de Lymeryke et de la ville de Yoghille soient assisez en les marches, et lez pais enviroun les dites citees et ville par enemys notre Seignour le Roi et rebelles Engleis ensy destrutz et anientiz, que les gentz en ycelles ne pourrount eaux mesmes sustenir pour defaut des vitailles sanz eide des gentz du counte de Lymeryke, et les portours et cariours des vitailles, blees et autres marchandisez es

Page 121

ditz parties nosent ne purroient aler ne repeirer pour les ditz citees et ville conforter et vitailler sanz sure conduyt; par quei vous plese graunter une patent desoutz le sealle notre Seignour le Roi au dit Johan pour condure les ditz cariours et portours en alantz et revenantz des citees et ville, prenant ent les fees acustumez, donantz en mandementz as touz foialx et lieges notre Seignour le Roi, que au dit Johan en faisant la conduite avauntdit soient obeiantz et entendantz, et ceo, en eyde des lieges notre Seignour le Roi es telles parties.

indorsacio. Pur ceo que conu chose est que la voie parentre la citee de Corke et le counte de Lymeryke est trop dure et perillouse, acorde et assentuz est par les Justice et Conseille Dirlaund que le suppliant eit le conduyt des cariours et portours en alantz et revenantz des ditz cite et counte, adurer a volunte le Roy, prenantz des ditz cariours et portours pour son travaille les fees et custumes resonablement; et sur ceo

Page 122

lui soit fait commissioun notre Seignour le Roy soutz son graunt seall Dirland, en due forme. Doune a Kilkenny, le xxvje jour de Janver, lan notre Seignour le Roy Richard Seconde seszisme.

110

Pour Nichol Aunger. A.D. 1393

A Justice notre Seignour le Roi en Irland supplie Nicholle Aunger, qest dettour a notre dit Seignour le Roi, que vous plese de votre grace especialle a lui graunter licence de carier iiij. weyes de furment hors de celle terre as parties de la leP122A1 [P122A1] Sic in MS.123 mere as lieges et amys notre dit Seignour le Roi, et ceo, pour avoir pluis hastife paiement del dit dette a notre dit Seignour le Roi, et pur ceo porter lettres patentz hors de la Chancellerie Dirland.

indorsacio. Eit le suppliant licence de carier quatre weyes de furment hors de la terre Dirland, solonc le tenour de ceste peticioun, par lettres patentz notre Seignour le Roi, soutz son graunt sealle Dirland, en

Page 123

due fourme. Doune a Kilkenny, le xxvje jour de Janver, lan notre Seignour le Roi Richard Seconde seszisme.

111

Pro Esmond Savage. A.D. 1393

A Justice et Conceille notre Seignour le Roi en Irlaund supplie Esmond Savache, que come le dit Esmond ad occupie loffice de Shenescalrie Dollestrer del graunt notre Seignour le Roi par ses lettres patentz, de south la tesmoignance Monsieur Johan Stanlei, Levesque de Mithe jadys Justice Dirlaund, come en les ditz lettres patentes pleinement appiert, que pleise a votre tresgraciouse seignourie grauntier renuler les ditz lettres patentz de south votre tesmoignance; et le dit Esmond supplie que vous pleise luy graunter qil et ses hommes poient sauement venir et realer a vous par un an sanz ascune enpechement; et ensement supplie le dit Esmond que la commissioun que Robert Lange ad de la Constablerie de Chastelle de Cnokfergouse soit renule solonk la tenure des ses

Page 124

lettres patentz de south la tesmoignance de Evesque de Mithe, nadgers Justice notre dit Seignour le Roi en Irland; ceo voilletz faire, eiant regard de graunt travail et costages que le dit Esmond ad en le service notre Seignour le Roi.

indorsacio. Eit le suppliant novelles patentes notre Seignour le Roy, souz son grant seel Dirland, del effice de Seneschalcie Duluester, et aussi sauf conduyt pour luy et ses gens pour venir, demourer, sejourner et retourner de nous vers son paix sanement et sans empeschement, par les dites lettres patentes notre Seignour le Roy, en due fourme. Doune a Kilkenny, le xxvije jour de Janver, lan notre Seignour le Roy Richard Seconde seszisme.

112

Pro Thoma Waltoun. A.D. 1393

A vous, Seignour Justice et Conseill notre Seignour le Roi en Irland, et as Pares a cest present Parlement ycy assembles,P124A1 [P124A1] This and the eight previous words are interlined in the original.125 supplie Thomas Waltoun, que come il

Page 125

fuist peiseblement seisi de une meise ov les appurtenauncz en la ville de Drogheda en lez parties de Uriell, en son demayne come de fee, tanque une Thomas Talbot, par vertu de une commissioun notre dit Seignour le Roi a luy directe, ore tard prist une enquest de office par gentes suspectes, nyent summones ne dument garnys, devaunt luy mees secrement, par luy mesmes procures et subhornes, et nynent en overt lieu, come lez estatutz notre dit Seignour le Roi veot; par cause del dit enquest le dit Thomas Talbot le dit meise seisi en lez maynes notre dit Seignour le Roi, et le dit Thomas Talbot, par malves talent qui il avoit vers le dit Thomas Waltoun, debursa lez husees le dit meise, et entra en le dit meise, et les fenistrez et autres necassaries en le dit meise esteauntz debursa et destructz,P125A1 [P125A1] Sic in MS., probably for destruisit.126 de quel il suist a Justice et Conseille, et ungore null responce puist il avera, graunt damages le dit Thomas Waltoun, encontre luy et reisoun et les

Page 126

estatut notre dit Seignour le Roi encely cas purvees;P126A1 [P126A1] This passage, as it stands in the original, is not translateable; perhaps it should be read–et unqore null response puist que il avera, as graunt damages le dit Thomas Waltoun, encontre ley et reisoun et les estatutz, &c.127 que vous pleiseP126A2 [P126A2] After this word the original has–a graunter le dit meise a ferme pur extent faist ou faire apaier au dit Seignour le Roi en les Escheker Dirland durant le temps que demurt es maynes notre dit Seignour le Roi come luy et reison voet,–which, having been written by mistake, is cancelled.127 a luy covenable remedie ent ordener.

indorsacio. Soit la commission, dont ceste peticioun fait mencioun, reppellez, et outre suye la partie super modo et causa, et sur ce soit droit fait sibien au Roy comme pour la partie. Doune a Kilkenny, le xxvije jour de Janver, lan notre Seignour le Roy Richard Seconde seszisme.

113

Pour le Conte de Dessemond. A.D. 1393

A vous, Sire Justice et Conseil notre Seignour le Roy en Irland, supplie Geraud fitz Morice Conte de Dessemond, que comme jadis en temps le Marquis de Devellin xl. li. luy furent grantes en noun de reguard

Page 127

de les revenues Dirland pour certaines grandes costages queux le dit Conte sustenoit es parties de Monester, des les queux. xl. li. assignement luy fut fait par une taille de Leschequer Dirland de xx. li. de la ferme de la cite de Coorke par les mains les Mair et Baillifs du dite cite; et coment que le dit Conte delivera as ditz Mair et Baillifs la dite taille lour requerant de luy paier la dicte somme, et receyvoir la mesme taille, et sur ce briefs le Roy a eux furent mandes par mesme la cause, et encore le dit Conte ne poet avoir paiement dycelle, ne les ditz Mair et Baillifs, coment que ils ont en lour mains greindre somme de lour dite ferme, luy ne veullent paier, en contempt le Roy et dammage le dit Conte; que il vous plese commander brief le Roy as ditz Mair et Baillifs a luy ent faire paiement sans autre deley sur grant peine, ou luy ent ordener autre paiement sur ses coustages susditz.

indorsacio. Purce que tesmoigne est devant le

Page 128

Justice et Conseil que ceste peticion contient verite, aiant reguard a les grantz coustages que le dit suppliant continuelment soustent es guerres notre Seignour le Roy es parties de Monster, acorde est par les ditz Justice et Conseil que le dit suppliant eit brief as Mair et Baillifs deinz contenuez de luy faire paiement de les xx. li. de la ferme du dite cite, solonc la purport de ceste peticion, et outre, sils soient negligens de la paiement, briefs biensoignables en ce cas sibien pour le Roy comme pour le dit suppliant soient faictes, en due fourme. Doune a Kilkenny, le xxvije jour de Janver, lan &c.

114

Pour la ville de Tristeldermot. A.D. 1393

A vous Sire Justice et Conseil en Irland, que comme les Communes de la ville de Tristeldermot firent un fin a Mac Morogh pur iiijxx. iiij. marcz en prouffit notre dit Seignour le Roy et salvacion de la dicte ville et les liges illeoques demourantz, le quel fin les Communes avantditz assesserent enter eux par commun assent, et

Page 129

auxint granterent le Priour de meson de Seint Johan illeoques, et le Gardein des Freres Menours, et divers autres gens de la paix du Counti de Kildar et du Countie de Cathirlagh, que socour et refuistP129A1 [P129A1] Sic in MS. Roquefort (Supplement to Glossaire de la Langue Romane) has refui; asile, refuge: the final st seem redundant.130 en la dite ville et lour biens et chateux avoirent; que il vous plese en oevre de charite granter une Commission Thomas Brodoke, Johan Bateman, Esmond Horne, Johan Chamberlain et Johan Yonge de lever la fin avantdit assesse; aiant reguard que le dit McMorogh de sa malice ne voudroit cesser tanque le Thomas son corps mist en gage pour le fin avantdit.

indorsacio. Soit fait une commission a David Wogan, Chevalier, et Thomas Tailour pour enquerer sur la cession, et la matiere dont ceste peticioun fait mencion, et lour inquisicion retourner en la Chancellerie, et sil poet estre trove que la matiere deinz contenue contient

Page 130

verite, soit fait commission notre Seignour le Roy souz son grant seel en Irland as persones deinz escriptz solonc la purport de mesme cestuy peticion, en due fourme. Doune a Kilkenny, le xxvije jour de Janver, lan &c.

115

Pour Larcevesque de Dyvellyn. A.D. 1393

A soun Seignour Counte Dormound, Justice Dirland, et au Conseille notre Seignour le Roy monstre ceo, sil luy plese, Robert, Larcevesque de Dyvelyn, et se pleynt par Johan, de Whitacres,P130A1 [P130A1] Corrected in MS. to whiteacres.131 come une de ses attornes generales de touz ses terres et seignouries en Irland, que la ou le dit Ercevesque par avyse et conseille de Seignours et plusours autres de cel terre, pur lez meschiefs de cest pays, ore tarde vieusP130A2 [P130A2] There seems to be some omission here in the original, or perhaps vieus should be read veut. The translation supposes the correction here suggested.131 luy hastier hors de cest pays a notre Seignour le Roy, et illeoques demourer, et a notre dit Seignour le Roy les ditz mes

Page 131

chiefs plainement monstrer comme un de les messagiers de ceste terre en le mesme temps, tanque autre ou autres oveque luy par cest Parlement furent ordenez, pour ent avoir seignourie souffisante pour la governance de ceste terre; que ore le Conte de Kildare encontre les libertes et franchises de Seint Eglise, et sans assent des ascunes gens ou seignours du dite Countie, comme dit est, ad mis sur les terres du dit Archevesque de son seignourie de Balymore en la Countie de Dyvellin c. hommes appelles kernemen, luy et tous ses tenantz illeoques a tel destruccion que nestoit pas veue illeoques devant ces heures; par quoi le dit Ercevesque, par son dit attourne, comme luy qi est desouz la protection de notre Seignour le Roy, ses terres et seignouries et tenantz ove tous lour biens et chateux, comme appiert du Record en la Chancellerie notre dit Seignour le Roy, pur ent ordener tel remedie comme la ley demande, pour Dieu et en salvacion de les libertes et franchises de Saint Eglise avantditz.

Page 132

indorsacio. Soit brief envoie a Conte de Kildare de remover les gens des lieus dont ceste peticion fait mencion, et de faire amende des grevances et tortz par lez ditz gens faitz; et sil ne fate point, soit enquis devant le Justice en le Chief Place, et punisement fait solonc les estatutz en tel cas faitz et ordenes devant ces heures. Doune a Kilkenny, le xxvije jour de Janver, lan &c.

116

PourP132A1 [P132A1] Sic in MS.133 Johanne Episcopo Leghlynense. A.D. 1393

A vous, Sire Justice et Conseille notre Seignour le Roy en Irland, supplie Johan Evesqe de Leghlinn que come notre Seignour le Roy de sa grace especiale graunta par ses lettres patentz Dengleterre a luy la ville de Galrothestoun ove lez appurtenanez et comoditez queconqes appertenantz a dit ville, quel ville est parcell de temporaltieez la Evesche LeonennP132A2 [P132A2] In the original this word is written Leonen̄, Laonen̄: the Latin form, which is probably used here inadvertently, would be laonensis.133 en mayn notre Seignour le Roy esteauntz, a avoir et tenoir

Page 133

au dit Evesqe de Leghlinn a temps qil demourra en maynez notre Seignour le Roy, come plus pleynement apiert par lez lettres notre dit Seignour le Roy ent a luy faitz; et outre ceo comanda par lez ditz lettres patentz as Lieutennent, Justice, Chaunceler, Gardeyn de soun Grant Seal, Tresorer et Barones de soun Escheqer et touz autres officeres et ministrez en sa dit terre Dirland qui adounqes estoient, oue apres pour le temps serrount, quils et chescoun de eux al dit Evesque la dit ville ove touz les appurtenauntz et comoditez deliverent et luy mesme la ville ove lez appurtenauntz et comoditiez avoir et tenoir permittent, solonc la tenur dez lettres notre Seignour le Roy avantditz, et qils ent outre ceo en null manere soy intromittent; par fors de qel patent le dit Johan Evesqe fuist possessione de la dit ville ove toutz les appurtenauntz, tanqe un Matheu Evesqe Laonenn pursuyt a Johan Stanley nadgerez Justice, et Conseille notre Seignour le Roy en

Page 134

Irland que adonqes furent, monstraunt que la dit ville fuist parcelle de cez temporaltez, et que sa dit Evesqe fuyst assisse parentre lez enemys Irrois notre Seignour le Roy, et qil fuist povre et navoit dount a despendre issint que ne purroit pursuere en Engleterre, en priaunt au dit Justice de resceiver sa feaute cy en Irland, et outre de luy graunter restitucioun de cez ditz temporaltez, le qil Evesque fist sa feaute en la Chauncelerie Dirland, et avoit restitucioun de cez ditz temporaltez en contre ley et reysoun pour ceo qe la dit lyverey fuist nient duement fait, et le Justice et Consaille nient apris del graunt notre Seignour le Roy a dit suppliant fait, ne le dit suppliant come fermer du dit ville appelle pur fair partie pur notre Seignour le Roy, la ou il ad sufficiaunt matiere alegere et declarere en meyntenaunce le droit notre Seignour le Roy, issint que la dit ville ne serroit livere hors du mayn notre Seignour le Roy; que pleise de votre grace especial, si

Page 135

bien pour notre Seignour le Roy come pour le dit suppliant, que le dit suppliant puyt occuper et continuer la possessioun du dit ville ove les appurtenauncez, a cause del graunt notre Seignour le Roy a luy fait, et auxi que le mesme suppliant puyst avoir pleynere restitucioun de lez issuz et comoditiez prestez et resseyvez du dit ville ove les appurtenauntz par le dit Matheu Evesqe et sez attournez ou deputez a temps et la date del lyvere nyent duement fait au dit Matheu Evesqe de Laonenn, nient countrestenaunt ascune brief de non intromittendo al dit Evesque de Leghlinn ent par avaunt maunde, cest assavoir le date de brief de non intromittendo avauntdit de livere nient duement, le iij. jour de Septembre, lan notre Seignour le Roy Richard Seconde xv.; eant regarde, treshonoures Seignouries, as causes suysditz, et sur ceo graunter brief a dit Matheu Evesque qil ne soy melle de la dit ville tanqil avoit due livere come la ley et consuetude

Page 136

veult; considerauntz, Seignouriez, que est merveyllous chose que une Irrois duyst estre de meillour condicioun que ascune Engleiez devaunt ces heures, pour Dieu et en oevre de charite.

indorsacio. Soit ceste peticioun envoie en la Chauncellerie, et endroit de ceste matiere deinz contenuez soient les parties duement garnis par briefs de cire facias encontre un certain jour, et sur ce soit droit fait sibien pour le Roy come pour les parties. Doune a Kilkenny, le xxviije jour de Janver, lan notre Seignour le Roi Richard Seconde seszsime &c.

117

Vacat quia superius.

A Justice et Conseille notre Seignour le Roy en Ireland supplient Johan Shriggeley et Nicool sa feme, que come ils ount porte un brief de dower devers Richard Duraunt, chapeleyn, et Thomas Cusake, cetezeyn de Dyvelynn, de la tierce partie del frank tenement que fuist Symond Cusake, Chevalier, jadys baroun de dite Nycolle, et fierount lour damande de la tierce partie de sessaunt mesez, trescentz acras du terre, qarant acres de pree, cent acres du pasture, vynt acres de boys, qarant acres de more, et dys lyverez de rent, ove les appurtenauntz en Lercorre; et auxint les avantditz Johan et Nichool ount porte une autre brief de dower

Page 137

devers lez avantditz Richard et Thomas de tierce partie del frank tenement del avantdit Symond.P137A1 [P137A1] This enrolment breaks off here, and is cancelled, the writer having discovered that it had been already entered. For translation, see No. 95, supra.138

118

Pour Johan Laundey. A.D. 1393

A vous, Sire Justice et Conseille notre Seignour le Roy en Irland, supplie Johan Laundey de Clane, que vous plese de votre tresgraciouse seignourie luy graunter cartre de pardoun de toutz maneres de tresonz, felonies, trespassez, contemptes, extorciones, oppressiones, excessez et autres trespassez queconqes par luy faitz encountre la pees notre dit Seignour le Roy en Irland, et ceo, de grace le Roy especiale; eauntz regarde, moun Seignour, que toutz cesP137A2 [P137A2] Sic in MS., read ses.138 bienz et chateux, par cause dun enditement fait sur le dite Johan par malice, sount seises es maines le Roy, et quil nad rien dount il puist fyn fair.

indorsacio. Eit le suppliaunt chartre de pardon de pointz deinz contenuez, et solonc le purport de cest

Page 138

peticion, par finn de quaraunt souldz a paier en le Haneper, et sur ce luy soient faites lettres patentz notre Seignour le Roy souz son grant seel Dirland, en due fourme. Doune Kilkenny, le xxviije jour de Janver, lan notre Seignour le Roy Richard Seconde seszsime &c.

