Page 7

                   [28r] Issi comence le livre de herberie en franceis qi est apelé Cir[c]a Instans

                   [A]loe si est c[haud] et s[ec] en le secound degré. Aloe si est le jus de
                   une herbe q’est apelé aloen, que crest en Ynde et en Perce et en Grece.
                   Il y ad .iii. manere de aloe, c’est assavoir aloe citrin, aloe epatic, aloe
               5  caballin. En tiele manere est aloe faite: l’en prent le jus de aloen et le fait^L5 [L5] rej  fait] funt8
                   boillir, puis ensechir au solail, et cel q’est desus est appelé aloe citrin, et
                   cel q’est en my lieu si est appelé aloe epatic, et cel q’est a founz si est
                   appelé aloe caballin. Mes ceo est faus, n’est pas issi. Nus vous diums que
                   ceux sunt diverses herbes en manere et en bounté de les queles .iii. ma-
             10  nere de aloe sunt fait sicum diverses grapes sunt en bounté que vienent
                   de diverse viegne. Le bon aloe citrin si ad la culur citrin ou ruge, et
                   quant vous la brisez, la poudre resemble a la poudre de saffran et si est
                   clere. Aloe epatic si est aukes neir et si ad la culur cume feye et ele n’est
                   pas clere. Aloe caballin si est neir et oscur et puant et amer et de orible
             15  odur.

                   Pur purger fleume, pur malencolie. Aloe si ad la vertu de purger la fleume
                   et de ennettir la malencolie.

                   Pur conforter les membres nervous. Et conforte les membres nervous et^L18 [L18] rej  Et conforte] a conforter8
                   destruit la superfluité de freid humurs en l’estomac et enclersist la veue
             20  et evere la opilaciun de la feye et de l’esplien. Aloe si est bon pur le ma-
                   riz et pur roigne et fait homme de bon colur qi ad perdu sa colur pur
                   maladie. Et si est bone pur un maladie qi est appelé alopucia.

                   Pur l’estomac. Item aloe si est bon pur l’estomac en tiele manere: per-
                   nez .ii. drammes de aloe et une de mastic, si le braez ensemble et le
             25  boillez en vin blanc, si en bevez, kar ceste chose conforte l’estomac et fait
                   bone digestiun verreiment.

                   Pur la foye, pur l’esplien. Item aloe si est bon pur opilaciun de la foie et
                   de l’esplien en tiele manere: faites une decoctiun de les racines de fenoil
                   et de ache et de persiel et de sparge et de brusk et metez a tout .ii.
             30  drammes ou .iii. de aloe et une dimye livre de mastic. Et mangez de ceo
                   deux foiz ou .iii. la symaigne, si serrez garri. Et sachez que ceste decoc-
                   tioun si feet venir le menstrum.

                   Pur livor des oiz. Item aloe destempré ov miel destruit la livor desuz les
                   oiz feru de cop.

Page 8

             35  Pur dropesie, pur lumbriz. Item aloe si est bone pur ydropesie et pur
                   lumbriz en le ventre en tiele manere: pernez une dramme de aloe et
                   dimy dramme de mastic et demy unce de jus de aloigne, mangez de ceo
                   matyn deux foitz la simaygne, kar ceste chose gard le corps de ydropesie
                   a comencement et destruit lumbriz en le ventre.

             40  Pur gute artetike. Item aloe destempré ov le jus de gletonere si est bone^L40 [L40] rej  artentike9
                   pur gute artetike.

                   [28v] Aloe si est bon:
                   Pur les membres nervous
                   Pur la superfluité de freide humurs
             45  Pur enclarsir la veue
                   Pur opilaciun de la foie
                   Pur opilaciun de l’esplien
                   Pur mal de mariz
                   Pur roigne
             50  Pur alopucia

                   Lignum aloes
                   Lignum aloes si est c[haud] et s[ec] en le secound degré. Lignum
                   aloes si est trové en le grant flum de Babiloygne que joint a flum de Para-
                   dis. Les uns dient q’il vient de les arbres de Paradiz terestre, mes nul
             55  homme ne vit unques la nessance de cel arbre. Les uns dient que cel
                   arbre crest en les hautes montaignes de desert, et par vent ou par
                   veillesse cheount en le flum, et les pessoners le pernont ov lur raiz, si la
                   portent a nous. Il i ad .iii. maners de lignum aloes. Le primer si est bon
                   et mult peisant et plein de nous et mult fleyrant et auques amer et
             60  auques neyr ou ruge. Vous nel poez pas atamer de voz denz et quant
                   vous la machez, la fleirur an mounte au cervel. Le secound si est meins
                   peisant et ne mye si amer ne si fleirant. Le tierz si est blanc et mult legir,
                   n’est pas amer, mes est de nule savour ne fleirant ne bon a nul artifice.
                   Lignum aloes si conforte l’estomac et fait bone digestiun et conforte le
             65  quoer et le cervel et est bon pur cardiacre et pur syncope et pur retenciuns
                   de maris et pur chescune maladie de feblesce de quoer.

                   Pur l’estomac refreidi. Item lignum aloes quit en vin fait bone digestioun
                   et conforte l’estomac refreidi.

                   Pur cincope, pur le cervel. Item lignum aloes si est bon pur cincope et
             70  feblesce de cervel en tiele manere: faitez un cirop de ewe rose et de la
                   poudre de lignum aloes et de os de quoer de cerf et de clo de gilofré et
                   metez a tut sucre, si en bevez.

Page 9

                   Or, la vertu d’or
                   Aurum, or, si est le plus entempré metal de touz metaux. Or si est
             75  chaud entemprement. Or si est une veyne de la terre et est fait par excoc-
                   ciun.

                   Pur conforter, pur purger. Or si ad la vertu de conforter et de purger.

                   Pur lepre, pur cardiacre, pur sincope, pur l’esplien. Or si est bon pur lepre
                   et pur cardiacre et pur cincope et pur l’esplien et pur la superfluité dé
             80  humours en tiele manere: pernez la limure d’or et la poudre de os de
                   quer de cerf [29r] et le jus de borage, si en bevez, car cest est durement
                   bone chose pur lepre et pur cyncope. Or desteint en vin, cel vin si est
                   bon pur l’esplien. Et auxi est acer desteint en vin.^L83 [L83] rej  vim10

                   Vif argent
             85  Argent vif si est c[haud] e moiste en le quart degré.

                   Dissout, trenche, perce. Argent vif si ad .iii. vertus: il dissout et trenche et
                   perce. Argent vif si vient de la terre tiel cum il apirt cum ewe coraunte.
                   Lungement pout estre gardé en lieu freit en un vessel bien tenant.

                   Pur poiz. Argent vif si est bon pur poiz en la teste en tiel manere: per-
             90  nez la ferine de lupins ameres et les boillez en fort vinegre q’il soit espés
                   et metez a tut dimy unce de argent vif desteint ov vostre salive, puis mellez
                   le bien ensemble et en oygnez la teste en la greve, si serrez garri.