119

Pour les tenantz de Colmanestoun. A.D. 1393

A Justice et Counceil notre Seignour le Roi en Irlaunde monstrent les povres tenauntz de Colmanestoun deinz le manere del Nowelle Chastelle de Lyons, que come iij. charuez et demi de terre sunt contenuz deinzla dit ville, de quel il ad forsque un charue xxx. acrez si bien arables come de pree, et le remenant sont wastez, et devaunt ses hours les ditz tenantz furent destraindres de paier rent si bien pour la terre wast come pour la terre arable, quel ville de Comanestoun est ore tarde ars par les enemys notre Seignour le Roi, et ascunes de eaux occiz, et xvj. des tenauntz

Page 139

illoesques esteauntz par la darrein pestelens illoesques mors, issint nulles demurant en la dit ville forsque iij. tenantz; qe vous pleise, de votre tresgraciouse seignourie, considrer les meschiefes suisditz, graunter qe les ditz tenanz, et chescoun autre tenanz qi viedre illoesques, paie soun rent pour la terre cultfie et pree, et qils soient pleinement deschargez pur nul rent de les wastes susditz, ou autrement nulz tenantz voet illoesques demurer, et qe novelle extent pust estre fait de tout la dit terre de la dit ville selonc la verre value; eiaunt regard qils ne sont pas forsque fermers a volunte et nemy vyleyns, considerantz auxint, Seignours, qe la dit vile est assis en la front del marche, et qe si la dit ville soit a un temps degauste qe ja ne serra releve, quele chose trouvera en graunt perde et deseritantz a notre Seignour le Roi et graunt anyntisment a tout la pais enviroun.

indorsamentum. Accorde est par les Justice et Coun

Page 140

ceil que commission soit fait a Robert Srull, Thesorer et Walter Ever, Chamberleyn notre Seignour le Roi, deinz contenuz de novelle, si lour semble qil soit affair pour profit notre Seignour le Roi, et deinz contenuz chargez, et en temps avenir, et nemy par nulle autre estent devaunt ses hours ent fait. Doune a Kilkenny, le xxviij. jour de Janvarie, lan notre Seignour le Roi Richard Seconde xvi.

120

Pour Johan Nosterfeld. A.D. 1393

Pleise a moun treshonre Seignour, le Justice Dirland, graunter a soun chapelain Johan Nestrefeld, clerk, Vikerie del eglise prebendalle de Swerdes, licence qil poet frainchement passer as parties Dengleterre et la demourer entour la pursuit dun plee qil ad pendant es ditz parties sur une certein prebende qil ad es mesmes les parties, pour trois ans procheinz ensuantz, et qil poet en le mesne temps entierment recevire les dismes,

Page 141

profitz et issues de la dit vikerage par ses attournes, procurers ou deputes sanz enpechement ou empediment quecomque, estatut ou ordenaunc queconque fait en le contrarie devaunt ses hours nientcontresteant.

indorsamentum. Eit le suppliant licence daler en Engleterre pur y demourer pour un an entier proschein avener apres la dat de cestes, sans empeschement, non obstant ascun ordenance ou estatut au contraire fait devant ces heures, par lettres patentes &c. Doune a Kilkenny, le xxviije jour de Janver, lan notre Seignour le Roy Richard Seconde seszisme.

121

Pour James Carmardyn. A.D. 1393

A Justice et Conseil notre Seignour le Roy en Irland supplie James Carmardyn, que il vous plese de votre especial grace luy granter chartre de pardoun notre dit Seignour le Roy pur la mort Johan Savage, le quel fut occi par chaudmelle, et sa assaut desmesne, pour un aese fin ent faire a notre dit Seignour le Roy.

Page 142

indorsamentum. Eit le suppliant chartre de pardon pour la mort dont ceste peticioun fait mencioun, solonc le purport dicelle, par fin de xl. souldz, au requeste de Reverende pere en Dieu Levesque de Mithe, appaier a Thomas Everdoun, Clerc del Haneper notre Seignour le Roy Dirland, et sur ce luy soient faites &c. Doune a Kilkenny, le xxviije jour de Janver, lan &c. comme desus.

122

Pour Richard Mason. A.D. 1393

A Justice et Consel notre Seignour le Roy en Irland supplie Johan de Dessemond, que il vous plese de grace le Roy especial et au requeste du dit Johan, granter a Richard Mason son servant chartre de pardoun de tous maneres felonies, tresons et trespas, par luy faitz encontre la pees notre dit Seignour le Roy, et auxint de utlageries, si ascunes en sa persone par les causes susditz soient pronuncies, et ce pour Dieu et en oevre de charite.

Page 143

indorsamentum. Eit Richard Mason, deinz escript, chartre de pardoun des pointz dedens ceste peticioun contenues, solonc le purport dicelle, au requeste de notre treschere et tresame neveu Johan de Dessemond, par fin de xx. souldz appaier a Thomas Everdoun, Clerc del Haneper notre Seignour le Roy Dirland; et sur ce luy soient faites &c. Doune a Kilkenny, le xxviije jour de Janver, lan &c.

123

Pour Robert de la Freigne. A.D. 1393

A vous, Sire Justice et Conseil notre Seignour le Roy en Irland, supplie votre simple bacheler Robert de la Freigne, Chevalier, que il vous plese, de grace le Roy especial, et pur le bon service que le dit Robert ad fait a notre Seignour le Roy et fera en temps avenir, luy granter chartre de pardoun de tous maneres trespaces, felonies, et auxint de conspiracies, confederacies, champarties, fauxtes, faux alliances, adhesions as enemys ou rebelles, contemptz, concelementz, rebellions, receptement, negligences, deceytes, extorsions, oppres

Page 144

sions, et autres trespaces et excesses queconques par luy faitz encontre la pees sibien en temps notre Seignour le Roy que ore est comme en temps le Roy Edward, aiel notre Seignour le Roy que ore est, et auxint des utlageries, si ascuns soient pronuncies en sa persone pour les causes avantditz.

indorsamentum. Eit le suppliant chartre de pardoun des pointz deinz ceste peticioun contenuz, solonc la tenour dicelle, de grace le Roy especial, et pur son bon service que il ad fait a notre dit Seignour le Roy et fera en temps avenir, par lettres patentes notre Seignour &c. Doune a Kilkenny, le xxixe jour de Janver, lan &c.

124

Pour Levesque de Ossery. A.D. 1393

A vous, Sire Justice et Conseil notre Seignour le Roy en Irland, supplie Richard, Evesque de Ossery, que comme en lordinance jadis fait a Westminster encontre ceux qi aient terres, rentes ou possessions en la terre Dirland, nient receantz deinz mesme la terre sur

Page 145

la defense, entre autres contenuz est, que de ceux qi furent hors de la terre en le service le Roy, la tierce partie de les issuz et prouffitz de lour terres, rentes et possessions deinz la dite terre, pour le temps de lour absence, seroit applies al oeps et prouffit notre Seignour le Roy, en aide de governaille et defense du dite terre soulement, et nyent outre; et coment que le dit Evesque au temps que il estoit absent fut occupie en le service le Roy, comme par les lettres patentes le Roy, queux le dit Evesque ad prestz amonstrer, plus plainement poet apparoir, uncore les Tresorer et Barons de Leschequer et autres ministres le Roy firent lever les deux parties de les issuz et prouffitz des ses temporaltes deinz la dicte terre, pour le temps de son absence, encontre la fourme del ordinance susdite, la ou ils ne deussent avoir leve, fors soulement la tierce partie des ditz issuz et prouffis dicelle; que

Page 146

il vous plese ordener que due restitucioun luy soi fait de ce que ils ont leve de luy encontre la fourme du dit estatut, dont la somme amonte xl. li. et plus, comme bien appiert par les recordes de Leschequer.

indorsamentum. Soit ceste peticion mande par brief devant les Tresorer et Barons de Leschequer, comandant a eux que ils facent cercher les recordes du dit Eschequer, si le Roy soit servi de les deux parties des issuz et prouffits del eveschie le dit suppliant pour le temps de son absence, comme ceste peticion purport, et auxint veues les lettres patentes le Roy, dont mesme la peticion fait mencion, sils portent tesmoignance que le dit suppliant estoit occupie le service le Roy par le dit temps ou parcelle dicelle, qadonques que ils certifient en la Chancellerye ensemble ove ceste peticion et le dit brief de quelle somme le Roy est servi de les issuz et prouffitz des ditz temporaltes outre la tierce partie de mesmes les issuz et prouffitz que deussent estre applies

Page 147

al oeps le Roy, pur le temps que il estoit occupie en le dit service par vertu des dites lettres patentes, solonc la fourme del ordenance fait des absentes, et, outre, la somme que est restitut au dit suppliant, si ascune soit restitut a luy par la dite cause; et sur celle certificacion eit mesme le suppliant brief de deliberate as Tresorer et Chamberlains du dit Eschequer de luy faire restitucion de la dite somme issint de luy receu encontre la fourme du dite ordenance, comme reson demande, en due fourme. Doune a Kilkenny, le xxixe. jour de Janver, lan &c.

125

Pour Johan de Dessemond. A.D. 1393

A vous, Sire Justice et Conseil notre Seignour le Roy en Irland, supplie Johan de Dessemond, fitz au Conte de Dessemond, que il vous plese, de grace le Roy especial et pour le bon service que le dit Johan ad fait a notre Seignour le Roy et ferra en temps avenir,

Page 148

luy granter chartre de pardoun de toutes maneres trespaces, felonies, et auxint de conspiracies, confederacies, champarties, fauxtes, faux alliances, murdres, arsures, adhesions as enemys ou rebelles, contemptes, concelementz, rebellions, receptement, negligences, deceites, extorsions, oppressions, et autres trespaces et excesses queconques par luy faitz encountre la pees sibien en temps notre Seignour le Roy que ore est comme en temps le Roy Edward, aiel notre Seignour le Roy que ore est; et auxi de forfaiture de ses terres, tenementz, biens et chateux, si ascune a notre Seignour le Roy ent appertient, et des utlageries, si ascunes soient en sa persone pronuncies par les causes avantditz.

indorsamentum. Eit suppliant chartre de pardoun des pointz deinz contenuz, solonc la tenour de ceste peticion, de grace le Roy especial et pour son bon service a notre dit Seignour le Roy fait ou affaire, par lettres patentes &c. Doune a Kilkenny, le xxixe jour de Janver, lan &c.

Page 149

126

Warentum ad faciendum breve. A.D. 1393

Soit fait brief notre Seignour le Roy, en due fourme, a Johan Aldelem, Eschetour Dirland, ou a son attourne, a luy comandant pour seisir Margarete Faunt, vewe notre dit Seignour le Roy, en sa main, jadis femme de Robert Bereford, la quelle teint en chief du Conte de la Marche et de Ulvester esteant a cause de saP149A1 [P149A1] Sic in MS. and so rendered in the translation, but perhaps we should read son, as it is not likely a widow should be a minor, whereas the Earl of March and Ulster was so at the time.150 noun aage en la garde notre dit Seignour le Roy. Doune a Kilkenny, le xxxe jour de Janver, lan &c.

Page 150

128

Pour Johan Fylle. A.D. 1393

A Justice et Conseil notre Seignour le Roy en Irland supplie Johan Fylle, clerc, que il vous plese de votre tresgraciouse seignourie luy granter chartre de pardoun de toutz maneres de tresons, felonies, et trespas par luy faitz sibien encontre la pees le Roy Edward, aiel notre Seignour le Roy quore est, comme en temps notre dit Seignour le Roy que ore est, et auxint de conspiracies, confederacies, champarties, faux alliances, fauxtes, deceytes, contemptes, negligences, concelementz, receptes des felons et utlawes, extorsions, oppressions, excesses, et autres trespas queconques; et auxint pardoner a luy la forfaitoure de ses biens et chateaux, si que a notre dit Seignour le Roy par les dites causes appertient, et utlageries, si ascunes en sa persone par mesmes les causes soient pronuncies, et ce, de grace le Roy especial, ou par aese fin faire.

Page 151

indorsamentum. Eit le suppliant chartre de pardoun des pointz deinz contenuz, solonc la purport de ceste peticion, sans fin faire, de grace le Roy especial, et au requeste de reverend pere en Dieu Richard Evesque de Ossery, par lettres patentes &c. Doune a Kilkenny, le xxviije jour de Feverer, lan &c.

129

Pour Henry Dobbyn. A.D. 1393

A vous, Sire Justice notre Seignour le Roy en Irland, prie Henry Dobbyn de Dungarvan, que il vous plese granter general chartre de pardoun de toutz maneres tresons, trespas, felonies par luy faitz si avant encontre la pees notre Seignour le Roy que ore est comme du Roy Edward son aiel, et auxint de conspiracies, confederacies, champarties, deceytes, concelementz, faux alliance, rebellions, adherdance as enemys, fauxtes, extorsions, oppressions, eschapes des felones, negligences, offenses, perdes, et grevances, et de toutes autres excesses par luy faitz encontre la pees, et auxint des utlageries, si ascunes soient en sa persone pronuncies par les causes susdites, ensemblement ove

Page 152

forfaitoure de ses biens et chateux, terres et tenementes par les causes susditz, et ce, par aese fin faire; eiant reguard, treshonoure Seignour, que le dit Henry est loial a notre Seignour le Roy, et toutditz ad este, et par la grace de Dieu toutditz sera.

indorsamentum. Eit le suppliant chartre de pardon des pointz deinz contenuz, solonc la purport de ceste peticion, par fin de trois livres dargent appaier en le Haneper notre Seignour le Roy en Irland, au requeste de Johan de Dessemond, fitz au Conte de Dessemond, et sur ce luy soient faites &c. Doune a Kilkenny, le xxviije jour de Feverer, lan &c.

130

Pour Isabelle Wolfe, Abbasse &c. Vacat quia non prosecutum. A.D. 1393

A Justice et Conseil notre Seignour le Roy en Irland supplie Isabelle Wolfe, Abbasse de la maison Notre Dame de Kilkilighyn, que il vous plese, de votre grace especial, et en oevre de charite, et pour les almes les progenitours notre Seignour le Roy, granter licence a Johan Fylle, chappellain, que il puist donner et granter

Page 153

lavoweson de leglise de Balitarstan au dit Abbasse, et al Covent de la meson avandit, a avoir et tenir eux et a lour successours en propre us en pure et perpetuel elmoigne pour tous jours, et que les dit Abbasse et Covent puissent receyvoir du dit John lawoeson de mesme leglise, et la dite eglise tenir et approprier en propre uses a eux et lour successours en la fourme avantdit pour tous jours en encres et augmentacion de lour soustenances; considerant, tresgracious Seignour, la grant povert du dite meson, et que lour terres, tenementes, rentes et eglises sont pour la grendre partie destruitz et degastez sibien par Irrois enemys comme par rebelles Englois.

indorsamentum. Eit Johan Fille deinz escript licence pour donner et granter lavoweson del eglise de Balitarstan a Labbasse et Covent dedens escriptz. A lavoir et tenir a eux et lour successours en lour propre us pour tous jours; et que les ditz Abbasse et Covent

Page 154

puissent tenir et a proprier la dite eglise en lour propre us, a eux et lour successours, solonc ce que ceste peticion fait mencion, par lettres patentes &c.; et ce, de grace de Roy especial, et au requeste de reverend pere en Dieu Richard Evesque Dossery, par fin de tresze soldz quatre deniers appaier a Thomas Everdoun, Clerc del Haneper notre Seignour le Roy Dirland. Doune a Kilkenny, leP154A1 [P154A1] The date is left blank in the MS., and the entire entry is cancelled for the reason given on the margin of the Roll.155 […] jour de Feverer, lan notre Seignour le Roy Richard Seconde seszisme.

131

Pour Gefferey Blake et Stephen Dyvellin. A.D. 1393

Soient fates lettres patentes notre Seignour le Roy, souz son grant seel en Irland, a Geffroi Blake et Stephen Dyvellin, de la ville de Galvey, destre collectours et receyvours de la custume de petit coket de la dite ville, a volunte notre Seignour le Roy, par manere comme ils ont este ycy devant, par lettres patents

Page 155

notre dit Seignour le Roy; et oveque ce soit fait brief direct as ditz Geffroy et Stephen pour overer le seel du dit office, et icel user comme il ad este fait devant ces heures, en due fourme. Doune a Kilkenny, le xiije jour de Feverer, lan &c., comme desus.

Page 156

134

Pour Johan Carlelle. A.D. 1393

A Justice et Conseil notre Seignour le Roy en Irland supplie Johan de Carlelle, clerc, que il vous plese de votre tresgraciouse seignourie a luy granter la garde de la ville de Roos Molynge, pree, courtz et hundreds illeoques, ove les appertenances, et outre ce de la ville de la baronie de Ilond ove les appertenances, en la countie de Weyesford, en mains notre dit Seignour le Roy par certaines causes esteantz, rendant ent par an a notre Seignour le Roy, a son Eschequer Dirland, lestent prochein affaire.

indorsamentum. Eit le suppliant la garde de la ville de Rosse Molynge, pree, courtz et hundreds, ove les appertenances, et outre ce de la ville et la baronie del Ilond ove les appertenances, dont ceste peticion fait mencion, solonc la purport dicell, a volunte le Roy, par mainprise et seurte de Thomas Tailour de Cathir

Page 157

lagh, et William Schorthale de la countie de Kilkenny, de paier lestent ent prochein affaire. Doune a Kilkenny, le xixe jour de Feverer, lan &c.

135

A.D. 1393.

A Justice et Conseil notre Seignour le Roy en Irland supplie Geofferey de la Freyng, que vous plese luy graunter chartre de pardoun de toutz maneres tresones, feloniez, trespaces, et auxint de conspiracies, confederacies, champarties, roberies, fauxunes, deceites, forstallamentes et autres excesses queconques, trespaces par luy faitz sibien en contre la pees le Roy Edward, aiel notre Seignour le Roy quor est, come en countre la pees notre Seignour le Roy quore est, deins la terre Dirland, tanque en cea; et auxint des utlaries, si ascunz soient en sa persoun pronunceez pur lez causez avauntditz, et ceo, en oevre de charitee, par aysy fien affaire.P157A1 [P157A1] The scribe has left a blank space for the indorsement on the Roll at the conclusion of this entry, but it was never inserted. Frequently the indorsements are in a hand and ink different from the petitions, showing that the practice in many cases was to enter the latter as they came in, and enrol the decisions of Council afterwards.158

Page 158

136

A.D. 1393.

James Botiller, Cont Dormond, Justice Dirland, a notre bien ame Chancelier Dirland, ou a soun lieutenant illoeques, salutz. Come par avis dautres de Conseil notre Seignour le Roy en Irland eions grante a notre bien ame Esquier, Edward Perers, la garde de touz les terres et tenementes ove les appurtenantz, queux furent a Symond Cusake, Chevalier, en Tury, et auxint la garde des deux parties de touz les terres et tenementes ove les appurtenancz, queux feurent a dit Symond en Ryngerestoun, Balymaglassan, […] P158A1 [P158A1] A word has been carefully erased here in the original.159 Eghterillagh et Clanlewyn; et auxint avons grante a notre bien ame Esquier, Robert Evere, la garde des touz les terres et tenementes, ove les appurtenantz,P158A2 [P158A2] This and the two preceding words are interlined in the original.159 queux feurent a dit Monseignour Symond en Pilettestoun, et les deux parties des terres et tenementes ove lour appurtenantz, queux feurent a dit Monseignour Symond en Odone

Page 159

lestoun, et dune parcelle de terre ove les appurtenantz en Balicurhaun, quel fuist a dit Symond et quelle le dit Symond lessa a Richard Plunket, et Margaret sa femme, et Robert Barnewalle, chapeleyn, a terme de xiij. anz come lendit, es maines le Roi pour certeins causes, a avoir tanque ils demurgent es maynes le Roi, rendant ent a notre Seignour le Roi par an a soun Escheqer Dirland, lextent ent procheinement afair. Soient ent pur les ditz Edward et Robert commissionz notre Seignour le Roi susditz, en due fourme. Doune &c.P159A1 [P159A1] There is a blank space on Roll between this and the next entry.160

137

A.D. 1393.