                   Vif argent. Argent vif serra desteint ov vostre salive, autrement ne mel-
                   lireit a nul oignement. Et sachez que l’en ne deit pas mettre vif argent a
             95  nule chose qi est chaude de feet pur ceo q’il devient afumee. Et la fumee
                   nuyt a les esteanz entur et remolit les nerfs et norit palesie. Et si vous le
                   recevez par la bouche ou par les narils, ceo fait paumeson et mortifica-
                   ciun de membres. Et si vous avez receu vif argent par la bouche, bevez
                   grant quantité de leet de chivre, si serrez garri. Ou bevez ysope et
           100  aloygne quit en vin.

                   Pur roigne. Item vif argent est bon pur roigne en tiel manere: pernez
                   oille de noiz, si la chaufez un petit, puis metez a tout vinegre et litarge et
                   ceruse par owele porciun, boillez le bien q’il soit espés, puis faites le
                   refreidir et metez a tout vif argent desteint en vostre salive et mellez bien
           105  ensemble, si vous enoignez.

                   Pur enblanchir la face. Item vif argent si est bon pur enblanchir la face
                   en tiele manere: pernez ceruse et gresse de chapun et vif argent desteint
                   ov vostre salive, mellez le bien ensemble, si enoignez la face de ceo bien
                   sovent.

Page 10

           110  La vertu de alum
                   [A]lum si est c[haud] et s[ec] en le .iii. degré. Alum si est une ma-
                   nere de terre solum une gent. Et les autres dient que c’est une veine de
                   la terre qe pur la grant decocciun de chaline devient blanc. Alum si est
                   trové en chaude regiun et nomeement en les leus soffros. Le blanc si est
           115  le meillur. Et cel q’est puant et terous n’est pas bon. Lungement sanz
                   corrupciun pout est[re] gardé.

                   A degaster et ensecchir, pur la superfluité de char en palpebres. Alum si ad la
                   vertu a degaster et a ensecchir et destruit la superfluité de char en les
                   paupebres ou en autre membre verrement.

           120  Pur plaie, pur farcin, pur festre, pur cancre. La poudre de alum si garist
                   mauveise plaie, si [garist] farcim et kancre et festre en tiele manere:
                   enoygnez [29v] le mal de mel ou de vinegre en avaunt, puis metez la
                   poudre de alum sure.

                   Pur emflure des gensives, pur gensives encancrees. Item alum si est bon pur
           125  emflure de gensives et pur les gensives enkancrees en tiele manere: lavez
                   la bouche de vinegre et puis frotez la bouche de vinegre et de alum, mes
                   faitez le ventoser en avant ou gerser entur le col ou entur les espalles ou
                   derire la teste. Le tierz jour aprés le gerser lavez la bouche ov alum et ov
                   galles et ov roses quit en vinegre, lavez la bouche .iii. fiez ou .iiii. le jour
           130  de cel vinegre .iii. jours, kar ceo mult vaut.

                   Pur les denz malades, pur cancre en bouche. Item mellez mel et vinegre
                   ensemble et lavez la bouche de ceo, kar ceo conforte les denz malades et
                   destruit le kancre corant en la bouche.

                   Pur roigne. Item alum si est bon pur roigne en tiele manere: boillez
           135  suffre vif et alum et litarge en vinegre, hostez le suffre vif, si vous voeillez,
                   et metez i de l’oille, si vous enoignez, si serrez garri.

                   Ache, la vertu de ache
                   [A]che si est c[haud] en le commencement del .iii. degré et sec en mi
                   lieu de cel degré. La semence est de greinur vertu et puis la racine et
           140  puis la herbe. Et quant vous trovez ache en nule receite, vous prendrez la
                   semence ache, si est diuretic.

                   Pur opilacion de la foye et de l’esplien. Ache si est bon pur opilaciun de la
                   foye et de l’esplien en tiele manere: pernez saxifragie et gromil et filipen-
                   dula et boillez en jus de ache, puis colez et metez a tout sucre et faitez un
           145  cirop de ceo et bevez de ceo matyn, kar c’est bone pur opilaciun de l’es-
                   plien et de la foie.

                   Pur ydropesie. Item ache si est bon pur ydropesie en tele maniere: per-
                   nez la racine de fenoil et de persiel et de ache, boillez les en le jus de
                   fumetere et metez a tout sucre et faitez un cirop, si en bevez, kar cest

Page 11

           150  degaste la fleume de deuz maners de ydropesie, ceo est assavoir leuco-
                   flancia et yposarcha.

                   Pur ydropesie. Item autre manere pur ydropesie: pernez une livre de
                   jus de ache et dimy livre de scariole et un unce de mastic, boillez tout
                   ensemble, puis le colez et metez a tout sucre et faitez un cirop, et quant il
           155  est pres quit, metez la poudre de esele deus unces ov demy unce et reu-
                   barbe et bevez de ceo matyn, si serrez garri.

                   Pur freneseye. Item ache si est bon pur frenesye en tiele manere: pernez
                   le jus de ache et de agresta et vinegre et oille rosat, boillez ceux choses
                   en un vessel de verre, puis enoignez la teste de pacient ov cel oille chaud,
           160  mes faites rere la teste en avant.

                   Pur plaie. Item ache si est bon pur plaie en tiele manere: pernez le jus
                   de ache et lessez reposer jur et nuyt, puis hostez [30r] le ewe qe flote
                   desus et pernez les espés desouz, puis pernez atant de mel et le aubiun
                   de l’oef et flur de furment, mellez tout ensemble, puis metez cel em-
           165  plastre sus un clutet et puis sus la plaie, si serrez garri. Et sachez verree-
                   ment que ache nuyt a femme enseinte pur ceo q’il dissout par sa vertu la^L166 [L166] rej  enenseinte12
                   retinale de l’enfant.

                   Item ache nuyt a l’epilentis pur ceo q’il dissout la materie a action et
                   mult amunt.

           170  Item ache nuyt a enfanz letans pur la multitudene de humurs, et pur
                   la feblesce de vertu il est apparaillé a epilencee.

                   Item ache nuyt a les letanz, car ele fait aver epilencie. Et sachez q’il y
                   ad .iiii. manere de ache, ceo est assavoir ache commun, ache de raynes,
                   apium risus, apium emoraidarum.

           175  Apium ranarum, la vertu de apium ranarum
                   Pur dolur des raines. Apium ranarum quit en vin ou en oille emplastré
                   a reins et al penoil relesse la dolur dé reins et aswage la strangurie, et pur
                   ceo est ele appelee ache au reins pur ceo q’ele aide au reins ou ache dé
                   raynes pur ceo q’ele crest en lieu ou raines habitont.

           180  Apium risus, la vertu de apium risus
                   Pur l’esplien. Apium risus si est bon pur l’esplien en tiele manere:
                   pernez apium risus, si la metez en vin ou en oille a porir, puis le boillez
                   et primez parmy un drap et metez a tout cire. Cest oignement si est bon
                   pur l’esplien. Ele est appelé apium risus pur ceo q’ele purge la malenco-
           185  lie [et] pur ceo qe l’esplien fait rire.

Page 12

                   Apium emeroidarum, la vertu de apium emeroidarum
                   Pur les emeraudes. Item apium emeroidarum [si est bon] pur les eme-
                   raudes en tiele manere: boillez le en vin et faitez un emplastre de ceo et
                   metez a nages, car cele emplastre ensecchist les emeraudes enflees; ne
           190  metez mye cel emplastre qant il corent.

                   Item pernez apium emeroidarum, si le ardez a poudre, puis mellez
                   cele poudre ov mel, si metez sus les emeroides, si serrez garri.

                   Anet, la vertu de anet
                   [A]net si est c[haud] et s[ec] en le second degré. C’est une herbe, et
           195  la semence si est bone principaument a medicine et puis la racine et puis
                   la herbe et quant vous trovez anet en nule receyte, vous prendrez la
                   herbe, vous devez quilir en ver la semence et ensecchir en le herbe. .iii.^L197 [L197] rej  uous la deuez13
                   aunz pout estre gardé en sa naturele bounté, mes mieuz vaut q’ele soit
                   renovelee chescun an. La racine rien ne vaut, la herbe si est diuretike.

           200  Pur corrupcion, pur inflacion, pur vomit. Anet si est bon pur corrupciun
                   et inflacion et destreint naturel vomit de viaunde en l’estomac.

                   Pur sangluter, pur fere dormir, pur ameurer apostemes, pur dolur de la teste.^L202 [L202] rej  sanglauter13
                   Anet si est [30v] bon pur sangluter. Ele fait dormir et ameure apostumes.
                   La flur de anet quit en vin si est bon pur dolur de la teste.

           205  Pur le piz, pur les ameraudes. Anet si est bon pur le piz et pur les eme-
                   raudes en tiele manere: pernez la poudre de anet et de ortie et le confi-
                   sez ov mel et en oignez les emeraudes de ceo.

                   Affodillus, la vertu de affodilles
                   [A]ffodillus, centchif idem est, c’est une herbe c[haude] et s[eche]^L209 [L209] rej  cest] cest est13
           210  en secund degré. Ses foilles sunt semblables a les foilles de porez. La
                   racine vaut mieuz a medicine qe la foille et vaut mieuz verte qe secche.
                   Ele est diuretike. Ele a vertu a degaster et a ensecchir et attrere.

                   Pur les chevoux, pur la morfee. Ele est bone pur la morfee et pur les
                   chivoux qe cheunt en tiele manere: pernez os, si les ardez a poudre, puis
           215  mellez cele poudre ov le jus de affodeles et enoignez la teste de ceo en la
                   morfee.^L216 [L216] rej  morsee13

                   Pur ydropesie. Item affodillus si est bon pur ydropesie en tiele manere:
                   pernez la escorce de sambuc et de filipendula par ouele porciun .iii. unces, faites le boillir en .iiii.
                   unces de jus de affodilles et bevez.

           220  Aeil, la vertu de aeil
                   [A]eil si est c[haud] et s[ec] en my lieu del quatre degré. Et sachez
                   q’il i ad deuz maneres de aeil, ceo est assavoir damesche et sauvage. Le

Page 13

                   sauvage si est appelé scordion; il n’est pas si chaud cum le damesche.
                   Nus usoms les testes de l’aeil dameche.

           225  Pur venim. Aeil si ad la vertu a degaster et a dissoudre et a debotir
                   venim. Et sachez qe aeil nouit al coleric et est bon al fleumatic et al
                   pa[r]latic.

                   Aeil si est bon pur morsure de bestes envenimoses en tiele manere:^L228 [L228] rej  si] sit14
                   pernez aeil, si le braez et enplast[r]ez sus le mal et bevez le jus, car ceo
           230  enchace le venim, et pur ceo il est appelé ‘enchace-venim’ et ‘triacle a
                   vilains’.

                   Pur lumbriz. Item aeil si est bon pur lumbriz en le ventre en tiele ma-
                   nere: pernez aeil et peivre et persiel et mentes et vinegre et faites de ceo
                   sause, si mangez vostre viaunde de cele sauce.

           235  Pur stranguré, pur dissuré, pur dolur de flanc. Item aeil si est bon [pur]
                   strangurie et dissurie et pur dolur de flanc en tiele manere: braez le aeil,
                   puis le boillez en oille et faitez un enplastre de ceo et metez al penoil et
                   entur la verge et la ou la dolur est, car ceo mult vaut.

                   Pur la morfee. Item aeil si est bon pur la morfee en tiele manere: gersez
           240  la morfee en avant, puis braez aeil et frotez le bien et metez la emplastre
                   sure. Et sachez verreement qe aeil noit a la veue et a tout le corps si vous
                   le [31r] mangez outre mesure, kar il ensecchist trop et norit lepre et
                   apoplezie et mult d’autre maus.

                   La vertu de acorus
           245  [A]chorus si est c[haud] et s[ec] en le secund degré. Acorus si est la
                   racine de glajole qe ne crest pas en lieu solement ewous, mes fet en mon-
                   taignes et en lieuz seks.

                   Pur les costes, pur les oiz. Acorus si est bon pur dolur des costeez et de la
                   foye et del piz. Le jus de cele racine si ennettit les oiz. Acorus deit estre
           250  quili en le comencement de esté, puis le mondez et le devisez en .iii.
                   parties et hostez la superfluité dedenz, puis ensecchez le acuntre le solail
                   qe si vous ne fessez issi, il purrireient en avant q’il ensechireent. Un an
                   pout estre gardé en sa naturele bounté.

                   Pur l’esplien, pur la foie. Item achorus si est bon pur duresce de l’es-
           255  plien et de la foye si ele est quit en vin.

                   Pur le jauniz. Item achorus si est bon pur le jauniz si vous la boillez en
                   ewe et metez a tout cicer rubeun [sic].^L257 [L257] rej  cider14

                   Pur la teye. Et achorus si est bon pur la teye en le oyl.

Page 14

                   Gumme de un arbre, armoniac, la vertu de armoniac
           260  [A]rmoniac si est c[haud] en le .iii. degré et s[ec] en le secund. Ar-
                   moniac si est une gumme de un arbre qe issi est appelé.

                   Pur l’esplien. Armoniac si est bon pur l’essplien endursi et pur la foye
                   en tiele manere: faitez une emplastre de armoniac et de vinegre et metez
                   sus l’essplien.