James le Botiller, Counte Dormond, Justice Dirland, a notre treschere et tresame cosyn Philyp, Sire de Darcy et de Menylle, as Viscountes de Mithe et de Iryelle, as Maires et Baillifs de la ville de Droghda du part de Iryelle, et au Seneschalle de mesme la ville

Page 160

de part de Mithe, et a chescune de vous par soy, salutz. Pur ceo que nous avons entenduz, par relacioun de gens dignes de foy, que une certayne barge, que nadgeres debrusa arest notre Seignour le Roy et la notreP160A1 [P160A1] This and the eight preceding words have been interlined in the original. The passage was at first written que nadgeres estoit a Waterford; but estoit has been cancelled, and the text corrected as above.161 a Waterford, arryva ore tarde a Droghda, et illoques par certaines marchantz est frette et charge des vines, frument, cervoise, armure, artillerie et autres biens et chateux pour vitailler, aider et conforter les Irrois enemys notre Seignour le Roy, encontre lour ligeance, come tritours, rebelles et enemys a notre dit Seignour le Roy; si vous mandons et chargeons expressement et firmement de par le Roy, et prions de par nous, que tantost apres la veue de cestes vous et chescun de vous par soy, as queux ou a qui ces lettres vienient, la dite barge esteantzP160A2 [P160A2] Sic in MS., a mistake for estre detene.161 detenes et savement fates

Page 161

garder souz arrestz, sans ent faire deliverance ou amenusance, jusques atant que vous aies autre chose en maundement depar nous; comandans aussi a vous et chescun de vous par soy depar notre dit Seignour le Roy, que touz les marchantz qui ont affrette la dite barge, et touz les meistres et marineres dycelle, vous arestes sanz delay, et lour corps en tout haste apres la dite areste amenes ou fatez savement ameneyr pardevaunt nous en quel lieu que nous soions, pour respondre as pointz et articles dount ils seront resones pardevant nous; et ces chose ne lessez nullement, souz paine de mł li. et forfaiture de vos corps et biens et quantque vous purres forfaiture a notre dit Seignour le Roy en cest cas. Doune a Trym, le seconde jour de Marz, lan notre Seignour le Roy Richard Seconde sesizsime.

138

A.D. 1393.

James le Botiller, Conte Dormond, Justice Dirland, a notre treschere et bien ame William Spaldynge, Ad

Page 162

miral notre Seignour le Roy en Irland, saluz. Pour ce que il y ad un estatut ou ordenance fait que nul homme, du quel estat ou condicion que il soit, deust passer la mer hors de la dite terre, et que nul homme deust amover outre la mer frument, chivaux ne faucons sans especial conge et licence de Lieutenant ou Justice Dirland qui soit pour le temps, le quel statut nous veullons que en notre temps soit bien garde et mis en execucion, nous vous mandons et chargeons depar le Roy, et prions depar nous, que vous ne souffrez nul homme, du quel estat ou condicion que il soit, ne souldeiours, servants ne laboures, passer outre la mer a nul port Dirland, excepte marchans et mariners, sans especial licence et conge de nous; et oveque ce, que vous ne souffrez nul homme du quel estat ou condicion que il soit carier ne amener outre la mer frument, chivaux ne faucons en nul port Dirland sans notre dit especial conge et licence; et ce ne lessez

Page 163

souz peine de cent marcz destre leves al us notre Seignour le Roy. Doune par tesmoignage du prive seel, le ije jour de Marz, lan &c.

141

A.D. 1393.

A vous, Sire Justice et Conceil notre Seignour le Roi en Irlaund, supplie Philippe Darcy, Chevalier, qe come jadis, par vertu dun ordnance fait a Westmester lan notre Seignour le Roi qore est terce, en quelle

Page 164

estoit contenuz qe touz ceaux eiantz seignouries, terres, rentes ou possessions deinz la terre Dirland deussent estre en propre persone deinz la dite terre a la fest de Seint Johan Baptist lan suisdit, a y demurer sur la defense de la dite terre, ou envoier gentz sufficientz deinz la terre suisdite solonc lafferant de lour seignouries, terres, rentes et possessions en ycelle, et illeoques demurer par la dite cause, ou autrement qe les deux parties de les issues et profitz de lour seignouries, terres, rentes et possessions seroient levetz et appliez al oeps le Roi, en eide de la defense de la dite terre; par cause qe le dit Philippe ne vient en propre persoun, nenvoia gentz sufficeantz en la dite terre devaunt la dite fest, solonc le fecte de dit ordenance, les deux parties de les issuez et profitz de les seignouries, terres et rentes, queux le dit Phelippe ad deinz la dite terre, cestassaver en Garistoun, Dunmowe, Loueth, Asshe, et Castelrynge, fuerent seisez

Page 165

es maines le Roi, et puis en cea, et tanque ore tarde a son personel venu en la dite terre, tutditz ont este en les dites maines par la dite cause; et coment qe ces tenantz de ses terres susdites, qe ont este ces receivours en ycelles pur le temps, ont fait gre au Roi de ses deux parties des issues et profitz susdites, de la dit fest, dan en an et terme en terme, tanque son dit venu, par tailles et assignementz faitz hors de la Thesorerie, issint qe pei ou ren est diue au Roi outre lour dit paiement, uncore ils sont destreinez, et compuls par mandementz hors de le dit Eschequer de venir illoeques et accomptier et fair gre au Roi de mesme les issues et profitz, en grantz enpovrisment des ditz tenantz, et anientissementz de ces seignouries et terres suisditz; qe vous pleise considerer les grauntz profitz queux le Roi ad eus dycelle puis la dite ordenance, et auxint le pourte et innocence des ses ditz tenantz, qe nont conissantz de cieux accomptes, nunque soloient rendre cieux accomptes, et lour graunter pardoun ge

Page 166

neralle de toutz maners dettes et accomptes sour eaux duez au Roi par cause des dites deux parties, et sur [ce] les briefs le Roi biensoignables as Tresorer et Barons de ses Eschequer de lour discharger, solonc le fete de dit pardoun.

indorsamentum. Par cause comeP166A1 [P166A1] Sic in MS. for connu.167 est au Justice et ConseilP166A2 [P166A2] This and the preceding word are underlined in the original.167 deinz nomme que ceste peticoun conteigne verite, accorde est par mesme le Justice et Conseil, que considerez les matires deinz contenuz, al request de le suppliant, et a cause de ses bones services a notre Seignour le Roi faitz, que de grace le Roi especial touz ces tenantz des ses seignouries, terres et rentes deinz contenuz, que estoient receivours de les deux parties des issues et profitz des ditz seignouries, terres et rentes, ove les appurtenantz, del fest de Seint Johan deinz contenu, dan en an et terme en terme, tanque al venu de dit suppliant en Irland, eient pardoun, soient severalment

Page 167

discharges de toutz maneres dettes et accomptz a notre Seignour le Roi duez par cause doccupacioun ou le receit des ditz deux parties a mesme notre Seignour le Roi par la cause deinz contenue agardantz de la dit fest de Seint Johan lan deinz contenue tanque al venue de dit suppliant en mesme la terre, et ent soient quitz envers notre Seignour le Roi par cause deinz contenue; pourveu tout foiz que les receivours del manoir de Gariestoun deinz contenuz, de le terme de Seint Michell darrein passe, facent gree a Roi de oept livres duez a Roi des ditz deux parties de dit terme, nient contresteant cest pardoun.

142

A.D. 1393.

A vous, Sire Justice et Conseil notre Seignour le Roy en Irland, supplie Philip Darcy, Chevalier, que comme il soit taille en haste de passer vers les parties Dengletre pour certaines grosses besoignes queux il ad affaire illeoques touchantz son heritance, et auxint

Page 168

pour autres besoignes notre Seignour le Roy touchantz; que vous plese luy granter licence le Roy de passer franchement ove ses gens, chivaux et harnois envers les ditz parties; et auxint que il poura en sa absence par ses deputes, servantz ou attournes aver, recevre et envoier toutz maneres issuz et profitz de touz ses seignouries, terres, rentz et possessiounes deinz la terre Dirland, durant le terme de trois ans, nient contresteant sa absence, ou lordinance jadis fait encontre ceux aiantz seignouries, terres, rentes ou possessiouns en Irland, et nient demourantz sur icelles en aide de la defense du dite terre.

indorsamentum. Eit le suppliant licence solonc la tenour de cest peticioun, de grace le Roy especial, par lettres patentz &c. Doune a Trym, le iiij. jour de Marz, lan &c.

143

A.D. 1393.

A treshonoure et tresreverent Seignour, le Justice notre Seignour le Roy en Irland, supplie William, le fitz

Page 169

William le fitz Estephen, que plese de votre graciouse seignourie a luy granter chartre de pardoun de la mort William le fitz Symond Palmer par luy occis, par aese fin faire a notre Seignour le Roy, eiant reguard que il est povre, et de bone fame, et ce que il fut en sa defense.

indorsamente. Eit le suppliant chartre de pardoun pour la mort dont ceste peticion fait mencion, solonc la purport dicelle, par fine de deux marz appaier en le Haneper, par lettres patentes &c. Doune comme desus.

144

A.D. 1393.

A vous, Seignour Justice et Counceil notre Seignour le Roy en Irland, supplie Johan de Carlyn, clerk, que come notre dit Seignour le Roi, le xiij. jour de Jullet, lan de soun reigne xiij., par ses lettres patentz sous soun grant seal Dirland, commist a dit Johan la garde de touz maneres fruitz, rentes et proventz de deane de la glise cathedrall de Seint Patricke de Dyvelyn,

Page 170

ove ces appurtenantz, en les maines notre dit Seignour le Roy certeinz de causes adonques sequestres et seisiz, avoir tanque a la volunte le Roi, rendant ent par an a soun Eschequer en Irland la extent premierement afair apres le dit xiij. jour de Jullet, come plenement appiert dez recorde par la tenure de les ditz lettres patentez enrollez en la Recomemorance de le dit Escheqer; et graunt temptz apres le dat de les ditz lettres patentz, les fruitz, rentz et proventz susditz, ove ces appurtenantz, furront extent devant le honourable pier en Dieu Robert, adonque Archevesque de Dyvelyn, a iiijxx. marcz par vertu dune brief hors de la Chief Place notre dit Seignour le RoiP170A1 [P170A1] This passage was originally written de la dit Place notre dit Seignour le Roy: then the second dit was cancelled and chief written over it: read, as above, de la Chief Place notre dit Seignour le Roy.171 en Irland directe a dit Archievesqe pur extendre lespiritualte de le dit dene, come nulle temporaltz pertinent a mesme le dene, la quel extent le dit Archevesque retourna en la dit Chief Place, la dit extent fuist envoie par es

Page 171

cript en le dit Escheqer devaunt les Tresorer esP171A1 [P171A1] Sic in MS. for et.172 Barons de mesme Lescheqer; que vous pleise comander, par brief es Tresorer et Barons de le dit Escheqer, de descharger le dit Johan sour soun accompt rendre de les ditz fruitz, rentz et profitz par vertu de les ditz lettres patentz, le dit estret de iiijxx. marcz par an, et non plus, outre del temps qil est ent accomtable, par force de nulle autre extent fait de ceo en apres, come resoun demande.

indorsacio. Soit ceste peticioun mande par brief devantP171A2 [P171A2] The words en la Chancellerie were written after this word in the original, but have been cancelled.172 les Tresorer et Barons de Leschequer notre Seignour le Roi en Irland, commandant a eux que si trove soit de record ou par autre evidence que ceste peticion contient verite, que adonques ils chargent le suppliant sur son acompte deinz contenue a rendre, dan en an et terme en terme, durant le temps que il est ent acomptable, par lextent de iiijxx. marcz par

Page 172

an issint fait devant Larchevesque deinz cest peticioun nomme, come y est contenuz en les extrectz del Chief Place, come cest peticioun purport, solonc le fect des lettres patentz deinz contenuz, et nemy outre, par null autre extent fait apres la dit extent de iiijxx. marcz. Doune a Kilkenny, le xx. jour de Febrier, lan notre Seignour le Roi Richard Secunde sesyme.

145

A.D. 1393.

A vous, Sire Justice et Consel notre Seignour le Roy en Irland, supplie Robert Crulle, Tresorer Dirland, que comme il par votre comandement, Sire Justice, ad travaille divers foitz as trettees, conseils, et parlementz par vous, Sire Justice, tenuz en la dite terre, et ad travaille as divers counties pur faire divers inquisicions notre Seignour le Roy touchantz, puis le temps que vous, Sire Justice, avez este en le dit offis, a ses tresgrandes coustages, sans reguard ou fee de notre Seignour le Roy par celle cause uncore pris; que il vous plese considerer ses travaux et coustages

Page 173

susditz, et luy granter covenable regard en recompensacion dicelle, sique il purra le meulz telx charges supporter en temps avenir.

indorsamentum. Eit le suppliant xl. li. en noun de reguard, de doun et grace le Roy especial, pur les causes contenues deinz ceste peticion, et sur ce luy soit fait brief de deliberate direct as Tresorer et Chamberlainz de Leschequer notre Seignour le Roy en Irland, de luy ent fare paiement en due fourme. Doune a Trym, le iiije jour de Marz, lan &c.

146

A.D. 1393.

A vous, Sire Justice et Conseil notre Seignour le Roy en Irland, supplie Sire Johan Hunte, chappellain, que il vous plese de grace le Roy especial granter a luy chartre de pardoun de toutz maneres tresons, felonies et trespas par luy faitz sibien en temps le Edward, aiel notre Seignour que ore est, comme en

Page 174

temps notre Seignour le Roy que ore est, et auxi confederacies, conspiracies, champarties, fauxtes, faux alliances, fauxunes, deceites, contemptes, negligences, oppressions, extorsions, excesses et autres trespaces queconques, et utlagerie, si ascune en sa persone a causes susditz soient pronuncies; et ce, en oevre de charite, eiant regard, Monseignour, que il est home de bone fame, et ce, pur son bon service que il ad fait et fera a notre dit Seignour le Roy.

indorsamentum. Eit le suppliant chartre de pardoun des pointz deinz contenues, solonc la purport de ceste peticion, de grace le Roy especial, par lettres patentes &c. Doune a Trym, le ve jour de Marz, lan &c.

Page 175

148

A.D. 1393.

Jacobus &c. Comme nous aions grante et licence doune a William Spaldynge, que il puet par soy mesmes servantz ou deputes dix weyes de frument en une neef ou diverses neefs, en queconque port deinz la terre Dirland ou luy plera charger, et mesmes les weyes a les parties Dengleterre, Bayon, Gascoyn ou autres amys et bienvoillantz notre dit Seignour le Roy franchement carier, sans destourbance de nulluy, nient contreesteant ascun ordenance ou proclamacion fait a contraire. Soient ent pour le dit William lettres patentes notre Seignour le Roy faitez, en due fourme. Doune a Droghda, le xje jour de Marz, lan &c.

Page 176

150

A.D. 1393.

A vous, Seignour Justice et Consaille notre Seignour le Roi en Irland, supplie Johan Darcy, qe pleise luy graunter le mariage de Elisabethe Neterville, cosyn et heir a Johan Naptoun, le quelle mariage appurteynt a notre Seignour le Roy, et ceo, en noun de parcelle de regard, qe ele est juenes et le mariage de petit value.

indorsamentum. Eit le suppliant la mariage de Elizabeth Neterville deinz escript, de doun le Roy, en non de reguard del parcelle de son bon service que il ad fait a notre Seignour le Roy et fera en temps avenir, solonc la purport de ceste peticion, et sur ce luy soient faites lettres patentes &c. Doune a Droghda, le xiiije jour de Marz, lan &c.

Page 177

151

A.D. 1393.

A Justice et Conseille notre Seignour le Roy en Irland monstre Walter Penkestoun, une des Clers del Chief Place notre dit Seignour le Roy en Irland, que come William fitz Robert Babe ad arrainer une assise dun frecheforce devant le Meire et les Bailliffs de Drogheda es parties Durrielle devers le dit Wauter et autres de xvi. mees, ii. acres de pree et vi. gardinis od les appurtenauntz en la dit ville de Drogheda es parties Durrielle, le quel assise pent unquore, quel Wauter est issint occupe en la dit Place en le service le Roy, qil ne puyst bien travailler hors del dit Place entoure le defence del dit assise; que pleise, de votre tresgracious seignourie, de graunter brief commaundant a les ditz Meire et Baillyfs de proloigner la dit assise, et touz autres devaunt eaux devers le dit Wauter arrainez ou arrainer, tanque al fest de Touz Seyntz prochein avenyr, issint que le dit Wauter ne soit my perdaunt en sa absence, luy esteaunt en le service le Roy en la dit Place.

Page 178

indorsamentum. Purceo que cognu est que le suppliant est occupie en le service le Roy, sicque a lassise que est arrainer en contre luy il ne puyt attendre, par avys dautres du Conseille notre dit Seignour le Roy avons ottroie prolongacioun du dit assise jesques au fest dedeinz escript, solunc la purport du cest peticioun. Soit fait brief notre dit Seignour le Roy direct as Mair et Baillifs de Droghda,P178A1 [P178A1] There is here cancelled Justice de Chief Place notre dit Seigneur le Roy en Irland, and this word with the four preceding interlined.179 pur continuer, adjourner et proloigner lassise dont ceste peticion fait mencion jusques a feste deinz escript, en due fourme. Doune a Droghda, le xij. jour de Marz, lan &c.

152

Pur John Darcy. A.D. 1393. See No. 150.

A vous, Sire Justice et Counsaille notre Seignour le Roy en Irland, supplie Johan Darcy, que pleise luy grantiere le mariage de Elizabetz Netervylle, cosyne et heire a Johan Naptoun, le quele mariage appurtienent a notre Seignour le Roy, en noun de

Page 179

parcelle de regard de la bone service le quele le dit Johan ad fait a notre dit Seignour le Roy et ferra en temps avenire; eaunt regard qe ele est juenes et le mariage de petit value.

indorsiamentum. Eit le suppliant la mariage de Elizabeth Netervyle deinz escript, de doun le Roy, en noun de regard de parcelle de son bon servyce que il ad fait a notre Seignour le Roy et ferra en temps avenire, solonc la purport de ceste peticioun, et sur ceo luy soient faites lettres patentes notre dit Seignour le Roy, en due forme. Doune a Droghda, le xijme jour de Marz, lan &c.P179A1 [P179A1] This entry is totidem verbis the same as No. 150, except that the date is the twelfth instead of the fourteenth of March.180

153

Pur Wauter Evere. A.D. 1393

A mon treshonoure Seignour, le Conte Dormond, Justice Dirland, et a Conseil notre Seignour le Roy illaoques supplie Wauter Evere, que vous luy please grantere la garde de xxx. acres de terre que estoient

Page 180

Franceyes Wyot en Raiestoun ove les appertenances, et des toutz les terres et tenementes en Rathcrossan ove les appertenances, es mains notre Seignour le Roy pour certaines causes esteantz, a avoir et tenir toutz les ditz terres, tenementes tantque ils demirgent es ditz maines le Roy, rendant ent par an en Leschequer Dirland lestent ent derrain fait enP180A1 [P180A1] Sic in MS. for ou.181 proschein affaire, a les festes de Pasqz et Seint Michel, par oweles porcions.

indorsiamentum. Eit le suppliant la garde de touz les terres et tenementes ove les appurtenaunces dont cest peticion fait mencion, combien que ils demeurent en la main notre Seignour le Roy, par souffisant seurte atrover en la Chancellerie de paier lestent ent derraine fait ou proschain affair, solonc la purporte de ceste peticion, par lettres patentes notre Seignour le

Page 181

Roy souz soun grant seel en Irland, en due fourme. Done a Drogheda, le xijme jour de Marcz, lan &c.

154

Pour Esmond Berle. A.D. 1393

A vouz, Sire Justice et Conseille notre Seignour le Roy en Irland, supplie Esmond Berle, Citeseyn de Develyn, que come Gerald Obyrne, Cheveteyn de sa nacioun, soit tenuz a luy en diversez grantez summes dargent pour diverses marchandisez par luy achatez a temps quant il estoit retenuz en le service notre Seignour le Roy, dez queux le dit Esmond unques ne serra par dit Obyrne paiez si il ne achata une sa barge qil ad vendre; que vous pleise luy granter licence notre Seignour le Roy qil pourra franchement achatere la dit barge de dit Obirne en estopement dez cestez ditez dettez, saunx enpechement notre Seignour le Roy, sez heirez oue ministres qelconques en temps avenire.

indorsiamentum. Eit le suppliant licence que il puist franchement achater une barge de Gerald Obyrne pour la cause deinz ceste peticon contenue, solonc la purport dicelle, sance empechement notre dit Seignour

Page 182

le Roy, ses heiers ou sez mynestres, par lettres patentes notre dit Seignour le Roy, en due fourme. Doune a Droghda, le xijme jour de Marcz, lan &c.

155

Pur Barnabe Cusake. A.D. 1393

A vous, Sire Justice, et au Conseylle notre Seignour le Roy en Irland supplient Barnabe le fitz Geffrey Cusake et Thomas le fits Geffrey Cusake, que comme un Isoulde Taaffe ad arainer un assis de novelle disseisin des tenementes en Gerardestoun, Folnylestoun et Glyndelaghe, devant vous en la Chife Place a Trym, divers les dit Barnabe et Thomas et autres en lors bref contenuz, le quel Barnabe ad este si malades continuelment par vj. semaynes darein passez, et unquore est, sique ne put my luy mesme relever ne sustener a chival ne a pee pour venir et defendre les tenementes avanditz; et un fyn, que se leva des tenementes avanditz jaditz en la court Dame Johane de Mortimer, Countesse de Marche,

Page 183

Seignouresse de Trym, a Trym, lan du renge le roy Edward Tierce dise et vijme, devaunt William fitz William de Londres, Chivallere, adonques seneschal de franchise de Trym, parentre Johan fitz Andreu de Cusake, et Catrina sa femme, pleinantes, et William de Cusake et Nicholas de Cusake et Roger Chappellain, deforsamentores, par quel fyn les tenementes avanditz dussont remaindre au dit Barnabe; ensemblement ove autris diverses recordes tuchant soun droit en cel partie, ascuns sount en la Tresorerie Monsire Roger de Mortimer, Count de la Marche, deinz age, et en le garde notre Seignour le Roy esteaunt, de la fraunchise de Mide, et ascuns mandes par brefe de le Justice de Commune Banke le Roy a Carlagh, et plusours autris chartres et munimenz eut devenuz en la possession dit Isoulde apres la mort un Johan Cusake, uncle le dit Barnabe, qui femme le ditz Isoulde fuist; le quex fyn, recordes, chartres et munimenz purront grauntement avayller et lieu tener a dit Barnabe

Page 184

en defense de soun droit des terres et tenementes avanditz en la dit assise, et les quex il ne put my avener saunz especial mandement du Roy, et grant pursuyt divers la dite Isoulde; plese a vous considerer les matieres suthditz, et de votre tresgracious seignourie granter au dit Barnabe brefes notre Seignour le Roy directes sibien al gardeyn des fyn et recordes avaunditz de la Tresorerie de Mide, comme a Johan Tyrelle, Justice de Comune Banke avandit, pur sercher la fyn et les recordz avaunditz, et les tenours de ceux envoyer en la Chauncellerie Dyrland, sique le dit Barnabe les pourra iloques aver, sub pede sigilli, en defens des terres et tenementes avanditz et en savacion de soun droit; et en le mene temps granter a luy un bref de prorogacion, au Justice de Chefe Place, de proloiner la dit assise, arayer ou arainer divers les ditz persouns des ditz tenementes, tanque al quynsin de Sent Michel prochin avenir, sique le dit Barnabe ne soit my deserite par

Page 185

cel sodein suyt de dit assise pour defaut de la fyn recordes, chartres et munimentz avanditz, comme ley et resoun demandent,P185A1 [P185A1] demandent; this word is extended from the contracted form dd̃ent.186 pour Dieu, et en oeere de charite &c.

indorsamentum. Pur ce que tesmoygne est devant nous par Piers Rowe, Chife Justice de Banc le Roy en Irland, que Bernabe le fitz Geffrey Cusake est si malades que il ne poet mye travayller en defens de soun droit des terres et tenementes deynz contenuz, et que la fyn dont cest peticion fait mencion est mande par brefe le Roy en le commune Banc Dirland, et demourt iloques de recorde, et que lassise deinz contenuz est pendant devaunt le Justice Dirland en la Chife Place, acorde est que les suppliauntz aient brefes directes au Justice de Commune Banc de sercher la fyn avandit et toutz autris recordes en mesme la place tochauntz les ditz tenementes, et denvoyer les tenours dycelles en la Chauncellerie Dirland a la suyt des suppliauntz, et que brefe

Page 186

le Roy soit direct au Justices de Chife Place de proloner la dit assise, que est devant eux, et checum autre assise parentre les partiez avanditz, des tenementes deinz contenuz, tanque al quynseyme de Seint Michel prochin avenir, saunz outre procedre avant, solonc la purport de cest peticion, en due forme. Doune a Dyvelyn, le xvj. jour de Marz, lan notre Seignour le Roy Richard Seconde seszisme.

156

A.D. 1393.

James &c. Cum avons grante et licence doune a Stephen Lane, merchant de Brestwyke, quil, par soi mesme servantz ou deputes, pourra dix weyes de frument en une neefs, en queconque port deinz la terre Dirland ou luy plera, charger, et mesmes les weyes a les parties Dengleterre, Bayoune, Gascounie ou autres amys et bienvoillans notre Seignour le Roy franchement carier, sans desturbance de nully, nient contrestant ascunne ordenance ou proclamacion fait acontraire. Soient ent faites lettres patentes notre dite Seignour

Page 187

le Roy au dite Stephen, en due fourme. Doune a Dyvellyn, le xvje jour de Marez, lan notre Seignour le Roy Richard Seconde seszisme.

157

Pour Frere Nichol Whyte. A.D. 1393

A vous, Seignour Justice et Conseil notre Seignour le Roi en Ireland, supplie treshumblement votre povre eratour Frere Nicholle Whyt, que come il ad soventez foiz travaille es services notre Seignour le Roi sibien en votre temps par votre commandementP187A1 [P187A1] The words comme par commandement seem to have been omitted here.188 des autres Justices et Lieutenantz notre dit Seignour le Roi en Irland en lour temps as diverses marches de la dite terre, meschef ensemble[ment] par mavit perilous chymynes et graunt labors et deseese ad suffertP187A2 [P187A2] Sic in MS., except that some letters are defective at end of ensemble, which have been conjecturally supplied.188 par celle cause, come il est bien cognuz a vous, sanz rien renP187A3 [P187A3] Sic in MS.; probably for ent.188 prendre de notre dit Seignour le Roi; qe il vous pleise avoir de ceo regarde, et de votre graciouse seignourie de luy ordener ascun covenable regarde, en eovre de

Page 188

charite, et pour les almes notre dite Seignour le Roi et ces progenitours. Doune a Dyvelyn, le xvj. jour de Martz.

159

Pur Thomas Sergeant. A.D. 1393

A treshonoure et tresreverent Seignour, Monseignour Conte Dormond, Justice Dirland, supplie a vous, plest, votre simple servant Thomas Serjant, que come aultre foith estoit graunte al Johan Serjant, abbe del Meson de Seint Thomas le Martre juxte Dyvelyn, et as autres, chartre generale de toutz manerez tresonez, feloniez et trespas par eaux faitz si bien en countre la pees lael le Roy quorest come encountre la pees le Roy quorest, et auxint de conspiracies, confederaciez, champartiez, ambidextriez, fauxunes, deceitez, faux alliaunce, contemtes,

Page 189

extorciones, oppressiones, negglientz, concelementz, usurpacions et autrez trespacez queconques par eaux faitz par lez temps susditz, et outelaries en lours personz pronunciez, dez queux le dit Thomas Serjant est un; que plese a votre tresreverent Seignourie a luy grauntier chartre de pardoun en especial des articles susditz, considerantz que il est de bone fame.

indorsamentum. Eit le suppliant chartre de pardoun des pointz deinz contenues, solonc la purport de ceste peticon, de grace le Roy especial, et pur son bon service a notre dit Seignour le Roy fait et affaire, par fin de xx. s. appaier en le Haneper Dirland; et sur ce luy soient faites lettres patentes &c. Doune a Dyvellin, le xvj. jour de Marz, lan &c.

160

Pur Henry Archer. A.D. 1393

A vous, Sire Justice et Conseil notre Seignour le Roy en Irland, supplie treshumblement Henry Archer, nadgaires Provost de la ville de Kilkenny, que comme

Page 190

il ad travaille toute sa vie en le service notre Seignour le Roy sibien par della la mer comme es divers marches de ceste terre, et grauns damages ad soustenuz en icelle, et ore tard par tant que il estoit en sabsence soudainment esluz Provost de mesme la ville luy nient sachant, et brief le Roy luy vient illeoques destre a Cathirlagh devant les Barons de Leschequer a certains jours, a quel il ne pourroit venir en nulle manere pur peril de sa vie a cause des guerres des enemys par les chemyns perilouses entre les villes de Kilkenny et Cathirlagh, comme a vous est bien cognuz, il est amercie en xl. s. illeoques dont il est grandement enpoverytz; que il vous plese considerer les matieres suzditz, et luy granter ascun reguard en relevacoun de son simple estat, en oevre de charite, et pour les almes des progenitours notre dit Seignour le Roy.

indorsamentum. Eit le suppliant xl. s., en noun de reguard, de doun le Roy et sa grace especial, par les causes contenues deinz ceste peticion, et sur ce luy soit fait

Page 191

brief de deliberate directe as Tresorer et Chamberlains de Leschequer de luy ent faire paiement. Doune comme desus &c.

Page 192

162

A.D. 1393.

A mon treshonoure Seignour Justice et Conseil notre Seignour le Roy en Irland supplie George Telyng, que comme nadgaires un guerre fut surdy par entre liges Communes de Mithe et Orailli, a tien case que les Communes de Westmythe, es parties de Kenlys, furent en point destre perduz, sur quoi vindrent Levesque de Mithe, adonques Justice Dirland, et le Primat Dirland, ove les Communes de Mithe, et sur la debate avantdit les ditz Seignours et Communes avantditz acorderent od le dit Orailly pour sa malice aretreher, et de faire final pees ove les ditz Communes, pur iiijxx. et iiij. marz apaier a certain jour, a quel temps nul paiement ne nul seurte avoient adonques apaier, sinon que ils les ditz Primat, Seignours et Communes ont prie George Telyng de rendre son fitz en seurte au dit Orailly del paiement del grant avantdit,

Page 193

et avant ce un Consel fut assis a Tristeldermot devaunt le dit Evesque, adonqes Justice, en quel Consel luy fust grante un subsidie, cestassavoir xl. d. de chescun charu de terre, et xx. li. del Clergie de Mithe, du quel subsidie mesme cestuy Evesque, adonques Justice, granta la purpartie del dit subside de Mithe en paiement del dit grant del iiijxx. et quatre marz au dit Orailly en descharge del dit paiement, de quel subsidie pour la greindre partie nest mye paie, ne nul denier des xx. li. del Clergie avantdit; et pur la meschief que il veoit que a son fitz purroit avenir par cause del non paiement avantdit, mesme cestuy George et John Cruys, Chevalier, vindrent a Sire Robert Crulle, Tresorer Dirland, par les lettres du dit Evesque, adonques Justice Dirland, et par prier du dit Primat de creancer au dit George xxv. li., pour implier le paiement des avantditz iiijxx. et quatre marz, pur eschuyr la malice du dit Orailly, et pur avoir deliverance de

Page 194

son fitz; des queux xxv. li. ils sont obliges au dit Tresorer et a notre Seignour le Roy de paier a certain jour passe; sur quoi le dit Tresorer avoiaP194A1 [P194A1] Sic in MS. for envoia.195 les briefs notre Seignour le Roy pour lever des biens et chateux du dit George les xxv. li. avantditz; que vous plese de votre tresgraciouse seignourie sur ce covenable remedie au dit George ordener, et que ils arrerages del dit subsidie poient estre levez sibien del clergie comme del laifee, et paie en relevacion du dit George, et que il vous plese de prier au dit Tresorer de cesser de sa suyt tanque le dit subsidie, ent grant, soit leve, et ceo, pur Dieu et en oevre de charite.

PurP194A2 [P194A2] The answer to this petition is not entered on the Roll as usual, neither is it headed indorsacio, as in other cases: it is written on a separate slip of parchment, which is stitched to one side of the Roll opposite the entry to which it refers.195 ceo que cognu est au Justice et Conseil, que ore tard, au temps que le reverent pier en Dieu, Levesque

Page 195

de Mide, fuit Justice Dirland, a une Conseil assis a Tristeldermot lez Communes de Mide graunterent une subsidie, cestesavoir, xl. d. de chescun charue de terre, et xx. li. de Clergie de Mide, pour estre dispenduz, la moite al ordinance et disposicioun du dit Evesque, adunques Justice Dirland, et lautre moite pour estre gardez pur la governail de la terre; et, que pour taunt que une gere fuit leve par Orailli sur la dit counte de Mide, pur luy acorder auP195A1 [P195A1] au is written over the word du, which has been cancelled.196 pess iiiixx. et iiij. marcz luy furrent grauntz du dit subsidie, [et que Sire Robert Crulle, Tresorer Dirland, en acomplicement du dite somme, paia per prest xxv. li.],P195A2 [P195A2] The sentence within brackets is written at the bottom of the slip of parchment, and referred to by a cross at the word subsidie.196 et ore le dit Evesque ad graunte la moite du sa parte de lez ditz xx. li. en partie du payment dez ditz iiijxx. et iiij. marcz; acorde est par le Justice et Conseille que une

Page 196

commission soit fait au dit Evesque de Mide pour ordiner collectours, a son plesirP196A1 [P196A1] This and the two preceding words are interlined in the original.197 , de lever [x.] łi. de la dit subsidie de Clergie, et pour estre delivere a Tresorer Dirland en descharge de [gr]ant dez ditz xxv. li. en partie du payment dez ditz iiijxx. et iiij. li.P196A2 [P196A2] For li. read marz here.197

163

Pur James Verdoun. A.D. 1393

A Justice et Conseille notre Seignour le Roy en Irland supplie James de Verdoun, que come Thomas de Verdoun, Chevalier, fuist seisi de le manoir de Clonmore en soun demain come de fee en le Counte de Louethe ove les appurtenanz, et le dit manoir tenoit de notre Seignour le Roy en chief par service du chevalier, le quel manoir le dit Thomas dona a une Cusaake, Parsoun del esglise de Rathdrumnewe, a avoir et tenir a luy et sez heirs pur toutz joures, et reprist estate de ditP196A3 [P196A3] Sic in MS., perhaps Johan, was omitted before Cusaake in the previous part of the Roll.197 Johan du dit manoir ove les appurtenauntz a

Page 197

luy et ces heirs males de soun corps issuant, et pur defaut dissu malde le remendre a un James de Verdoun, pier au dit suppliant, a luy et ses heir maldes de soun corps engendez, le quel Thomas morust seisi du dit manoir ove les appurtenantz come de estate talie sanz heire malde de soun corps engendez, apres que mort entra le dit James, le pier, en le dit manoir ove les appurtenantz come en soun remendere, et de ceo morust seisi, forspris la tierce partie la quel Johan, qui fuist la femme a dit Thomas, tient in dower, sur qei issyt brief de diem clausit extremum a Thomas Clifforde, Chevalier, adunqe Eschetour notre dit Seignour le Roy en Irland, pur inquerer quex terres et tenemenz le dit James, le pier, tenoit de notre Seignour le Roy en chief, et que fuist prochin heir a dit James, le pier; et la, devant le dit Eschetour, mesme le suppliauntz estoit trove prochein heir a dit James soun pier, comme par le office pris sur le matir susdit avant mesme

Page 198

Leschetour, et en la Chancellerie notre Seignour le Roy en Irland retourne, pluis pleinement apiert; et oretarde le dit suppliant suist une briefe de etate probanda retournable en le Chancellerie avantdit, par le que lage le dit suppliant est en bone et loialmentP198A1 [P198A1] The word maniere seems to have been here omitted by the scribe.199 devant le dit Eschetour prove; que vous plese considerer la matire susdite, et que les ditz alienacionez, et lentre le dit James, pier, estoient faitz sanz licence notre dit Seignour le Roy, et auxint que la dit Johanne jadys femme ad dit Thomas, et Elizabeth, qui estoit femme a dit James, le pier, ount fait fine a notre dit Seignour le Roy pur lour dowers des ditz terres et tenemenz, et reserver le dit suppliant al ease fine afaire a mesmeP198A2 [P198A2] This word is interlined and much blotted.199 notre Seignour le Roy de ceo que a luy affiert des ditz terres et tenemenz, et a luy fair livere de dit manoir ove lez appurtenantz, ove lez revercionez dez dowers avantditz, et outre ceo luy

Page 199

grauntier chartir de pardoun mesme notre Seignour le Roy des ditz alienacionis, solonc ceo que resoun et ley demandent, et ceo pur Dieu et en evre du charitee.P199A1 [P199A1] A space has been left after this enrolment for the indorsement, but it has never been filled in.200

164

Pur Nicholas Fynglas. A.D. 1393

James le Botiller, &c., a nosP199A2 [P199A2] Sic in MS.200 treschiers et fiables amys, Johan Mawreward, Maire de Dyvellin, et William Spaldyng, Admiral notre Seignour le Roy en Irland, saluz. Comme nous eions grante et licence doune a Nicholas Fynglas, citezein et merchant de Dyvellin, que il, par soi, mesmes servantz ou deputes, purra xx. veyes de frument en une neef ou divers neefs, en queconque port deinz la terre Dirland ou luy plera, charger, outre le frument que est dedens la barge de Johan Galvey, et mesmes les xx. weyes a les parties de Bayon ou Gascoyne franchement carier sans destourbance de nulluy, nient contresteant ascun ordenance ou proclamacion fait a contraire; nous vous mandons de

Page 200

par le Roy, et prions depar nous, que vous souffrez le dit Nicholas, par luy, ses servantz ou deputes, carier les ditz xx. weyes outre la mer par manere comme desus est dit, sans luy ent arester, detenir ou destourber en ascune manere. Doune a Trym le xxje jour de Marz, lan notre Seignour le Roy Richard Seconde xvje.