           265  Pur la tusse, pur asma. Item armoniac si est bon pur la tusse et pur une
                   maladie q’est appelé frigida asma en tiele manere: bevez deuz gutes ou
                   troiz de armoniac en mel.

                   Pur scroffler [sic]. Item armoniac si est bon [pur] scrofles.

                   Anise, la vertu de anise
           270  [A]nise si est c[haude] et s[ecche] en le .iii. degré. Il est appelé co-
                   min douz. Anise si est une semence de une herbe q’est issi appelé. Anise
                   si ad la vertu a dissoudre et degaster.

                   Pur ventosité, pur indignacion. Anise si est bon pur ventosité et indigna-
                   cion en tiele manere: faitez une decoctiun en vin de anise et de coste et
           275  de mastic et metez a tout la poudre de canele, si en bevez.

                   Pur dolur dé boueaus. Anise si est bon pur dolur dé boueaus quit en vin.

                   Pur dolur des orailles. Anise si est bon pur dolur de les orailles qe vient
                   de freidure quit en le jus de porez et en oille et mys en les orailles.

                   Pur mal de mariz. Anise si est bon pur mal de mariz qe vient de frei-
           280  dure si vous la donez ov trifera magna ou la decoctiun de anise.

                   Pur la foie, pur l’esplien. Item la decoctiun de anise ov les herbes diure-
                   tikes si est bon pur opilaciun de la foye et de l’esplien.

                   Pur livor en la face. Item anise est bon pur la livor en [31v] la face ou
                   entur l’oil feri de cop en tiele manere: braez anise et comin ensemble et
           285  melez ov cire, si metez sus le mal.

                   Pur leet, pur sperma. Item anise fait aver plentee de leet a la norice si
                   ele le beit sovent et la nature de homme qe est sperma.

                   Aloygne, la vertu de aloigne
                   [A]loigne si est c[haude] en le primer degré et s[ecche] en le secund
           290  degré. En la fin de ver deit estre quilli et en umbre ensecchi. Un an pout
                   estre gardé en sa naturele bounté.

                   Pur lumbriz. Aloigne si est bone pur lumbriz en le ventre en tiele ma-
                   nere: bevez le jus de aloigne ov la poudre de betoigne ou de centoire ou
                   de persicarie.

           295  Pur la foye. Item aloigne est bon pur opilaciun de la foye et de l’ess-
                   plien de froide cause en tiele manere: bevez le jus de aloygne ov la
                   poudre de coste.

Page 15

                   Pur le jauniz. Item aloigne si est bon pur le jauniz si vous bevez le jus.

                   Pur dolur de la teste. Item aloigne si est bon pur dolur de la teste qe
           300  vient de fumoseté de l’estomac si vous bevez le jus de aloygne quit en
                   mel.

                   Pur son en les orailles. Item aloigne si est bon pur soun en les orailles en
                   tiele manere: pernez le fel de tor et mellez ov le jus de aloigne et metez
                   en les orailles.

           305  Pur duresse de l’esplien. Item aloygne si est bon pur duresce de l’esplien
                   en tiele manere: faitez une emplastre de aloygne quit en oille, et metez
                   sus le esplien. Ou faitez un oignement de soun jus et de vinegre et de
                   armoniac et de cire et de oille, puis enoygnez acuntre le solail ou acuntre
                   le fieu.

           310  Pur livor de membre. Item aloigne si est bon pur dolur et livor de
                   membre feru de cop en tiele manere: pernez le jus de aloygne et la
                   poudre de comin et mel et cire, boillez tout ensemble et faitez un em-
                   plastre de ceo et metez sus le mal.

                   Pur esclarsir la veue. Item bevez le jus de aloigne, et ceo enclarsist la
           315  veue des oyz verreement.

                   Pur la teye en le oyl, pur rugure dé paupebres. Item le jus de aloigne des-
                   trut la teye en le oyl et la rugure en les palpebres si vous le metez dedenz.

                   Item metez aloigne en vostre huiche entre voz draz.

                   Alemandes, la vertu de alemandes
           320  [A]lemandes sunt de deuz maners, c’est assavoir duces et amieres.
                   Les duces sunt bones a manger, les amieres sunt bones a medicine. Ale-
                   mandes amieres sunt c[haudes] et s[ecches] en le secund degré.

                   Pur asma, pur la tusse. Alemandes sunt bones pur une maladie q’est
                   appelee asma et pur la tusse en tiele manere: faitez lé braer en un mortir
           325  et metez a tout sucre et faitez gruel de ceo et mangez.

                   Pur surdesse. Item alemandes sunt bones pur surdesse en tiele manere:
                   braez les alemandes, pus metez les entre deuz foilles entre les chaude
                   breises a quire, puis primez les bien et le oille qe en ist metez en lé
                   orailles, car cel oille destruit le mauveys [32r] humurs qe desturbe la oye.

           330  Pur quiture en le oraille. Et cel oylle si est bon pur la quiture qe en ist de
                   l’oraille.

                   Item ce oille si est bon pur lumbriz en le ventre en tiele manere:
                   confisez la viaunde ov cel oille et de la ferine de lupins ameres et mangez
                   de ceo.

Page 16

           335  Ambre, la vertu de ambre
                   [A]mbre de balayne si est c[haud] et s[ec] en le secund degré.^L336 [L336] rej  et] en17
                   Ambre si est la nature de balayne qant il assemblunt et le malle l’espaunt
                   en grant quantité et devient blanc et espés et si est trové ver le occident.
                   Ambre de balayne si ad la nature de conforter. Lungement pout estre
           340  gardé.

                   Pur cincope, pur apoplezie. Ambre si est bon pur une maladie q’est ap-
                   pelé cyncope et pur apoplezie en tiele manere: pernez ambre et le os de
                   quer de cerf, metez en un vessel de verre sus les charbouns et recevez la
                   fumee par la bouche et par les narilles, si serrez garri verreement.

           345  Pur suffocacion de mariz. Item ambre si est bon pur suffocaciun de
                   mariz qant ele enprinte les esperis en tiele manere: metez ambre de
                   balayne en un vessel de verre ov autre fleirante choses ou metez ambre
                   soul, puis recevez la fumee par un embout desouz en le cun et metez
                   ascune puante chose a les narilles sicum un clutet moillé en oille.

           350  Pur chesement de mariz. Item ambre de balayne si est bon pur le chaise-
                   ment de mariz; l’en deit mettre desouz puante chose et desuz flerante
                   chose.

                   Archemesie, ‘mogwort’, la vertu de archemesie
                   [A]rchemesie si est c[haude] et s[ecche] en le .iii. degré. Ele est ap-
           355  pelé ‘mere des herbes’. Les foilles sunt bones a medicine. Il sunt de grei-
                   gnur vertu vert qe soit [...] Ele est bone pur baraigneté qe vient de humi-
                   dité, kar pur siccité n’est ele pas bone. Et ceo pout homme juger par
                   nature de la femme, si ele soit grasse ou megre.

                   Pur baraigneté. Pur baraigneté pernez la poudre de hermoise et de
           360  bistorta et de noiz mugette par ouele porciun, confisez en mel a la ma-
                   nere de letuerie et mangez de ceo matyn et seir, car ceo mult vaut.

                   Pur tenasmon. Item archemesie si est bone pur une maladie q’est appe-
                   lee tenasmon qe vient de freidure. Le pacient recevera la fumee de colo-
                   foigne mis sus les breises en le fundement, puis achaufez archemesie sus
           365  un test de pout, puis le metez tout chaud sus une pire de mele et faitez le
                   pacient seer sure.

                   Vinegre, la vertu de vinegre
                   [A]cetum si est proprement vinegre qe vient de vin. Il est freid en le
                   premer degré et seec en le tierz degré.

           370  Ele est penetrative et constrictive. Ele ad vertu penetrative de sotille sub-^L370 [L370] rej  constrictative17
                   stance [32v] et constrictive de la qualité. Vinegre issi serra fait: metez

Page 17

                   bon vin en un vessel dimy plain et lessez ester decovert, si devendra vi-
                   negre.

                   Item autrement le pout homme faire plus tost: achaufez pires ou acir
           375  ou feru[r]es et metez en vin, et la bouche de vessel serra decovert. Et s’il
                   est bon, issi le devez prover: metez le vinegre sus la terre ou sus un fer et
                   si il bout, il est bon, si noun, n’est pas bon.

                   Pur vomit, pur le flux. Vinegre si est bon pur vomit et pur flux de
                   ventre en tiele manere: boillez en vinegre roses et galles, puis metez en
           380  cel vinegre laine ou une espunge et metez sus l’estomac, si estanchera
                   verreement.

                   Pur vomit estancher metez sus l’estomac.

                   Pur le flux metez sus les reyns ou sur le umbliel.

                   Cirop acetus. Cirop acetus si est fait de sucre et de vinegre, si est bon
           385  pur simple terceyne et pur duble terceyne et pur cotidiene qe vient de
                   naturele fleume et pur chescun autre ague maladie si vous le donez ma-
                   tin ov ascune chaude chose a boivre. Sirop acetus en tiele manere serra
                   fait: pernez sucre, si la boillez en vinegre si la q’il aherde au pout.

                   Cirop acetus si est bon. Sirop acetus si est bon pur chaude matire et
           390  vinegre si est bon pur freide matire, pur ceo qe de vinegre et de mel si
                   est fait un cirop q’est appelé ozimel et ceo en deuz maners, a la feiz
                   simple, a la feiz compund.

                   Ozimel simple. Ozimel simple si est fait de les deuz parties de vinegre et
                   de la tierce partie de mel quit et escumé. Et serra quit jesqes a la espes-
           395  sure de mel.

                   Ozimel compund. Ozimel compund si est fait en tiele manere: pernez
                   les racines de fenoil et de persiel et de ache, faitez lé braer un petit et
                   lessez les gisir jour et nuyt en vinegre. Le secund jour boillez les en cel
                   vinegre, puis les colez et metez en cel vinegre issi colé la tierce partie de
           400  mel quit et escumé, puis le faitez quire un autre foiz q’il soit espés cum
                   mel.

                   Ozimel squilliticum. Ozimel squilliticum issi serra fait: pernez un poi
                   d’esquilles et metez les jur et nuyt en vinegre, puis les boillez ensemble et
                   puis le colez, mes il covient hoster de la squille la mouele dedenz et la
           405  escorce dehors pur ceo qe eus sount morteus, puis metez a tout mel
                   escumé, si les faitez boillir cum est avant dit. Et sachez sicum cirop acetus
                   est acuntre chaude matire, en tiele manere ozimel simple et ozimel com-
                   pund devont estre doné acuntre freide matire.

                   Pur conforter le appetit de manger, sause pigoyne pur appetit. Item vinegre si
           410  conforte le apetit de manger en tiele manere: pernez sauge, persiel,
                   peivre, mente, braez bien ensemble et destemprez ov vinegre. Cele sauce

Page 18

                   si est appelé sauce pigoygne. Puis mangez vostre viaunde ov cele sauce.
                   [33r] Et sachez qe vinegre soulement fait avoir bon appetit de manger.

                   Item vinegre si est bon pur fieblesce aprés maladie en tiele manere:
           415  pernez vinegre et metez dedenz pain tosti et mangez de ceo, kar ceo
                   conforte le appetit de manger.

                   Pur litarge, pur frenesie. Item vinegre si est bon pur litarge et frenesie
                   en tiele manere: frotez les paumes de la mayn et de les piez ov seil et ov
                   vinegre et faitez rere la teste et lavez la teste ov castor quit en vinegre.

           420  Pur frenesie. Item vinegre si est bon pur frenesie en tiele manere: per-
                   nez un chael, si le fendez par le dos et hostez les boueaus, mes lessez le
                   pomun demorer et la foye et le quer, puis metez le sus la teste et sachez
                   qe le jus de mente si conforte plus qe ne fait le vinegre.

                   Orpiment, la vertu de orpiment
           425  [A]ripimentum si est orpiment et si est c[haud] et s[ec] en le .iiii.
                   degré. Orpiment si ad la vertu a dissoudre et atrere et a mundefier et a
                   degaster. Il i ad .ii. maners de orpiment, c’est asavoir ruge et citrin.

                   Pur asma et pur la tousse. Le citrin si est bon a medicine pur un maladie
                   q’est appelé asma et pur la tousse en tiele manere: pernez orpiment, si le
           430  metez sus les breises, puis abessez la teste utre la fumee et recevez la
                   fumee par un embout.

                   Item pur mesme cele maladie pernez .iii. drames de orpiment, si le
                   mangez ov un oef mol.

                   Pur remover cheveuz. Item a remuer chevouz: pernez .iiii. unces de vive
           435  chauz et les faitez boillir en ewe, puis metez a tout un unce de orpiment
                   et boillez ensemble. Et issi devez conustre qant il est assez boilli: botez
                   dedens une plume de geline et tantost la treez sus, et si ele plume legere-
                   ment, c’est assez boilli, si noun, n’est pas. Et quant vous voeillez hoster
                   les chevouz, enoygnez cel lieu ov cele silotre, puis le lavez ov ewe chaude.

           440  Pur serpigo, pur inpotigo [sic], pur morfee la blanche, pur morfee la ruge.
                   Item orpiment si est bon pur une maladie, serpigo et inpetigo, et pur
                   morphee, la blanche et la ruge, en tiele manere: pernez les deuz parties
                   de savon spatarent et la tierce de orpiment, encorporez ensemble, et
                   faitez un oignement de ceo et en oygnez le mal, mes lavez le en avaunt
           445  ov chaud ewe et aprés ensement, kar si le oygnement demert lungement,
                   il destruit auxi bien la bone char cum la mauvoyse.