165

A.D. 1393.

Plese a treshonoure Seignour, le Conte Dormond, Justice Dirland, rattifier, approver et confermer lestate et possessioun que Sire Thomas Andrew, Vicar de Kilpatrik, ad en sa vicariage, de grace le Roy especial, et en eovre de charitee.

indorsiamentum. Eit le suppliant confirmacioun et ratificacioun de lestate et possessioun que il ad en sa vicariage, solonc la purport de cest peticioun, par lettres patentes notre Seignour le Roy, en due forme. Doune a Trym, le xxijme. jour de Marcz, lan &c.

Page 202

169

A.D. 1393.

Au Justice et Conseil notre Seignour le Roy en Irland monstre Johan, Ercevesque Darmagh, Primat Dirland, que comme iiijxx. et x. acres de terre ove les appurtenances en Balygandyr en la countie de Loueth furent seyses par Leschetour Dirland par certaine cause en la main notre dit Seignour le Roy, le quel Ercevesque suyst brief de super modo et causa hors de la Chancellerie, par quel brief le dit Ercevesque fist venir la cause del seisine des ditz iiijxx. et x. acres de terre en la Chancellerie avantdit, et par un Thomas Broun, son attourne, pleda en la dite Chancellerie a Kilmahallok devant Alexandre Evesque de Mithe, adonques Chanceller notre Seignour le Roy en Irland, et traversa la cause, issint que les avantditz iiiixx. et x. acres de terre furent commis al dit Erce

Page 203

vesque par patent notre dit Seignour le Roy, a respondre au Roy des issuez si au Roy appertient; et al venu de la dite Chancellerye hors de Mounestre, le dit Ercevesque fist pursuyt en mesme la Chancellerie pour faire esploit parentre notre Seignour le Roy et luy de mesme la seisine, et ne purroit mye trover nul record en la dite Chancellerie de son plee avantdit, purce que par negligence de son attourne le plee ne fut mye entree; et ore tard al suggestion dun Johan fitP203A1 [P203A1] Sic in MS. for fitz.204 Laurence Talbot, fait par malice au Consel notre dit Seignour le Roy, enfourmant le dit Conseil que le dit Ercevesque ne fist mye due suyte davoir les ditz iiijxx. et x. acres de terre hors de la main notre dit Seignour le Roy, comme la loy voloit, ains receust toutz les issues et proffitz de mesmes les iiijxx. acres de terre a son oeps demesne, en fraude du Roy, par la suggestion susdit; et ore le dit Ercevesque ad plede de novel, et ad traverse mesme la

Page 204

cause en la dite Chancellerie comme devant, pur quei suppli le dit Ercevesque que vous plese luy granter brief de supersedeas as Tresorer et Barons de Leschequer Dirland de surseir del leve des issues des ditz iiijxx. et x. acres de terre en le moien temps, sibien de temps passe comme en temps avenir, tanque que soit discusse, et le plee determine des avantditz iiijxx. et x. acres parentre notre Seignour le Roy [et] le dit Ercevesque avantdit; eyant reguard que le delay del dit plee ne fut mye en coupe del dit Ercevesque.

indorsamentum. Suye le suppliant le plee, cum effectum,P204A1 [P204A1] Sic in MS., the contracted words here are cū eff'tū: read cum effectu.205 dont ceste peticion fait mencion, et sur ce ait brief de supersedeas, de grace le Roy especial, solonc la purport de ceste peticion, en due fourme. Doune a Droghda, le xij. jour de Marz, lan &c.

170

A.D. 1393.

A vous, Sire Justice et Conseil notre Seignour le Roy en Irland, supplie Edward Chesuldenne, que vous

Page 205

luy plese granter la garde de tous les terres et tenements ove les appartenantes queux furent jadis a Simond Cusak, Chevalier, en Kilmasshan, et le manoir de Confy, ove les appurtenantes, en la countie de Kildare, le quel jadis fut Richard Cruys et Johan Bremyngham de Dyvellyn, en la main notre Seignour le Roy par certaines causes esteantz, a avoir et tenir toutz les ditz terres et tenementz et le dit manoir, oveque lour appurtenantes, tanque comme ils demeurent en la main notre dit Seignour le Roy, pour lestent ent derrament fait ou proschein affaire; considerant que dit suppliant est occupie en le service notre dit Seignour le Roy, comme yous bien savez, sans rens de luy prenant pour son travail.

indorsamentum. Eit le suppliant la garde deP205A1 [P205A1] Sic in MS.206 de tous les terres et tenementz et del manoir, oveque lour appurtenantes, dont ceste peticion fait mencion, tanque ils demourent en la main notre Seignour le Roy,

Page 206

solonc la purport de ceste peticion par lettres patentes notre Seignour le Roy, en due fourme. Doune a Droghda, le xxvije jour de Marz, lan &c.

171

A.D. 1393.

A Justice et Conseil notre Seignour le Roy en Irland supplient Robert Bernevalle, chappellain, et Thomas Plunket, que comme ils sont en le chastel de Trym mis en arrest par cause des issues et proffitz des terres et tenementz en Othrillaghe, Odnelestoun et autres villes compris en le record en Banc le Roy, les queux furent commis au dit Robert par patent notre Seignour le Roy, de respondre au Roy des issuz si au Roy attient, le quel issu nest pas encor trie, et le proces du plee en le dit Banc, a ce que dit est par vous discontinue; que plese de accepter le dit Robert de pleder en le Banc le Roy, et de meintener et de trier lissu par le dit Robert autre foitz tendu, et de lesser les ditz Robert et Thomas estre a large et hors darest, et que

Page 207

la leve des issuz et prouffitz des ditz terres et tenementz soit mis en suspens, tanque le dit issu soit trie, comme ley et reson veullent, eiantz reguard que la dite discontinuance nest pas en deffaute du dit Robert.

indorsamentum. Soit ceste peticion envoie par brief en le Chief Place le Roy, devant les Justices Dirland, et viegne le suppliant illeoques, et venes illeoques les record et proces deinz contenuz, et sur ce, si la loi voet, que le suppliant soit receu de pleder de novel, comme cest peticion purport, adonques soit il receu illeoques, autrement suy le suppliant a la commun loy. Doune a Droghda, le xxvije jour de Marz, lan &c.

Page 208

174

A.D. 1393.

A Justice et au Conseil notre Seignour le Roy en Irland supplie Esmond de Loundres, que comme il estoit ordene par le dit Conseil a garder les chastels de Carlyngeford, le Coly et le Grenecastel ove toute la seignourie illeoques, prenant les proffitz des avantditz chastelx et de toute la seignourie illeoques, les queux sont ore degastes et destruyez par Oneelle et autres enemys Irrois a notre dit Seignour le Roy, ensy que le dit Esmond ne poet porter, soustenir ne mantener les grandz charges et coustages que il ad illeoques sans aide aver; que il vous plese de votre graciouse seignourie considerer les matieres suzditz, et a luy ordener aide resonable, ou autrement luy descharger de la governance des ditz chastelx et seignourie illeoques, et ce, pour lamour de Dieu et en oevre de charite.

Page 209

indorsamentum. Soit fait brief de deliberate, en due fourme, a Tresorer Dirland pour deliverer au suppliant vj carnokes de frument, ij. carnokes de fenes, vj. carnokes de malt et deux pipes de vin pour vitailler les chastels deinz nommes. Doune a Droghda, le xxvije jour de Marz, lan &c.

175

A.D. 1393.

A Justice notre Seignour le Roy en Irland supplie Johan fitz Johan fitz Eustas de Neweland, que come il est endite de divers felonies et trespas, que plese a votre graciouse seignourie de commander Pierre Rowe et John Lumbard, Justices de la Chief Place, de lesser lavantdit John fitz John fitz Eustas aler a sa delivrance comme la loy voet, et ce, pour lamour de Dieu et en oevre de charite.

indorsamentum. Soit fait brief notre Seignour le Roy pour le suppliant, direct as Justices deinz nommes, de mettre le dit suppliant a sa deliverance, de ce que il est endite de divers felonies et trespas, solonc la

Page 210

tenour de ceste peticion, et comme la loy voet, en due fourme. Doune a Droghda, comme desus.

176

[A.D. 1393.]

A vous, Sire Justice, et au Conseil notre Seignour le Roy en Irland, prie Thomas, le fitz James le Botiller naguers Conte Dormond, que vous luy plese granter la garde de Elizabeth Neterville, cousyne et heir Johan Naptoun, et des touz les terres et tenementz del heritage la dite heir, deinz age et en la garde notre dit Seignour le Roy par certaines causes esteauntz, ove tous les appurtenantes, ensemble oveque services, fees, courtz, coustumes, wardes, advoesons, eschetes et reversions a ce appurtenantes, a avoir et tenir tanque al loial aage la dite Elizabeth, issint en cas que sil denye durant son non aage, son heire deinz age, adonques il eit la garde et la mariage de cel heire, et de toutz les terres et tenementz del heritage de celle heire, ove toutz lour appurtenantes, tanque al loial age de celle

Page 211

heire, et issint de heire en heire, tanque ascun heire del heritage avantdit aveigne a son plein age, en non de parcelle de reguard des bounes services queux il ad faitz a notre dit Seignour le Roy et les grantz travalx et costages qux il ad soustenuz en icelle, et prest est affaire en temps avenir.

indorsacio. Eit le suppliant la garde de Elizabeth Netervylle deinz escript, et de toutz les terres et tenementz ove lour appurtenantes du dite heire, ensemble oveque les services, fees, courtz, coustumes, wardes, advoesouns, eschetes et reversions a ce appurtenantes, et de toutz autres choses et pointz dont ceste peticion fait mencion, solonc la purport de ceste peticionP211A1 [P211A1] This and the two preceding words are cancelled in the original.212 dicelle, sans riens ent rendre a notre dit Seignour le Roy, en noun de parcelle de reguard de son service &c., par lettres patentes &c. Doune a Droghda, le xxviie jour de Marz, lan &c.

Page 212

178

A.D. 1393.

A vous, Sire Justice et Conseil notre Seignour le Roy en Irland, supplie Thomas Clare, souldeour notre Seignour le Roy en Irland, que comme ore tard, a temps que John Chapman fut tue, son chival fut occis, le quel fut a la value de x. marz, que il vous plese luy granter ascun reguard pour son perde et damage, de grace le Roy especial; considerant que le dit suppliant navoit autre bien en monde sinon le dit chival.

indorsamentum. Eit le suppliant cynq marz de doun le Roy et sa grace especial, en non de reguard, pour la cause deinz ceste peticion contenue, et sur ce soit fait brief de deliberate, direct as Tresorer et Chamberlains le Leschequer Dirland, de luy ent faire paie

Page 213

ment, en due fourme. Doune a Droghda, le xxviije jour de Marz, lan &c.

179

A.D. 1393.

A vous, Sire Justice et Conseil notre Seignour le Roy en Irland, supplient William de Veer de Houthe, et Agneis DanyP213A1 [P213A1] This name may also be read Davy.214 sa femme, que il vous plese eux granter chartre de pardon de toutz manieres tresons, felonies et trespas par eux faitz sibien encontre la pees le Roy Edward, aiel notre Seignour le Roy que ore est, comme encontre la pees notre dit Seignour le Roy que ore est, et auxint de conspiracies, confederacies, champarties, sedicions, faux alliances, deceites, contemptes, negligences, conselementz, extortions, oppressions, excesses, et autres trespas et felonies queconques, et forfaitours de lour biens et chateux, si ascuns a notre dit Seignour le Roy par les causes souzditz appertient, et des utlageries, si ascunes en lour persounes soient pronuncies par les causes avantditz; eiantz reguard que ils sont loials liges a notre dit Seignour le Roy, et de bon fame.

Page 214

indorsamentum. Eient les suppliantz chartre de par doun solonc la tenour de ceste peticion, sans fin faire a notre Seignour le Roy, de grace le Roy especial, et au requeste de reverend pere en Dieu, Levesque de Mithe, par lettres patentes &c. Doune a Droghda, le xxviije jour de Marz, lan &c.

180

A.D. 1393.

A vous, Sire Justice, et a Conseill notre Seignour le Roy en Irland, prie Thomas, fitz JamesP214A1 [P214A1] This and the preceding word are interlined in the original.215 le Botiller nadgerz Counte Dormond, que vous luy pleise graunter la garde de touz les terrez, tenemenz, rentez, servyces, ensemblement ove fees dez chyvalieres, avowes des eglises, reversiouns, gardes, mariages et eschetez Elizabeth, fille et heire Richard Netervylle et cousyne et heire a Philippe Naptoun, qui de notre Seignour le Roy tiendrent en chieff, deinz age et en la garde notre Seignour le Roy esteaunt, ove touz lour appurtenantez es countees de Irielle, Mithe et aillours en la terre

Page 215

Dirlaund, a aver et tenyre au dit Thomas et a cez assignez tanque al loial age la dite heire; issint en cas que la dit Elizabeth denye duraunt soun noun age, soun heire adonqes deinz age, que le dit Thomas eit la garde et la mariage de cel heire, et de touz lez terrez et tenemenz, rentez, servycez, ensemblement ove fees, avowes, reversions, gardez, mariagez, eschetez avantditz, ove touz lour appurtenantez, tanque al loial age de celle heire, et issint de heire en heire, tanque ascune heire del heritage avantdit aveigne a soun pleigne age; en noun de parcelle de regard dez bonez servicez qux il ad faitez a notre dit Seignour le Roy et lez grauntz travaillez et coustagez queux il ad sustenuz en ycelle, et prest est affair en temps avenyre.

indorsamentum. Eit le supplyaunt la garde de touz les terrez, tenemenz, rentez, servycez, ensemblement ove fees de chivalieres, avowes dez eglises, reversions, gardez, mariages, eschetes del heires deinz contenue, ove touz lez appurtenantez, et de heire en heire, solonc la

Page 216

purport du cest peticion, sanz rien ent rendre a notre Seignour le Roy, en non de parcelle de regard de soun graunt travail et boun servycez qil ad fait a notre Seignour le Roy, par lettres patentez notre Seignour le Roy, souz soun graunt seal Dirland, en du forme. Doune a Drogheda, le xxviije jour de Marz, lan notre Seignour le Roy Richard Seconde sesysme.

181

A.D. 1393.

A vous, Sire Justice et Conseille notre Seignour le Roy en Irland, movre votre poevre chapelleyn, Sire Simond Glaunforbrigge, Parson del eglise de Yoghille, que come defenduz soit par notre Seignour le Roy et sez progenitours que nul homme doit chyvacher armez ove gentz armes en effray de poeple, ou de ouster nulle homme hors de cez possessionez ov force par gentz armes, une Sire Robert Lythum et William Botiller, de Connaght, ovesque une graunt kerne dez gentz armez vindrount a Yoghille, et par la ou le dit Sire Simond fuist en possessioun pesible de sa eglise de

Page 217

Yoghille, lez ditz Robert et William en force et tort entrerount en soun dit eglise de Yoghille, et le eglise bruserount, et luy esteant al haut hauter, enP217A1 [P217A1] Sic in MS. for et.218 le corps notre Seignour Jhesu Crist parentre lez maynez du dit Sire Simond, revestuz ove sez vestementz, hors de soun dit eglise treierount, jeterount sanz processe le ley, et luy grevousement baterount, et sanc de luy traieront, et sez ditz vestementz rumperount, et touz cez bienz et chateux pristerount, enporteront et getterount, et le dit suppliaunt par le dit Sire Robert Lythum est outrement anyntir,P217A2 [P217A2] Sic in MS. for anynte.218 torsiousement, encontre le ley; sour qey pleise a votre tresgraciouse Seignourie et le sage Conseille notre Seignour le Roy denvoier lez briefs notre Seignour le Roy pour le dit Sire Robert arester, et luy fair trover sufficiant suyrte devenyre al courte notre Seignour le Roy en Irland devant le Justice, a respondre si bien au dit Sire Simond come le contempt fait par luy a notre Seig

Page 218

nour le Roy en Irland; pour Dieu et en oevre de seint charite; eiauntz consideracioun, treshonoures Seignourez, que si tieux riottez soient suffertez, nulle puyt enjoier sez bienz ne chateux ne sez possessionez.

indorsamentum. Pur ceo que le suppliant ad trove suffisiaunt suyrte devant nous, cestassavoir, Piers Stonham et Johan Bermyngham, de pursuyre la matier deinz contenue, tant pur le Roy come pur la partie, soit fait brief notre Seignour le Roy, directe a Visconte de Corke, et as Sovereine et Provost de Yoghille, jointement et severalment, darestere Robert Lythum et Willam Botiller, de Connaght, et autres malefesours deinz contenuz par lore corps, et eux de amener personelment devant nous et autres du Conseille notre Seignour le Roy en Irland la xvme de Pask prochein avener, en quel partie que nous sumus, de respondre si bien au Roy come au suppliant dez matirez deinz contenuez, et dattendre ceo que la ley demande, et ceo, sur peyne de cc. li. Doune a Drogheda, le xxixe.

Page 219

jour de Marz, lan notre Seignour le Roy Richard Seconde seszsime.

182

A.D. 1393.

A vous, Sire Justice et Conseille notre Seignour le Roy en Irland, supplie Edward Chesuldenne, clerc, que vous luy pleise graunter la ville de Rath au ferme jouste Drommyskyn, que jadys fuit a Henry Moure par sa vie, en la mayn notre Seignour le Roy [par] certainez causez esteauntz, a avoir tanque que la dit ville demeurt en la mayn notre dit Seignour le Roy, pour lestent procheine affaire, et apaier a deux terminez del an, cestassavoir, les festez de Pasque et Seint Michel, par ewellez porsones.

indorsamentum. Eit le suppliant touz lez terrez et tenemenz ove lour appurtenantez en la ville de Rath dount cest peticion fait mencioun, tanque ils demourrent en la mayn notre Seignour le Roy, pour lestent en procheinment afaire, solonc la purport du cest peticioun, par lez lettres patentes notre Seignour le Roy, en due

Page 220

forme. Doune a Drogheda, le xxxme jor de Marz, lan notre Seignour le Roy Richard Seconde seszime.P220A1 [P220A1] This enrolment is cancelled in the original.221

183

A.D. 1393.

A vous Sire Justice, et a Conceille notre Seignour le Roi en Irland supplie Thomas ThomasP220A2 [P220A2] Sic in MS.221 le Botiller, fitz a James le Botiller nadgers Count Dormond, qe vous luy plese doner et graunter touz les terres et tenemenz du cantre de Offagh, en le countiee de Typerarie, par de la lewe del Shoure devers le west, ove touz les appurtenantz, exceptz la baronys de Cathyre et Dromloman, les quex terres et tenemenz sont en la marcz illoeques, et par negligentz et defaut des possessours dycelles sont destruuz et degaster,P220A3 [P220A3] Sic in MS. for degastes.221 et par les enemys Irrois sibien come par les Engleises malfesours et rebelles purprisez, si que la passage des marchantz et des auteres lieges, qe sont a la pece notre Seignour le Roi, et lour chymyn celles parties sont estopes, et par celle cause lentree done as Irrois

Page 221

enemys et as felons es terres de peece vicinables, parout ils sont grantement destruz et degastez; a aver et tenire a dit Thomas, ses heires et assignez, juxt la fourme dune estatut ent fait nadegairs en Irlaund pur les enhabiter en amendement du dit counte, et soccour des ditz lieges, tanque kree luy soit fait, et renduz de de touz ces costages queux luy covynt mettre sibien againer les ditz terres et tenemenz, come de les fermer et garder.

indorsacio. Purceo que cognu est a Justice que les terres et tenemenz dont cest peticioun fait mensioun, ove touz les appurtenantz, excepte la baronie de Cathir et Dromloman, sont destrus et desgastes par necligence des possessours dicelle, come cest peticon purport, et que lestatut deinz nomme, fait pur les terres et seignouries degastes etc., fut ratifie et conferme au Parlement darreinement tenu a Kilkenny, acorde est par le dit Justice et Conseille que le sup

Page 222

pliaunt eit touz lez terrez et tenemenz ove touz lour appurtenantez deynz contenus, excepte la baronie de Cathir et Dromlauman, solonc la tenur du cest peticiounP222A1 [P222A1] This and the two preceding words are cancelled in the original.223 dit estatut et du cest peticion, par lettres patentez notre Seignour le Roy souz son graunt seal en Irland, en due forme. Doune a Trym, le viij. jour Daverelle, lan notre Seignour le Roy Richard Seconde sesysme.

184

A.D. 1393.

James &c., a Chancellier Dirland, ou a son lieutenant, saluz. Comme nous aions done et grante a notre chere et bien ame clerc, Thomas de Everdoun, la provendre de Effynn en Leglise Cathedral de Notre Dame de Lymericke, que est void et appertient a douneison notre Seignour le Roy, a avoir ove toutz droitz et proffitz au dit provendre apartenantz et agardantz; soient ent pur le dit Thomas lettresP222A2 [P222A2] The contracted form is l̃ries, read l̃res, lettres.223 notre Seignour le Roy patentes faitz, en due forme. Doune a Trym, le xe jour de Averylle, lan &c.

Page 223

186

A.D. 1393.

A Justice et Conseille notre Seignour le Roy en Irland supplie Johan Dervos,P223A1 [P223A1] This name may also be read Dernos.224 que plese luy graunter chartre de pardoun de touz maneres dez tresonez, feloniez, et trespaces par luy faitez en contre la pees sibien laiel notre Seignour le Roy qorest come en countre la pees notre Seignour le Roy qorest, et axint dez utlagaries, si ascunez soient par celle causez en sa persoun pronunciez, et ceo de grace notre Seignour le Roy especial, et easyn fyn faire; consideraunt qil ad chartre de pardoun de south le seal de fraunchiez de Mithe en temps de Esmond de Mortymere jadys Counte del Marche, et puys le dit chartre purchace il ne trespassa rienz en countre la pees.

Page 224

indorsacio. Eit le suppliaunt chartre de pardon, solounc la tenour de ceste peticioun, par fyn de vynt souldz paiez en la Hanaper, et sur ceo soient luy faitz lettres patentez notre Seignour le Roy, en due forme. Doune a Trym, le xiiij. jour de Averelle, lan notre Seignour le Roy Richard Seconde seszisme.

Page 225

190

A.D. 1393.

Pleise a tresgraciouse Seignour Justice et a sage Conseille notre Seignour le Roy en Irland graunter, de grace le Roy especial, chartre de pardoun a William Pecoke de Drogheda, marchaunt, de touz manieres tresones, felonies et trespacez par luy faitz en contre la pees notre Seignour le Roy deinez la terre Dirland, dount le dit William est enditez, rectez ou appellez, et auxint dez utlagariez, si nullezP225A4 [P225A4] Sic in MS. for ullez.226 y soient pronunciez en sa persoun par ycellez causez; considerauntz, Seignours, est homme de boun fame et loial lige a notre

Page 226

Seignour le Roy, et si il soit enditez, il est par malice de sez malx veullanz, et ne my par juste cause.

indorsacio. Eit le suppliaunt chartre de pardoun solonc le tenour de cest peticioun, de grace le Roy especial, et au request de Sire Robert Suttoun, lieutenant du Chauncellere Dirland, par lettres patentez notre Seignour le Roy, en due forme. Doune a Trym, le xiij. jour Daveralle, lan notre Seignour le Roy Richard Seconde seszisme.

191

A.D. 1393.

A vous, Sire Justice et Conseille notre Seignour le Roy en Irland, supplie William Carlan de Ballyreghny, que pleise luy graunter chartre de pardoun de la mort Richard Waryn de Balysedoke par luy felonuesment occise, de grace le Roy especial, pur easyn fyn faire a notre Seignour le Roy, pur Dieu et eovre de charite.

indorsacio. Eit le suppliant chartre de pardoun par fyn de xl. souldz paiez en le Haneper notre Seignour

Page 227

le Roy en Irland, et sur ceo soient lettres patentez notre Seignour le Roy, en due forme. Doune [a] Trym, le xv. jour Daverelle, lan notre Seignour le Roy Richard Seconde seszisme.

192

A.D. 1393.

A vous, Sire Justice et Conseil notre Seignour le Roy en Irland, monstre Wauter Evere et William Carlelle, executours Johan de Carlelle, clerc, que comme les biens et chateux queux furent le dit Johan sont seisiz en la main le Roy, supposant que il fut acomptable et dettour a luy, sur quel les ditz Wauter et William suppliont, de grace le Roy especial, a eux granter les ditz biens et chateux en garde par souffisant seurte, issint que si trove soit par acompt en Leschequer notre Seignour le Roy en Irland que le dit Johan estoit dettour, donques gree sera fait en le dit Eschequer sur mesme lacompt, tanque a la value des ditz biens et chateux, par les ditz Wauter et William; et sur

Page 228

ce vous plese granter lettres patentes notre Seignour le Roy denquerer et arester et metter en garde touz ceux que ount asportez ou aloynez asqunez bienz ou chatelx que fuerunt le dit Johan jour de soun moriaunt, et eux garder en prisone tanque pleyn gree soit fait as ditz Wauter et Willyam, si quils purrount fair ent gree a Roy de ceo que a luy appertynt, par resone et ley; et ceo, pur Dieu et en oevr de charite.

indorsacio. Soient faites lettres patentes notre Seignour as suppliauntz solonc la tenour de ceste peticoun, en du forme, pur suffisant seurte a trover en la Chauncellerie de faire gree et paiment a Roy de tout ceo que Johan de Carlelle deinz escript, que Dieu assoille, est acomptable a notre dit Seignour le Roy en Lescheker, et de touz autres chosez aillonsP228A1 [P228A1] Sic in MS. for aillours.229 et en autre maniere par le dit Johan a temps de soun moriaunt dues et appertenans, par droit et resone.

Page 229

Doune a Trym, le xve jour de Averylle, lan notre Seignour le Roy Richard Seconde seszisme.

193

A.D. 1393.

A vous, Sire Justice et Counsaille notre Seignour le Roy en Irland, supplie Thomas G[ra]s, que comme les deux parties del manoire del […] roaP229A1 [P229A1] Perhaps Tuliaroan.230 […] ove les appurtenantes, ensemblement ov les […] les queux […] [Balli]namargh Johane sa femme avoit en dower […] ov les appurtenantes, les queux Johane […]

indorsacio. Eit le suppliant […] P229A2 [P229A2] This entry has been most carefully erased from the Roll, the above fragments only were recoverable by the application to the parchment of a solution of gallic acid.230

Page 230

194

A.D. 1393.

A Justice et Conseil notre Seignour le Roy en Irland suplie Milis Eveske de Clune, que com il fut assigne Justice notre Seignour le Roy es parties de Connaght ore tard, ove une compaynoun, et en sa alaunt par le dit pais, pur ceo que Walter Brymengham, Seignour de Anry, adounke Viceconte del dit pais, luy refusa de conductre, il convient a luy doner a une dez fitz Okelly x. li. dargent pur soun conducte, et, oultre ceo, il vivaunti de sez costages demesne en la dit pais par une dimi anne et plus, etre ceo que Thomas Bourke luy refressa, saunce nul regard de notre Seignour le Roy ne de nul de sez ministris; que plese luy grauntre ascune regard, ou vous plerra, en alegeaunce de sez grauntz annyez, costagez et perdis qil ad suffri pur notre dit Seignour le Roy.

indorsacio. Eit le suppliant dix marcz, en noun de regarde, de doun le Roi de sa grace especialle, pur la cause contenu deinz cest peticoun, et sur ceo luy soit

Page 231

brief de deliberate directe as Tresorer et Barons de Leschequer Dirland de luy ent faire paiement, en due fourme. Doune a Trym, le xv. jour de Averylle, lan notre Seignour le Roi Richard Seconde sezisme.

195

A.D. 1393.

A Justice et Conseille notre Seignour le Roy en Irland supplie Thomas de Everdoun, clerk, et Walter de Evre,P231A1 [P231A1] This name, which frequently occurs, may also be read Eure and Euere.232 que vous pleise lour graunter la garde de touz les terres et tenemenz queux feurent Walter Whyt en les countes de Mide et Dyvelyn, a tant come yscient es mayns notre Seignour le Roi, reddant ent par an lextent ent fait ou affaire a notre Seignour le Roi a soun Escheqer Dirland, et ce, pur le profit le Roi.

indorsacio. Eient les suppliantz la garde de touz les terres et tenemenz dont cest peticioun fait mensioun, solonc la purport dycelle, par sufficiantz suerte a tro

Page 232

ver en la Chancellerie de paier lextent ent fait ou affaire, et sur ce lour soient faitz lettres patentz notre Seignour le Roi, en due fourme. Doune a Trym, le xvj. jour de Averylle, lan notre Seignour le Roi Richard Seconde sezisme.

196

A.D. 1393.

A vous, Sire Justice et Conseille notre Seignour le Roy en Irland, supplent Thomas Talbot, comissionere notre Seignour le Roy, que comme il ad gayne divers rentez et proffittz a notre dit Seignour le Roy par soun boun et loyal diligens et laboure saunz rien prendre de notre dit seignour Roy unqore, que vous plese de votre gracious seignourie regarder le dit Thomas pur soun travaile issint fait a notre dit Seignour le Roy; eiant regard que, le soun regard pur soun travaille issint fait, le dit Thomas ferra tout ceo qil puit fair gayner profitez en boun maniere a notre dit Seignour le Roi a soun poair.

Page 233

indorsacio. Eit le suppliant c. souldz en noun de regard, de doun le Roy, a sa grace especial, pur la cause deinz contenue, ceP233A1 [P233A1] Sic in MS. for et.234 sure ce luy soit fais brief de deliberate dirit as Tresorer et Camberlayins de Leschequer en Irland de luy ent faire paiezment, en due fourme. Doune a Trym, le xvje jour de Avereille, lan notre Seignour le Roy Richard Seconde seszisme.

197

A.D. 1393.

Pleise a moun Sire, le Justice Dirland, graunter a Johan de Midiltoun, clerc, et Gardein de Chapelle de Benebrige, licence desouz le graunt seal notre Seignour le Roy en Irland, qil poet luy absentir de la terre Dirland par cynke anz prochein avenyre, et qil poet en le mesne temps recever lez issuez et profitz de la dit chapelle par cezP233A2 [P233A2] Sic in MS. for ses.234 attournez ou procuratour, entiers, saunz enpechement ou enpediment queconques, estatut ou ordinaunce queconquez fait en le contrery devaunt cez heurez nyent countresteaunt.

Page 234

indorsacio. Eit le suppliant licence de luy absenter de la terre Dirland par lespace de deux ans prochein amyrs,P234A1 [P234A1] Sic in MS. for avenir.235 solonc la tenur de cest peticioun, par lettres patentez notre Seignour le Roy, en due forme. Doune a Drogheda, le xxix. jour de Janver, lan notre Seignour le Roy Richard Seconde seszisme.

198

A.D. 1393.

A vous, Sire Justice et Conseille notre Seignour le Roy en Irland, supplie Johan Middultoun, Gardeyn de Chappelle Notre Dame sur le Pounte de SeimtP234A2 [P234A2] Sic in MS. for Seint.235 Benet el countee de Kilkenny en Irland, que come avaunt ces houres lez Irrois enemys sibien come Engleis malfessours ount passes et retournes par le dit pounte, et faitez plusours malx et damages as liegez notre Seignour le Roy cellez partiez come il est bien conuz a vous, tanque ore tarde qil y ad une toure comencez illoeqes entre le dit pounte adjoynaunt au dit chapelle, par le dit Johan et soun predecessoure, en destour

Page 235

baunce dez passagez dez avauntditz enemys et malfessours, a graunt profit et succour dez ditz liegez; que vous pleise de ceo aver consideracioun, et luy graunter licence de performyr la dit toure et toute laforcement qil purra sur le dit pounte, savaunt resonable passage illoeqes et chymyn as lieges le Roy par ycelle, et la dit toure et forteresse issint performyz tenyre a luy et cez successours, gardeynz illoqes, sanz enpechement de notre dit Seignour le Roy, cez heirs ou ministeres, par celle enchesoun.

indorsacio. Eit le suppliant licence de performyre la toure et toute laffortement dount cest peticion fait mensioun, savaunt resonable passage &c., et qil poet la mesme toure et forteresse ensy performyz tenir a luy et sez successours, sanz enpechement de notre dit Seignour le Roy &c., solonc la purport du cest peticioun, par lettres patentez notre Seignour le Roy, en due forme. Doune a Droghede, le xxixe jour de

Page 236

Averylle, lan notre Seignour le Roy Richard Seconde seszisme.

199

A.D. 1393.

A vous, treshonoure Seignour Justice Dirland, supplie le votreP236A1 [P236A1] The word suppliant seems to have been omitted here.237 Robert de Hereford, Chevaler, que vous luy pleise graunter la garde des touz les terres, tenemenz, rentz, reversions, fees de chevaleres, avowes des eglises, mariages, eschetes, et touz autres possessions, ove lour appurtenantz queux furent a Robert Berford ou a Henry Berford, soun frere, es countes de Mithe et Dyvelyn et aillours en Irland, a aver et tenir a dit Robert et ces assignes tanque come ils demoerrent en la mayn le Roi, rendant ent a notre dit Seignour le Roi lextent ent procheinement affaire a soun Eschequer en Irland; considerant que le dit Robert Hereford avoit de vous graunt les ditz terres et tenemenz pur lextent ent darreinement fait ou prochement affaire, par noun des touz les terres et tenemenz queux fuerent du dit Robert de Herford.

Page 237

indorsacio. Eit le suppliant touz les terres, tenemenz, rentz, reversions, fees de chevaleres, advoesons des eglises, gardes, mariages, eschetes et touz auteres possessions, ove touz lour appurtenantz, dont cest peticion fait mensioun, solonc la tenour et purport dycelle, par lettres patentez notre Seignour le Roi, en due fourme. Doune a Trym, le xj. jour Daverylle, lan notre Seignour le Roi Richard Seconde seszisme.

Page 238

202

A.D. 1393.

A Justice et Conseil notre Seignour le Roy en Irland supplie Nicholas Prene, que comme un Nichol Mody, qui fut Serjant notre Seignour le Roy en le croys de Mithe, est mort, et la dite serjantie ore est voide sans ascun serjant pur fere ascun office en icelle pour le Roy ou ascun autre, quelle chose est prejudice a notre dit Seignour le Roy et a chescune partie qui ascune office ad en icelle; que il vous plese, de votre graciouse seignourie, luy granter la dite serjantie pur

Page 239

resonable port ent rendre a Leschequere, comme avant ces heures ad este porte.

indorsamentum. Eit le suppliant loffice de la serjantie de crois en la contie de Mithe, au volunte du Roy, par souffisant seurte a troverP239A1 [P239A1] This and the four preceding words are interlined in the original.240 pur ent rendre au Rey le mesme port en Leschequer comme Nichol Mody rendist par son temps, par lettres patentes notre Seignour le Roy, en due fourme. Donne a Trym, le xije jour de Averylle, lan &c.

203

A.D. 1393.

A vous, Sire Justice et Conseil nostre Seignour le Roy en Irland, supplie humblement Edward Chesuldenne, que vous luy plese granter la garde de toutz les terres et tenemenz, ove lour appertenantes, en la ville de Flemyngtoun jouste Kentestoun, en la Countie de Mithe, es mains notre Seignour le Roy par certaines causes esteantz, et auxi un charu de terre ove les appertenantes en la ville de Curragh jouste Balregan,

Page 240

en la Countie de Louethe, en la main notre dit Seignour le Roy auxi esteant par cause que labbe de Seint Petre et Poul Darmagh est Irrois et demourant oveque eux sibien en temps du pees comme en temps de guerre, et avoir tanque les ditz terres et tenemenz et le dit charu de terre, ove lour appertenantes, demeurent en la main notre dit Seignour le Roy, pur lestent ent derrain fait.

indorsamentum. Eit le suppliant la garde de tous les terres et tenemenz et de la charu de terre, ove tous lour appertenantes, dont ceste peticion fait mencion, tanque comme ils demeurent en la main notre dit Seignour le Roy, pour lestent ent derrainement fait, solonc la tenour de ceste peticion, par lettres patentes notre Seignour le Roy, en due fourme. Doune a Trym, le xije jour Daverylle, lan &c.

204

A.D. 1393.

A Justice et a Counseille notre Seignour le Roy en Irland supply Johan Archevesqe Darmagh, Primat

Page 241

Dirland, que bone plese luy graunter licence qil poet aproprier et amortesier al Erchedekene Darmagh leglise de Seint Columbe de Clonmore en le counte de Louthe, que est de son patronnage, a avoir et tenir al Erchedeken qorest et a sa Erchedekenee et a sez sucessours a toutz jours, nient countrestaunt jacunz estatutz ou ordenaunces encountrarie faitz; considerantes que le dit Erchedekenee nest que de valu de x. marcz, et leglise susdit del valu de viij. marcz.

indorsamentum. Eit le suppliaunt licence que il poet apropriere et amortesir al Archedekenerie DamaghP241A1 [P241A1] Sic in MS., for Darmagh.242 lesglise de Seint Columbe deinz contenue, solunc la purpart de ceste peticion, par lettres patentis notre Seignour le Roy, en deu fourme. Doune a Trym, le xije jour de Averelle, lan notre Seignour Roy Richard Seconde sesizsme.

205

A.D. 1393.