                   Qe cheveuz jamés ne recrestrent, oille de jusquiame. Item si vous voeillez qe
                   les chevouz jamés ne recres[tr]ont, hostez les, puis en oignez le lieu ov
                   oille de jusquiame et ov orpiment confis ensemble. Oille de jusquiame
           450  issi serra fait: braez la semence de jusquiame et le metez en ses foilles a

Page 19

                   quire en les breises, puis le primez parmy un drap, et cel oille est dure-
                   ment bon.

                   Autrement poez faire [33v] oille de jusquiame: boillez la semence de
                   jusquiame en oille commun, puis colez et le gardez.

           455  La vertu de plantein
                   [A]rnoglossa si est planteyn et si est f[reid] et s[ec] en secund degré.

                   Pur ensecchir. Planteyn si est bon pur ensecchir une plaie et a munde-
                   fier la pureture de plaie.

                   Pur la foye, pur le feu de enfer. Item plantein si conforte la foie et rebute
           460  le feu de enfer verreement.^L460 [L460] feu] superscript correction of seu20

                   Pur les emeraudes. Item plantein si est bon pur emeraudes.

                   Pur arsure de feu. Item planteyn refreidist chescune chaline qe vient de
                   chaline de feu ou de escaudure de ewe.

                   Pur ceux qi gettont sank. Item plantein si est bon pur ceux qi gettont
           465  sang parmy la bouche.

                   Pur la meneson. Et pur la meneson.

                   Pur flux de sank. Item plantein si est bon pur chescune manere de flux
                   de sang.

                   Pur plaie de pomun. Item plantain si est bon pur plaie de pomun.

           470  Pur dent dolur. Item la racine de plantain si est bon pur dent dolur.

                   La vertu de lancelee
                   [G]alien cunte qe le jus de lancelee si est bon pur opilaciuns dé
                   reyns.

                   Item lancelee si est bone pur neire tecches en corps de homme et pur
           475  les gensives sanglantes et enkancrees.

                   Et ele est bone pur le kancre et pur dent dolur.

                   Item le jus de lancelee si est bon pur plaie pres de l’oil et pres de la
                   neys mys sus layne .ix. jours.

                   Item le jus de lancelee si est bon pur fivre qartein si vous le bevez .iii.
           480  jours devant le accés.

                   Averoigne, la vertu de averoigne
                   [A]veroigne si est c[haude] en le secund degré et s[ecche] en le
                   premier degré.

                   Pur estranguré, pur la pire, pur lumbriz, pur escarides. Averoigne si est bon^L484 [L484] rej  escaudes20
           485  pur retenciuns de mariz en tiele manere: faitez une decoctiun de ave-
                   roigne et faitez la femme seer dedenz et bevez le jus, kar ceo fait venir le
                   menstruum et jette hors de ventre le enfant mort et evere le coun q’est

Page 20

                   clos et garit les apostumes en le mariz et brise la pire en la vessie et dis-
                   sout la stranguré et enjette lumbriz de ventre et ascarides verreement.

           490  Pur apostemes. Item la poudre de averoigne mellé [ov] oynt, ov ferine
                   de orge et ov mel, dissout dure apostemes.

                   Pur fere chevez crestre. Item mellez le jus de averoigne ou cendres de
                   averoigne ov viel oint de porc, ceo fait les cheveuz crestre et garit alopu-^L493 [L493] oint] superscript correction of uint21
                   cia.

           495  Pur feer ou espine. Item averoigne destempré ov gresse de livre attreit
                   feer ou espine en corps de homme.

                   Item bevez le jus de averoigne et faitez une emplastre de averoigne et
                   metez sus la plaie, kar ceo engette le sanc qi demuert en plaie.

                   Aveine, la vertu de aveine
           500  [34r] [A]veine si est f[reide] et s[ecche] et si ad la vertu de relascher
                   chescune manere de emflure et enmolit duresces en tiele manere: faitez une
                   emplastre de aveine et de la ferine de aveyne pur apostemes dé
                   costes.

                   Avence
           505  [A]vence si est c[haude] et s[ecche] en le second degré. Ele ad grei-
                   gnour vertu en ses foilles q’en ses racines. Vous metterez les foilles en
                   medicine et nient la racine. Ele est de greignur vertu verte que ensec-
                   chie. Un an pout estre gardé seec.

                   Pur retenciuns. Avence si ad vertue a degaster et a dissoudre et a overir.
           510  Ele est bone pur retenciuns en tiele manere: faitez la boillir en vin, puis
                   fait[ez] un foment de ceo. Et faitez une supposetorie de avence en oille
                   mucelin.

                   Pur colica passio. Item avence si est bone pur colica passio en tiele
                   manere: faitez la quire en ewe salee et en oille, puis metez le devant et
           515  derire.

                   Pur conforter la digestiun. Item avence conforte la digestiun.

                   Pur dolur dé boueaus. Item ele est bone pur dolur dé boueaus et pur
                   ventosité de freidure en tiele manere: boillez la en vin, puis bevez cel vin,
                   si serrez garri verreement.

           520  Borage, la vertu de borage
                   [B]orage si est c[haude] et m[oiste] en le premier degré. Les foiles
                   vertes sunt bones a medicine; ensecchies, rien ne valunt.

                   Pur norir bon sank. Borage norit bon sanc.

Page 21

                   Pur cincope. Borage est bone pur cincope et cardiacre et pur malenco-
           525  lie en tiele manere: bevez le jus et metez a tout sucre et la poudre de os
                   de quer de cerf.

                   Pur epilencie. Item borage si est bone pur epilencie en tiele manere:
                   faitez une decoctiun de sené en le jus de borage, puis colez et faites un
                   cirop, si enbevez.

           530  Item la racine de borage n’est pas bone a medicine.

                   Pur jauniz. Item ele est bone pur le jauniz en tiele manere: faitez la
                   quire ov char et ov scarioles, si enmangez de ceo sovent.

                   Pur meselerie. Item borage si est bone pur meselerie en tiele manere:
                   pernez la limure d’or et la poudre de os de quer de cerf et mellez ov
           535  le jus de borage, si enbevez.

                   Baucia, la vertu de baucia^L536 [L536] spinache in right margin22
                   [B]aucia si est c[haude] en le secund degré et moiste en le comence-
                   ment. Ele est appelee pastinacle.

                   Pur norir bon sank. Ele norit bon sanc et mult espés. Ele vaut mieuz
           540  verte qe secche.

                   Pur destrure malencolie. Ele destruit malencolie. Ele conforte la diges-
                   tiun en tiele manere: pernez les racines, si les boillez, puis les copez en
                   pices et pernez hors l’ewe et braez les et metez a tout mel quit et escumé
                   et faitez le quire q’il soit espés cum mel et movez le bien. Et en mylieu la
           545  decoctiun metez i alemandes [34v] et a la fyn de la decoctiun metez i les
                   noueaus de pomme de pin, puis metez i espeices bien fleirantes sicum
                   gingive et galingale, peyvere long, erukes, et la semence de ortie et musk
                   et autres bones espices si vous avez.

                   Betoigne, la vertu de betoigne
           550  [B]etoigne si est c[haude] et s[ecche] en le .iii. degré. Les foilles sunt
                   bonez a medicine: vertes et ensecchies sunt de grant vertu. Et quant vous
                   trovez betoigne en nule receyte, vous prendrez les foilles.

                   Pur dolur de la teste. Betoigne si est bone pur dolur de la teste de freide
                   cause en tiele manere: pernez betoigne et stafisagre, si boillez en vinegre
           555  et faitez une gargarime de ceo. Et si la dolur vient de la fumosité de l’es-
                   tomac, faitez une decoctiun de betoigne quit en vin.

                   Pur dolur de l’estomac. Item la decoctiun de betoigne et de aloygne si
                   est bon pur dolur de l’estomac.

                   Pur rupture. Item les racines de betoigne sunt bones pur rupture, et
           560  s’il i ad grant constipaciun en le ventre sicum ylia passio, faitez une clis-
                   tere en avant.

Page 22

                   Pur mundefier le mariz. Et cele medicine si est bone a mundefier le
                   mariz et si aide a la concepciun: faitez une letuerie de la poudre de be-
                   toigne et de mel.

           565  Verniz, la vertu de verniz
                   Verniz si est froid et seec en le secund degré. Ele est appelé verniz.
                   C’est une gumme qe vient de outre mer. Il y ad troiz maneres de verniz:
                   citrin, ruge et blanc.

                   Pur le flux de sank. Verniz si est bon pur flux de sang de les narilles en
           570  tiele manere: confisez la poudre de verniz ov blanc de l’oef et metez sus
                   les temples et sus le frunt.

                   Item la poudre de verniz ov un ouf mol si est bon pur vomit coleric.

                   Branc ursin, la vertu de branc ursin
                   [B]ranc ursin si est c[haud] et m[oiste] en le premier degré. Ele ad
           575  vertu de enmollir et de enmurer et de asuager.

                   Pur apostemes. Branc ursin si est bon pur enmeurer apostemes en tiele
                   manere: pernez les foilles de branc ursin, si les braez ov viel oint de porc,
                   si metez sure.

                   Pur apostemes de l’esperiz. Item branc ursin si est bon pur apostemes de
           580  esperiz en tiele manere: boillez les foilles en ewe, puis les metez sure, si
                   serrez garri.

                   Item ele est bone pur mal de l’esplien et pur duresce de nerfs en tiele
                   manere: pernez branc ursin, si le braez, puis le boillez en oille, puis colez^L583 [L583] rej  branc] blanc23
                   et metez a tout cire et faitez un oignement.

           585  Boul, la vertu de boul
                   [35r] [B]oul si est freid et seec en le secund degré. Boul si est une
                   veine de la terre q’est trové en Armenie et pur ceo est ele appelé bol de
                   Armenie. Cent anz pout estre gardé. Il ad vertue a destreindre hom.
                   [Est] d’alire cel q’est ruge de tote part et si est auqes frangible.^L589 [L589] rej  dalire] del alire23

           590  Pur ceux qe gettont sank par la bouche. Bol si est bon pur ceux qi gettont
                   sanc par la bouche et pur flux de sang en tiele manere: confisez bol ov le
                   jus de planteyn, si en usez.

                   Pur flux de mariz. Bol si est bon pur flux de mariz en tiele manere:^L593 [L593] rej  first de repeated23
                   confisez bol en le jus de sanguinarie et suggez ov les narilles et faitez une^L594 [L594] rej  sanguinaric23
           595  emplastre et metez sus la femme, si serra garrie.

Page 23

                   Siclamen, la vertu de siclamen
                   [S]iclamen si est c[haud] et s[ec] en le tierz degré. Il est appelé panis
                   porcinus, et la racine si est appelé proprement ciclamen. Ciclamen si ad
                   grant vertu verte et ensecchie. En la fyn de aust doit estre quilie et puis
           600  en umbre ensecchie. .iii. anz pout estre gardé en sa grant vertue. Ele ad
                   vertu a dissoudre et a degaster et atrere.

                   Pur emeraudes. Ciclamen si est bone pur les emeraudes emfleez dehors
                   apparisanz, ne mye coranz, si vous metez la poudre sure.

                   Pur le menstruum et pur le mariz. Item ciclamen si est bon a ffaire venir
           605  le menstruum et a mundefier le marriz en tiele manere: boillez le jus de
                   ciclamen en oille de olive, puis moillez dedenz cotun et faitez une suppo-
                   setorie de ceo.

                   Pur l’esplien. Item ciclamen si est bone pur l’esplien en tiele manere:
                   pernez une bone quantité de ciclamen et le braez, puis les metez .xv.
           610  jours en vin et en oille, puis colez et metez en cele colure cire et un poi
                   de vinegre et faitez une decoctiun bien espés, puis enoygnez le mal de
                   ceo sovent.

                   Pur apostemes. Item ciclamen si est bon pur apostemes de freide cause
                   qe ne pount briser pur la espesseté de quireyn en tiele manere: pernez
           615  ciclamen, si la boillez en oille et metez tout chaud sus l’aposteme et il
                   brisera dedenz ou dehors.

                   Pur festre. Item ciclamen si est bon pur festre en tiele manere: faitez une
                   tente de ciclamen et metez en la buche de festre, kar ceo enlargit les
                   pertus, que vous poez mieuz trere hors les os brisez.

           620  Cuscuta .i. doder, la vertu de cuscuta
                   [C]uscuta si est c[haude] en le premier degré et s[eche] en le se-
                   cund. Cuscuta si est une chose que crest entre le lin en may ou en joyg,
                   deit etre quili ov ses flurs, et puis ensecchi.

                   Pur purger malencolie et la fleume. Cuscuta si a vertu de purger la malen-
           625  colie et la fleume. Ele ad vertu diuretike.

                   Pur strangurie et dissurie. La decoctiun de cuscuta en ewe si est bone
                   pur strangurie et dissurie. Si vous poez avoir grant quantité de cele
                   herbe, boilliez [35v] le en vin et en oille et emplastrez sus les reins et sus
                   le penoil.

           630  La vertu de calamente
                   [C]alamente si est c[haude] et s[eche] en le .iii. degré. Ele est appe-
                   lee nepte. Hom la deit quillir qant ele florit. Un an pout estre gardé en
                   sa bone vertue. Ele ad vertue a degaster et a dissoudre.