Plese a moun treshonoure Seignour, le Counte Dormound, Justice Dirland, grantier a soun servant, Thomas

Page 242

Gower la garde des touz les terres et tenementz, qestoient a Richard White en Ardresse, en le conte de Kyldare, ove les apurtenantz, es mains notre Seignour le Roy par certeins causes esteantz, a avoir tanqome ils demourgent es ditz mains le Roy, pur ent rendre par an al Escheqier Dirland lestent ent darrein fait ou a proschein affaire, a les festes de Paske et Seint Michel, par owelz porcions.

indorsamentum. Eit le suppliaunt la garde des touz les terres et tenementz ove lours apurtenementz dont ceste peticioun fait mencioun, solonc la purport dycelle, par lettres patentz notre Seignour le Roy, en due fourme, et par suffisant seurte a trover en la Chancellerie de paier lestent ent darrein fait ou a proschein a faire. Doune a Trym, le primer jour de Averylle, lan du regne le Roy Richard Seconde xvjme.

206

A.D. 1393.

A vous, Sire Justice et Conseille notre Seignour le Roy en Irland, supplie Adam Taillour, Vicarie de Callan, que come une Willam Offolan, jadys servauntz le

Page 243

ditz Vicar, prist luy folonesment une chivalle, une haubryke, une pysane, et une basynet, pur quel il fuit prys, et convict de mesme la felonie; et par causis que mesmes les biens et chateux furrount troves en sa garde, furrounct ajuges forfes a Roy, et aprises a quarter marcz et demi, sur quey vient le dit Adam et fist fine a Roy pur les ditz biens et chateux a une marc; et puis apres une Johan Danyelle, Justice assigne en le counte de Kylkenie, pur avantage de Roy prist une enquest de la value des ditz biens et chateux, qeux fuirroint aprise par la dit enquest a viij. marcz, et le retourne en la court du Roy, et le ditz Adam ore est des avantdit viij. marcz enpeche par le summons de le Eschekere Dirlaund; que vous plese, de votre gracious seignourie, consederer le fine que il fiest pur la avandit biens et chateux, et luy dischager de avanditz viij. marcz, en eovre de charite, eiant regard pur le dit biens feuront les biens de dit supplient de vaundit felonie fait, come dit est.

Page 244

indorsacio. Eit suppliant touz les biens de William Offolan deinz nome, a notre Seignour le Roy foris faitz come deinz est contenue, fyn dune marcz appaier al Eschequer, et pur son bon service fait a Roy, et auxint par cause del fyn dune marcz quel il fist par de vaunt, et de autres causis compris deinz ceste peticioun; et pur ces soit brief fait as Tresurer et a Barouns de Leschequer comaundant a eux que, receux les dit fyns de deux marcz al oeps notre Seignour le Roy a dit Eschequer, facent le dit supliant estre dischargez, et, qu[a]nt envers notre Seignour le Roy, de la vilue et pris des biens le dit William, solonc purporte de ceste peticioun. Doune a Trym, le xiiij. jour de Aprille, lan de notre Seignour le Roy le seszime.

207

A.D. 1393.

Soit comissioun notre Seignour le Roy, souz soun graunt sealle en Irlaund, fait a noz bien amez Robert Evre et Thomas de Evertoun, clerc, de la garde de

Page 245

tous les teres et tenementez ove les appurtenantz en Athboy, Trymenetestoun et aultrez lieuz deinz le countie de Mide, quex feuerunt a Johan fitz et heire a Mounseignour William de Londris, Chivallere, a avoire tange ils demurgent es maynz le Roy, rendant ent a notre Seignour le Roy par an lextent ent primerment a fair a soun Eschequer Dirland, as festis de Pasche et Seint Michelle, par oweles porcions, et sur ceo soit briefe le Roy fait al Eschetour notre Seignour le Roy en Irlaund, ou a soun depute, de soi rien ent mellere, et ceo en deu fourme. Doune a Tryme, le terce jour Daprille, lan du regne notre Seignour le Roy Richard Seconde seszisme. A Chaunceller Dirlaund ou a soun lieutenant.

208

A.D. 1393.

A vous, Justice et Consaille notre [Seignour]P245A1 [P245A1] The word between brackets is wanting in the original.246 le Roy en Irlaund, supplie Thomas Tout, que come les dieux parties dez dieux partiesP245A2 [P245A2] There is probably a needless repetition here. The translation follows this supposition.246 del manoire de Port

Page 246

lester ov lez appurtenanz, ensemelment ove la reversion del terce partie du dit manoire, le quel Robert Hemmyngburghe et Johanna sa feme teynt en dower du dit Johanna, ensemelment ov la reversion del terce partie dez ditz dieux parties ov les appurtenant, les queux Johan Bremyngham et Johanna sa femme teynt en dower de dit Johanna, en le countie de Mithe, lez queux terrez et tenemenz sount seisiz en la mayn notre Seignour le Roy par cause del morte dune Thomas Nugent, fitz et here a Margret Vernoille, soer a Johan Vernoille jadys seignour dez ditz terrez et tenemenz ov les appurtenantz, les queux discendirent a dit Thomas Tout come fitz et heire Elizabet Vernoille, soer a Thomas Vernoille, Chevallere, pere le dit Johan, et le queux terrez et tenemenz ov les appurtenantz sont tenuz du Roger fitz et heire Esmond de Mortu mere, jadys Counte de Marche, come de soun chastelle de Trym, par service de chivalerie, come pleynement appeirt par une office pris devant Johan Aldelyme,

Page 247

Escheatour Dirlaund, et retourne en la Cauncellerie notre dit Seignour le Roy en Irland; que plese a votre tresgraceous seignourie comaunder le Chaunceller notre Seignour le Roy en Irlaund somer le dit office, et faier deliveraunce dez ditz terrez et tenemenz ov lez appurtenantz a dit Thomas Tuyt, come ley et reysoun demaundent.

indorsacio. Soit ceste peticioun envoie en la Chancellerie, et illeoques appelles le fremer des terrez et tenemenz deinz nommes, et le Sergant de la Loy notre Seignour le Roy, et touz autres que sont appellerez de et sour la matiere dont ceste peticioun fait mencioun, soit droit fait sibien pour le Roy come pur les partiz. Doune a Trym, le xvje jour de Averylle, lan notre Seignour le Roy Richard Seconde seszisme.

209

A.D. 1393.

A vous, Sire Justice et Conseil notre Seignour le Roy en Irland, supplient votres simples servantz RobertP247A1 [P247A1] Henforde has been cancelled here before Henbrige.248 Henbrige et Thomas Henbryge, que comme ils

Page 248

ont ontP248A1 [P248A1] Sic in MS.249 longement travaille en le service notre Seignour le Roy en ses guerres, et ont en icelles sustenuz divers grantz dammages et perdes sibien en chivaux comme en autres biens et harnois, en tres grant arerissement de lour povre estat; que vous plese, en recompensacion de ses dammages et perdesP248A2 [P248A2] The words sibien en chivaux comme en autres biens have been cancelled here as redundant.249 suzditz, et pur lours bon service fait a notre Seignour le Roy et afaire, lour granter la garde de touz les terrez et tenemenz queux furent Thomas Arondele en la ville de Droghda de la partie de Mide, ove les appurtenantes, en les mains notre Seignour le Roy par certaines causes esteantz, a avoir la dite garde ove les appurtenantes a terme de vynt anz, sans riens ent rendre a notre Seignour le Roy pour le dit terme.

indorsamentum, Eient les suppliantz toutz les terres et tenemenz dont ceste peticion fait mencion, a terme de xx. ans, sans rien ent rendre a notre

Page 249

Seignour le Roy, solonc le purport de ceste peticion, par lettres patentes &c. Doune a Trym, le xvje jour Daverylle, lan &c.

211

Vacat quia revocatum. A.D. 1393

A vous, Sire Justice et Conseylle notre Seignour le Roy en Irlond, supplie Thomas Snelle, clerk, que vous pleyse luy graunter chartre pardoun de touz manieres tresonez, felonyes et trespaces par luy faitz sibien encontre la pees le Roy Edward, aiel notre Seignour le Roy qorest, come encountre la pees notre dit Seignour le Roy qorest, et auxint de conspiraciez, confederaciez, champartiez, sedicions, faux alliauncez, deceitz, contemptez, necligencez, conselementez, extorcions, oppressionez, excessez et autres trespaces et feloniez qecumqez, et forfaturs de sez bienz et cha

Page 250

teux, si ascunes par lez causez suysditz a notre dit Seignour le Roy appartient, et dez utlagaries, si ascunez en sa person soient pronunciez par lez causez suysditz, et ceo, pur easy fyn faiere a notre dit Seignour le Roy; eiauntz regard, treshonrez Seignouries, qil est loyal liege a notre dit Seignour le Roy et de bon fame.

indorsamentum. Eit le supplient chartre de pardoun, solonc la tenour de cest peticioun, par fyn de xx. souldes paiez en le Haneper, et sur ce lui soient faites lettres patentz notre Seignour le Roy, en due fourme. Doune a Dyvelyn, le xxiije jour Daverylle, lan notre Seignour le Roy Richard Seconde seszisme &c.P250A1 [P250A1] This entry is cancelled in the MS.251

Page 251

213

A.D. 1393.

Pleis a vous, treshonuresP251A1 [P251A1] Sic in MS.252 Seignour, le Counte Dormond, Justice Dirland, ratifier approiver lestat droit et possessioun que votre clerk, Robert Mey, Parsoun del eglise de Balygarthe, ad en sa dit Parsonage, de grace le Roy especialle, et pur soun bon service a lui fait et affere.

indorsacio. Eit le suppliant ratificacion et confirmacion de lestat, droit et possessioun que il ad en sa Parsonage deinz escript, de grace le Roy especiale et au request de reverent pere en Dieu, Levesque de Mithe, par lettres patentz notre Seignour le Roy, en due fourme. Doune a Dyvelyn, le xxiije jour de Averylle, lan notre Seignour le Roy Richard Seconde seszisme.

214

A.D. 1393.

A vous, Sire Justice et Conseil notre Seignour le Roy en Irland, supplie Henry Stanyhurst, clerk, que vous plese luy granter la garde de une meis et demi,

Page 252

et quatouris acris de terre, ove lez appurtenauntz, qeux furrent Johan Lemman en Athyrde en la counte de Louthe, es mayns notre dit Seignour le Roy par certaynez causez esteantz, a avoyr tanque lez ditz terris et tenemenz ove lour appurtenauntz demeurent en la maine notre dit Seignour le Roy, pour lestent ent darreyn fayt &c.

indorsamentum. Eit le suppliant la gard du mees et demi, et quatorze acres de terre, ove lour appurtenaunce, dont ceste peticion fait mencion, tanque comme ils demeurent en la main notre Seignour le Roy, solonc la purport de cest peticion, par lettres patentz notre Seignour le Roy, en due fourme. Doune a Dyvelyn, le xxve jour de Averylle, lan notre Seignour le Roy Richard Secunde seszisme &c.

Page 255

APPENDIX.

Cotton. MS., British Museum, Titus B. XI. fol. 7, b.

De par le Roy.P255A1 [P255A1] The dates of this and the following document are fixed by the allusion to the Lieutenantship of the Duke of Gloucester, whose discharge is dated 23d July 1393. The Earl of Ormond continued to act as Lord Justice till Richard landed in person at Waterford, Oct. 2, 1394.256

[July 23, 1393.]

Reverent piere en Dieu et chere et bien amez. Nous vous faisons savoir que combien que notre trescher et tresame uncle, le Duc de Gloucestre, nadgairs ordenez notre Lieutenant en la terre Dirlande, feusse en bon volonte davoir venuz illoeques pur la sauve garde de mesme notre terre selonc les covenantes comprises en les endentures faites parentre nous et lui; nientmains par certeines causes que a ce nous moevent, tant pur lonur et profit de nous come pur lestat de tout notre roiaume, avons, delassent des grandes de mesme notre roiaume et des autres de notre Grand Conseil, deschargez notre dit uncle de la governance susdite. Et

Page 256

sur ce avons ordinez que notre trecher et foial cousin, le Conte de la Marche, se taillera de venir a mesme notre terre pur la governance et sauve garde dycelle, a plutost que faire se purra bonement, sanz nulle defaute. Si nous, considerants le peril et damage que purroient vraisemblablement avenir en le moien temps a notre dite terre, avons par tant deputes notre trescher et foial cousin, le Conte Dormond pur estre notre Justice illoeques, et envoions a present en confort de vous et de nosP256A1 [P256A1] Sic in MS.257 autres liges en celles parties un certeine nombre de gentz darmes et archiers en la companie de lonorable piere en Dieu, Lercevesque de Dyvelyn, li quel nous avons constitue notre Chanceller de notre terre susdite; et envoions aussi en sa compaignie, par notre ame Sergeant darmes, Johan Elyngeham, deux mille marcs pur estre deliverez a notre Tresorer illoeques, et despenduz sur la sauve garde de notre dite terre, par avis de […] ditz Justice et Chanceller et de vous, ensemblement ovec les revenues de notre terre susdite. Sur queles

Page 257

choses nous volons que vous donez ferme foy et creance a notre Chanceller avantdit; confiantz que, parmy la prudence et sage discrecion sibien de notre dit Justice come de mesme notre Chanceller et de vous, mesme notre terre serra myse en bone governance, si Dieu plest. Pur quoy vous prions cherement que vous soiez de bon comfort, et mettez vous peine et diligence, de tant come en vous est, que lestat de notre dite terre puisse estre sauvees et gardees, a lonur de nous; et ce ne lessez sicome nous nous fions entierement de vous; et si vous en saverons moult especialement bon gree. Done souz notre prive seal a notre chastel de Wyndesore, le xxiij. jour de Juyl.

Alonurable piere en Dieu Levesque de Mide, et a noz chers et bien amez le Gardein de notre Grand Seal, et a notre Tresorer et autres de notre Conseil en notre terre Dirlande.

Page 258

Ibid., fol. 6, b.

De par le Roy.

[July 25. 1393.]

Trescher et foial cousin, nous vous remercions dentier cuer de votre peine et diligence et loial service, que vous nous avez fait, et mys de votre propre voluntee, a la reverence de nous, entour la salvacion de notre terre Dirlande, a ce qui par relacion des gentz dignez de foi nous sumez certeinement enformez; et vous fesons savoir qui, pur certeines causez que a ce nous moevent, de lassent des grandes de notre Conseil, pur le bien et honour de notre roiaume, avons deschargies notre trescher et tresame uncle le Due de Gloucestre de la garde et governance de notre dite terre Dirlande; veullants que notre trescher et foial cousin le Conte de la Marche eit la dicte garde a plustost qui len pourra ordener pur son aler vers notre terre suisdite, par mesme la cause que serra le plus en haste, qui faire ce pourra bonement, sans nule defaute. Si nous, confiants de

Page 259

votre sage discrecion et prouesce et de lentier dileccion que vous portez envers nous, et a la salvacion de mesme notre terre, vous avons pertant ordenez et constitut destre en le moiene temps notre Justice illoeques, si come par nosP259A1 [P259A1] Sic in MS.260 letres patentes ent faits [a] vous, puise pleinement apparoir. Par quoi vous mandons, en priants que selonc poair a vous comys en celle partie faces de tant come en vous est, que parmy la discrecion et bon avys si bien de vous come de lonurable piere en Dieu Lercevesque de Dyvelyn, lui quel nous avons deputez notre Chanceler de mesme notre terre, et de lonurable piere en Dieu Levesque de Mide, et dautres de notre conseil illoeqes, la dite terre soit mys pur le temps en bon governance, a la salvacion dycelle et de lonour de nous, come nous nous fions entierment en vous; et si vous en savons molt especialment bon gree. Pur quele cause de governance

Page 260

nous envoions en la compaignie de notre dit Chanceller certein nombre de gentz darmes et darchers, ovesque deux mille marcs pur estre delivres par notre ame Sergeant Johan Elingeham a notre Tresorer Dirlande, et pur estre dispendus par avys de vous, et de notre dit Chanceller, et du dit Evesque de Mide, et dautres de notre Conseil: et volons auxi qui les revenues de notre terre susdite soient dispendues par mesme lavys tanque nous eons autrement ordenez en celle partie. Sur queles choses veullez doner ferme foi et creance a notre Chanceller avantdite. Done sous notre prive seal a notre chastel de Wyndsore, le xxv jour de Juylle.

A notre trescher et foial cousin le Conte Dormond.P260A1 [P260A1] A copy on paper of this document, in the same volume (fol. 242), the handwriting of which belongs to the end of the 16th century, is endorsed as follows, 25 Jul. an̄o […] R. 2: A letter from Kinge Richard 2 to the Erle of Ormond, ordayninge him therby to be lo. Justice of Irland. Copied out of the original.261

Page 261

COTTON. MS. TITUS B. XI., Fol. 3.

nformacion de credence pur le message envoiez a de credence pur le message envoiez a DE CREDENCE PUR LE MESSAGE ENVOIEZ A Engleterre depar le Gardein del terre Dirlande et par le Conseil illoeqes.P261A1 [P261A1] Thomas Holland, Duke of Surrey, half brother to Richard II., was appointed Lord Lieutenant July 26, 1398.–Lib. Mun. Hibn., part ii., p. 199. He landed in Dublin, on the 7th of the following October, and the mention of the soldiers who had been in his pay proves the date of this document to have been subsequent to that time. Richard came to Ireland in person on June 1st, and, on his return to England, landed at Milford 13th August 1399. From the allusions to Mac Murrough having continued the war after Richard's departure, and, to his having after a truce carried out his threat of renewing hostilities when Michaelmas was past and to the treasure carried back to England by Richard's faithful clerk, Maudeleyne, the date of the above document may be placed at the close of the year 1399, soon after Richard's deposition, and whilst Alexander de Balscot was Governor or Guardian of Ireland for two months after the accession of Henry IV. See Gilbert's Viceroys of Ireland, p. 292.262

[A.D. 1399.]

En primes, McMurghe comensa la guerre devant la venue du Roy, et apres son departir, tanque un parlement de tretee feust fait entre le Gardein et le Conseil del terre et le dit McMurghe, en quele le dit McMurghe demanda restitucion del baronie de Norraghe et paiement de son annuite de iiijxx marcs per an, ovek les arrerages, autrement il ne vodroit tenir la pees; et le Conseil, considerant le trouble et peril

Page 262

de greindre meschief, accorderent de paier a lui une somme de monoie pur les ditesP262A1 [P262A1] Sic in the MS.263 baronie de Norraghe et pur la dite annuite, tanque le Roy averoit certifie sa volente sil avera restitucion ou noun, et promistrent denvoier messages en Engleterre pur saver ent la volente du Roy; et McMurghe ad fait asseurance a sa femme que unques il ne serra a pees sil neit restitucion de ses terres, et, ensi, sil neit my restitucion de ses terres et annuite apres la Seint Michel. Le dit McMurghe est a overt guerre, et il est ore alez a Dessemond pur eider le Conte de Dessemond a destruir le Conte Dormond, sils purront, et apres retournir, ovek toute la poair qil poet avoir de les parties de Moumster, pur destruir la pais.

Item, porce que le Anelle est assemblez ovek tresgrant host des gentz sanz noumbre pur guerrir et destruir tout la paiis, sil neit livre de soun filz et ses cosyns et les autres hostages que sont en le Chastel

Page 263

de Devylyn, come luy estoit promis si come il dit. Soit sur ce ordenez de remede.

Item, pur ceo que les soldeours que feurent ovek Moun Sieur de Surry, Lieutenant Dirlande, sont ore hors de soulde, et departez hors des gages, et ensi sont nuls souldeours demurantz sur la defens de la terre, ne nulle monoie entre maines pur paier ascunes souldeours, ne pur faire relef encontre les enemis en ascune manere, qar le monoie que estoit illeoqes en les maines del dit Lieutenant pur la defens de la terre est portez en Engleterre par Maudeleyn et les esquiers que feurent envoyez pur ycelle; et combien qils feurent sovent requis par le Conseil illoqes pur paier et deliverer parcelle del dit monoye pur trover souldeours en defens et salvacion del dicte terre, nientmains ils soy escuseront, qils avont poair de rescevoir et nul poair de rien paier ne deliverer;P263A1 [P263A1] Some words are erased here in the MS.264 et en tiel manere la terre est en peril de final destruccion sil ne soit

Page 264

relevez et socourrez en hastif temps; parP264A1 [P264A1] The contraction for this word in the MS., is p̱.265 quoy soit ordinez remede.

Item, qant as autres matiers touchant lastat de la dite terre, fait assavoir que les Irrois enemis sont fortz et orguillous et de grant poair, et nul ordenance ne poairP264A2 [P264A2] This and the three preceding words are interlined in the MS.265 defaire resistence a eux, qare les marchers Englois ne sont my depoair, ne voillent chivacher sur eux sanz greindre poair paramont.

Item, les nacions Engleis qi sont rebelx en touz les parties de la terre, com lesP264A3 [P264A3] An erasure here in the MS.265 Butyllers, Powers, Gerardyns, Bermynghames, Daltons, Barettes, Dillons,P264A4 [P264A4] An erasure here in the MS.265 et les autres, qi ne veullent obeiere a la leye nestre justifiez, mes destruiont les povres gentz liges de la terre, et preignont lour vivre de eux et les desrobbent, etP264A5 [P264A5] This copulative seems to be redundant.265 voillent estre appellez gentillemen de sank et idelmen, la ou ils sont fortz larons, et ne sont my justifiez per la ley, et voullent prendre prisoners de les Engleis et

Page 265

faire greindre duresse a eux que font les Irrois enemis, et ce pur defaut de execucion de justice.

Item, outre ce les ditz Engleis rebelx sont de covyn ovek les Irrois enemis, et ne voillent displere a eux, et issint entre luns et lautres les loialx Engleis sont destruitz et a meschief.

Item, par la rebellion et faucyne des Engleis rebelx dune part, et par la guerre des Irrois enemys dautre part, le Roy ad nul profit de les revenues de la terre, pur ce que nulle execucion ne poet estre fait de la ley ne nul ministre nose faire, naler pur faire, execucion.

Item, pluseurs conteesP265A1 [P265A1] This and the two preceding words are interlined in the MS.266 que sont obeiantz a le ley ne sont my en les maines du Roy, fors les conteesP265A2 [P265A2] Sic in the MS.266 de Devylyn et partie del contee de Kyldare; qar le contee de Uriel, ovek loffice de Viscont et de Leschetor et ovek le fee ferme de Droghda, et touz autres profits, forfaitours, fees, gardes, mariages, fee fermes, custume, coket et touz autres choses sont donez as autres.

Page 266

Item, le contee de Mide est Franchise de Conte Paleis et donez as autres, et le Roy ad rien.

Item, le contee de Ulvester est Franchise et donez as autres, et le Roy ad rien.

Item, le contee de Weysford est Franchise del Sire de Grey, et le Roy ad rien.

Item, pluseurs autres contees sont Franchises de Conte Palois, que est prejudice et destruccion al Corone et al terre.

Item, le contee de Cork ovek toutes choses est donez as autres ovek franchises de Conte Palois.

Item, le contee de Typerarie est Franchise del Conte Dormond, et le Roy ad rien.

Item, de les contees de Carlaghe, Kylkenny, Waterford, Kery, Lymeryk, Conaght, Roscounon le Roy ad rien, pur defaut de obeisance et execucion de la ley, et par la rebellion et la guerre des enemis come de suis.

Item, le coket et custume et le fee ferme de Water

Page 267

ford est donez per xx ans a les Maire et Bailiffs de Waterford pur enclore la ville, et poy est fait.

Item, touz les profitz de la terre, si bien manoirs come terres, rentz et autres choses, que sont cleres ou dascune value, sont demandes et dones as autres, issint que nul profit vient al Escheqer pur paier les fees ne les charges nautres choses, la ou le revenues en temps passee soloient paier grant partie de les costages de la guerre.

Item, non obstant que les revenues sont ensiP267A1 [P267A1] This word is interlined in the MS.268 abatuz, pluseurs fees et anuitees sont donez si bien as Irrois, que amontont a tresgrant somme, comeP267A2 [P267A2] This word is interlined in the MS.268 as Engleis, en tresgrant charge importable del Escheqer; et issint les revenues et profitz sont tout abatuz, et les charges encressez, quels ne sont my possibles destre paiez, etc.

[In dorso.]

Item, qant a les ministers de Lescheqer, fait assavoir que nul Baroun est illoques apris de la ley, come grant boisoigne serroit.

Page 268

Item, les autres offices de Lescheqer sont malement occupiez per ceux qi ne sont my apris ne lettrez, ne nount nul conissance de leur offices, mes ont purchacez patentes de les dites offices pur covetise de les fees, et aussi ont en leur absence qi nount cure sils eient leur profitz et gaine. Cest assavoir les offices de Remembrancer, et loffice Chief Grosser, et loffice de Seconde Grosser, et autres, dount les greindre partie deux ne conussent my un lettre, boisoigne seroit qils fuissent gentz tresbien apris de leur office; et ensi il est grant mischief en celle partie.

Item, qant a loffice de Leschetour, les Eschetours soloient donir per an c marcs pur avoir et servir le dit office, et outre ce rest a Roy de les profitz et issues dicelle; et Leschetour ore prent per an del doun le Roy xlijli pur servir le dit office, etP268A1 [P268A1] The negative has probably been cut away here, as the MS. is close shorn at this side.269 profit en effect rende a Roy.

Page 269

Item, les custumes et cokectes Dirland soloient estre grante partie del substance de les revenues illoeqes, et ore poy vient a Roy porce que ascuns de eux sont deuez as autres, et le Custumer ad loffice de Collectour a terme de sa vie, et print per an lli, et poy vient a Roy.

Page 314

PETITIONS TO THE KING IN COUNCIL, No. 4,528,

Public Record Office, London.

Representations from the Lord Justice and council of ireland to the king.from the mention of the earl of desmond (p. 319 infra), this document cannot date before the creation of that earldom in 1329. maurice, first earl of desmond, was appointed lord justice of ireland for life in july 1355, but died in office on the 15th of the following january. but the mainpernors or bail mentioned do not refer to the office of lord justice, but to the sureties who had bound themselves some years previously for the future loyalty of earl maurice. these were the earls of ulster and ormonde, and twenty-four knights, whose recognisances were estreated, and the penalties levied with great rigour on all but the earls of ulster and ormonde and two others by the lord justice, sir ralph d'ufford, in 1346, desmond having refused to appear at the parliament held at dublin in june 1345, and summoned his fellow nobles to meet him at callan in kerry. the most probable date of this document is, therefore, about the latter end of the latter year. the writing is contemporary. council of ireland to the king.from the mention of the earl of desmond (p. 319 infra), this document cannot date before the creation of that earldom in 1329. maurice, first earl of desmond, was appointed lord justice of ireland for life in july 1355, but died in office on the 15th of the following january. but the mainpernors or bail mentioned do not refer to the office of lord justice, but to the sureties who had bound themselves some years previously for the future loyalty of earl maurice. these were the earls of ulster and ormonde, and twenty-four knights, whose recognisances were estreated, and the penalties levied with great rigour on all but the earls of ulster and ormonde and two others by the lord justice, sir ralph d'ufford, in 1346, desmond having refused to appear at the parliament held at dublin in june 1345, and summoned his fellow nobles to meet him at callan in kerry. the most probable date of this document is, therefore, about the latter end of the latter year. the writing is contemporary.ouncil of ireland to the king.from the mention of the earl of desmond (p. 319 infra), this document cannot date before the creation of that earldom in 1329. maurice, first earl of desmond, was appointed lord justice of ireland for life in july 1355, but died in office on the 15th of the following january. but the mainpernors or bail mentioned do not refer to the office of lord justice, but to the sureties who had bound themselves some years previously for the future loyalty of earl maurice. these were the earls of ulster and ormonde, and twenty-four knights, whose recognisances were estreated, and the penalties levied with great rigour on all but the earls of ulster and ormonde and two others by the lord justice, sir ralph d'ufford, in 1346, desmond having refused to appear at the parliament held at dublin in june 1345, and summoned his fellow nobles to meet him at callan in kerry. the most probable date of this document is, therefore, about the latter end of the latter year. the writing is contemporary. council of ireland to the king.from the mention of the earl of desmond (p. 319 infra), this document cannot date before the creation of that earldom in 1329. maurice, first earl of desmond, was appointed lord justice of ireland for life in july 1355, but died in office on the 15th of the following january. but the mainpernors or bail mentioned do not refer to the office of lord justice, but to the sureties who had bound themselves some years previously for the future loyalty of earl maurice. these were the earls of ulster and ormonde, and twenty-four knights, whose recognisances were estreated, and the penalties levied with great rigour on all but the earls of ulster and ormonde and two others by the lord justice, sir ralph d'ufford, in 1346, desmond having refused to appear at the parliament held at dublin in june 1345, and summoned his fellow nobles to meet him at callan in kerry. the most probable date of this document is, therefore, about the latter end of the latter year. the writing is contemporary.ouncil of ireland to the king.from the mention of the earl of desmond (p. 319 infra), this document cannot date before the creation of that earldom in 1329. maurice, first earl of desmond, was appointed lord justice of ireland for life in july 1355, but died in office on the 15th of the following january. but the mainpernors or bail mentioned do not refer to the office of lord justice, but to the sureties who had bound themselves some years previously for the future loyalty of earl maurice. these were the earls of ulster and ormonde, and twenty-four knights, whose recognisances were estreated, and the penalties levied with great rigour on all but the earls of ulster and ormonde and two others by the lord justice, sir ralph d'ufford, in 1346, desmond having refused to appear at the parliament held at dublin in june 1345, and summoned his fellow nobles to meet him at callan in kerry. the most probable date of this document is, therefore, about the latter end of the latter year. the writing is contemporary.ouncil of Ireland to the King.P314A1 [P314A1] From the mention of the Earl of Desmond (p. 319 infra), this document cannot date before the creation of that earldom in 1329. Maurice, first Earl of Desmond, was appointed Lord Justice of Ireland for life in July 1355, but died in office on the 15th of the following January. But the mainpernors or bail mentioned do not refer to the office of Lord Justice, but to the sureties who had bound themselves some years previously for the future loyalty of Earl Maurice. These were the Earls of Ulster and Ormonde, and twenty-four knights, whose recognisances were estreated, and the penalties levied with great rigour on all but the Earls of Ulster and Ormonde and two others by the Lord Justice, Sir Ralph D'Ufford, in 1346, Desmond having refused to appear at the Parliament held at Dublin in June 1345, and summoned his fellow nobles to meet him at Callan in Kerry. The most probable date of this document is, therefore, about the latter end of the latter year. The writing is contemporary.315

Circa A.D. 1345.

A notre Seigneur le Roi monstront voz Justice, Chaunceller, Tresorer, et autres de votre Conseil Dirlaunde, que come ils, desirantz votre profit faire, eient ordeine, et soient entour de faire plusours profitz a vous, ascuns qont este emblez de vous, et ascuns autres qont de long temps dormez par defaute des ministres cy, et ascuns pour cause des mandementz purchacez en Engleterre par fauses suggestions, mes ils entendont par tieux suggestions et brocages estre destourbez si vous meismes Seigneur ne y mettez eide et defens pour

Page 315

meismes voz ministres; et sont les articles touchez en ceste roule brevement dont les profitz sourderont.

Response. Le Roi etc.P315A1 [P315A1] The words Respons̃. Le Roi &c. are written in a different hand and ink from the rest of the document. There seems no reason why they should be inserted here, as they are formal expressions which usually come at the end of a petition or representation to the King in Council; the answer being that the King will consider.316

Premierement, par serche en Leschequer cy sont trovez diverses grosses summes de clere dette, que amontont a tresgrande summe, et qont reposez de long temps saunz proces de les lever, et plusours de meismes les dettes ont este respitez par voz mandementz hors Dengleterre, a grant damage de vous.

Item, releves dues a vous des heritages et terres tenuz de vous en Irlaunde, que amontont a une tresgrande summe, ne feurent vnqes demaundez ne levez en Irlaunde, et ceo moult pour defaute des sachantz ministres a grant damage etc.

Item, de voz custumes Dirlaunde, dont un des greindres profitz de votre terre devereit sourdre, vous avez

Page 316

este trop desceuz et damagez, pour defaute de garde de Custumers, et autres ministres a ceo deputez, et pour defaute auxint de votre Court Dirlaunde, qad nul temps passe covenable eide ne remede fait.

Item, le Chief Custumer ad la garde des custumes Dirlaunde a terme de vie, et prent de vous qatre vintz livres par an pour son fee, que amonte apoy a la value du remenant de voz custumes, sicome est tesmoigne, et qi ne demoert pas en la terre, ne se melle meismes riens de la dite garde, mes la resceyte de son fee nest pas oblye.

Item, les Eschetours Dirlaunde qont este, qi devereint acompter chescun an au maynz, ont rerement acomptez, et qi teignont comunement en lour mayns terres, forfaitures, eschetes, gardes, et autres, que escheont et sont prises en votre mayn, et ne sont chargez, sicome feust teismoignee, forsqe de les extentes queux ils font meismes, et pour votre grant profit si feust acorde par

Page 317

le Conseil cy, que la Justice et sa place enquerreynt, et extendereynt meismes tieux terres de novel en les countees ou ils passeroient, et ceo ont comencez en ascuns countees, ou ils trovent la value dycelles moult passant les extentes des Eschetours, et ascunes terres a double extente, et ascunes outre.

Item, homme entent que si ces deux offices soient bien ordeinez, sicome homme est entour, et bien gardez, saunz faire desturbance hors Dengleterre, que les profitz ent amonteront, bien pres, a la value de totes les rentes que vous prenez de voz terres et fermes des citees et grantes villes en Irlaunde retenues en votre mayn, et en cas a plus, si voz ministres chiefs et auters des places y mettent lour diligences et travaux, et ne soient destourbez, come desus est dit.

Item, les Fraunchises grantez en Irlaunde, que sont regales, tieles come Duresme et Cestre, vous oustont si bien de les grantz profitz come de grant partie de obeisance des persones enfraunchies; et en chescune

Page 318

Fraunchise est Chauncellerie, Cheqier, et conissance des Plees si bien de la Corone come autres Communes, et grantont auxint Chartres de Pardon; et sont sovent par ley et resonable cause seisez en votre mayn a grant profit de vous, et legierment restitutes par mandement hors Dengleterre a damage, etc.

Item, il semble bien pour le droit et le profit de vous et de votre corone, que vous facez commaunder a votre Conseil, que par nulles suggestions terres, fraunchises, offices, baillies, ou autres choses seisez par juste cause en votre mayn soient mises hors de votre mayn tanqe vous et votre Conseil par delea soiez ent par votre Conseil cy certifiez, qar tieux mandementz ont fait trop grant damage.

Item, la Court cy commence de faire proces pour destreindre ceux qi deivent faire hommage a vous, et nont pas fait, ou de faire fyn pour respit aver pour un brief temps; dont vos averez un profit, si ceo ne soit pas desturbe par mandementz hors Dengleterre.

Page 319

Item, endroit de les maynpernours le Counte de Dessemond, la Justice, par avys des Chaunceller et Tresorer ad comence de mettre la busoigne en oevre en manere come il feust chargez par le Conseil Dengleterre, de quele exploit vous et votre conseil serrez certifiez deinz brief temps.

Item, tut soit ce que vous eiez recoveri par jugement en votre Escheqier Dirlaunde devers le Priour de Lantony juxt Gloucester, qad larges possessions en Irlaunde, m.ccc.lx. marks, nyent mayns le dit Priour pursuyt en Engleterre par colourez suggestions de vous ouster de ceu profit; par qoi semble a votre Conseil pardecea de vous bien aviser avant que riens soit fait au contraire de cel jugement a damage de vous, et que vous pleise ent comander votre volunte, en excusacion de voz ministres cy, queux covient estre defenduz par vous; si votre dite terre cy, votre poeple, et vos busoignes deivent estre duement governez.

Page 320

Item, en votre Chauncellerie Dirlaunde il ny ad forsqe un Clere et un Clerionnet, mes nul de eux sciet riens que appent al Office du Roule, ne nule busoigne apoy que soit hors de cours exploiter en la place, ne brief duement faire, dont votre corone ad sentu trop grantz desheritesons et damages; et votre Chaunceller, qad porte uncore la charge des tieux briefs faire, ne pust cele charge ovesqe les auters charges qil ad entour voz grosses busoignes endurer, par qoi il busoigne que ascun sachant Clerc del Office du Roules, et de faire briefs de fourme a luy commaundez, soit hastivement envoiez en Irlaunde.

Item, en votre Eschequer cy ou les profitz de votre terre deivent estre levez, et vous ent respounduz, et moultz des grosses busoignes mayniez et jugez, il ny ad nul qi sciet le cours, ne lexploit, ne leide, ne discussion des busoignes que aperteignent a la dite place, dont vous et votre poeple avez este trop grevousement endamagez,

Page 321

par qoi il covient que ascun sachante persone de votre Eschequer Dengleterre soit hastivement envoiez cy, Baron, ou autrement par continuance des errours tresgrantz maulx et damages escherront.

Item, come ascuns se maynz bien en Irlaunde portantz, losengers et mentours, qi sont alafoiz chastiez cy pur lour mal port, passent sovent en Engleterre, et esclaundront voz Justice, Chaunceller, Treseror, et autres de votre Conseil cy, devers vous votre Conseil, et voz Courtes par delea; et ascunes lettres auxint des diverses gentz que demoeront en Engleterre sont envoiez par decea, confortantes diverses gentz que sont en dues empechementz cy pur lour mals portz, et a suggestions des susditz mentours et esclaundrours alafoiz briefs et lettres sont purchacez, en eide de tieux, en defesance de proces faire encontre eux; et par celles enchesons voz ditz Justice, Chaunceller, Tresorer, et autres voz ministres cy sont en partie rebukez, et les losengers comfortez, et votre poeple maynz

Page 322

a voz ditz ministres entendant: qil vous pleise commander estreytement que tieux mandementz ne soient legierment grantez, ne tieux mentors legierment cruz.

Item, pleise a vous Seignur commander votre volunte de ceo que serra fait de diverses ministres, ascuns acomptables, qi ont lour offices a terme de vie par commissions hors Dengleterre, et par colour des queux offices, issint a terme de vie, plusours mauls et damages sont avenuz si bien a vous come a votre poeple.

[In dorso] A notre Seignur le Roi.

Page 9999

End

This is a digitised partial version of an original work in the public domain. See General Conditions of the Anglo-Norman On-Line Hub for rights information concerning this electronic version