Page 24

                   Pur la tusse, pur asma. Ele est bone pur la freide tusse et pur une mala-
           635  die q’est appelé asma en tiele manere: boillez le en vin et metez licoriz ov
                   figes dedenz, si en usez.

                   Diacalamentum. Item vous poez faire une eletuerie q’est appelé diaca-
                   lamentum en tiele manere: pernez une bone quantité de la poudre de
                   calamente ou en son lieu pernez genciane, puis le confisez ov mel, kar
           640  c’est bone chose pur la tusse sur tote rien.

                   Pur l’estomac. Item ele est bone pur dolur de l’estomac de freide cause
                   en tiele manere: usez la poudre en viaunde ou en decoctiun de vin, si
                   serrez garri.

                   Pur reume. Item ele est bone pur freide reume en tiele manere: boillez
           645  la poudre en mel, puis enoignez de cel mel la teste derire, puis faitez un
                   sacellaciun de la poudre achaufee en un pout, et ceo mult vaut.

                   La vertu de centorie
                   [C]entorie cent herbes vaut et si est dit [de] centum et de aurum pur
                   ceo q’ele vaut cent feez son peis d’or. Centorie si est c[haude] et s[eche]
           650  en le tierz degré. C’est une herbe mult amere et pur ceo est ele appelé
                   fel terre. Ele ad grant vertu en ses flurs et en les foilles. Et quant ele
                   comense a florir, dunqes la deit homme quilir en le moiz de aust, puis
                   en umbre ensecchir. Un an pout estre gardee en sa grant vertu.

                   Pur la foye, pur l’esplien, pur les reins, pur la vesie, pur strangurie, pur dis-
           655  surie. Centorie si est bone pur les opilaciuns de la foie et de l’esplien et
                   de les reyns et de la vessie et pur strangurie et dissurie en tiele manere:
                   boillez la en vin et metez a tout sucre ou mel, si enbevez de ceo sovent, si
                   serrez garri verreement.

                   Pur mal de flanc. Item ele est bone pur mal de flanc en tiele manere:
           660  confisez la poudre en ewe salee et ov oille, puis le jutez eins par une
                   clistere.

                   Pur verms en le oraille. Item ele est bone pur les verms en le oraille en
                   tiele manere: versez le jus de centorie en les orailles ov le jus de porez, si
                   serrez gari.

           665  Pur lumbriz. Item ele est bone pur lumbriz en le ventre si vous bevez la
                   poudre de centorie sovent.

                   Pur clarifier la veue. Item ele est bone pur enclarsir la veue en tiele
                   manere: mellez le jus de ewe rose, si enoignez les oiz.

                   Item ele est bone pur souder boces ensemble en tiele manere: [36r]
           670  braez centorie, si metez desus.

                   Pur les emeraudes. Item ele est bone pur les emeraudes.

                   Item ele est bone pur mal entour le quoer.

Page 25

                   Item ele est bone pur faire venir le menstruum et engette le enfant
                   mort.

           675  Item ele est bone pur venim, auxi bien pur bestes cum pur hommes.

                   La vertu de capillis veneris^L676 [L676] Maydenher in right margin 26
                   [C]apillis veneris si est f[reide] et s[eche] entempreement et si est
                   diuretike. Quant ele est verte, ele est de grant vertu. Ne pout pas estre
                   lungement gardee. La herbe si est bone, et nient la racine.

           680  Pur achaufure de la foye. Ele est bone pur enchaufure de la foye en tiele
                   manere: faitez une decoctiun en ewe, si en usez; ou faitez un cirop de la
                   decoctiun et de sucre; ou moillez un clutet en le jus de lui et metez sus la
                   foye; ou faitez une emplastre de l’herbe mesmes et metez sure.

                   La vertu de camedreos^L684 [L684] Germondre in right margin 26
           685  [C]amedreos si est c[haud] et s[ec] en le .iii. degré. Auxi est camepi-
                   teos. Eus ount vertu diuretik et mundificatif, et pur ceo que eux sont
                   semblables en vertu de eus si est fait un treitis. En la fin de ver quant eux
                   florissont deivont estre quilli et hostez les racines. Eux sunt bones pur
                   strangurie et dissurie et mal de flanc et pur opilaciun de la foye et de
           690  l’esplien et pur les reyns en tiele manere: pernez la herbe verte et metez
                   le vin .x. jours, puis le faitez boillir jesques a la consompcion de vin. Puis
                   le primez parmy un drap et metez a tout cire, si faitez un oignement, kar
                   cest oignement si est bon pur la foye et pur l’esplien.

                   Pur palesie. Item ele est bon pur palesie en tiele manere: boillez les
           695  herbes, si metez sus le mal.

                   Item la poudre de camedros et de camepiteos soudent boces et plaies
                   si vous le metez sure verreement.

                   Pur faire venir le menstruum. Item eles sunt bones a faire venir le mens-
                   truum et a mundefier le mariz et al mariz refreidi et a la superfluité de
           700  fleume a rechaufer en tiele manere: boillez les herbes lungement en
                   ewe, puis faitez la femme seer en les herbes lungement et faitez une
                   plastre de les herbes et metez sus le cun et pernez la poudre des herbes
                   et boillez en oille et moylés en ceo cotun.

                   Catapuces^L704 [L704] From this point on the red rubrics are in the text26
           705  [C]atapuces sunt c[haud] en le .iii. degré et moiste en le premier.
                   Catapuces si est le fruit de une herbe et qant vous trovez catapuces en
                   nule receite, vous prendrez le frut et nient la herbe.

Page 26

                   Pur purger fleume, pur purger colre [36v] et pur purger malencolie. Eux ount
                   vertu a purger la fleume et la colre et la malencolie. Eux ount vertue de
           710  purger pardesus.

                   Pur fievre cotidiene et pur roigne. Catapuces sunt bones pur fievre coti-
                   diene et pur roigne en tiele manere: boillez une bone quantité de cata-
                   puces, puis les envolupez en les foilles de cholet et metez desuz les
                   breises a quire, et puis les primez bien et gardez le oille qe en ist et do-
           715  nez a manger al malade en sa viaunde.

                   Pur mal de flanc et pur gute artetike. Catapuces sunt bones pur mal de
                   flanc et pur gute artetike et pur palesie.

                   Cantabrum, ‘bren’
                   [C]antabrum si est c[haud] et s[ec] entemprement. Cantabrum si est
           720  proprement bran de furment.

                   Pur mal de flanc, pur dissurie, pur strangurie. Cantabrum si est bon pur
                   mal de flanc et pur dissurie et strangurie en tiele manere: conficez canta-
                   brum ov vin blanc, ne mye trop espés ne trop tenue, puis le faites lunge-^L723 [L723] rej  tenue] one minim too many27
                   ment boillir, puis le metez sus un drap et metez sus la dolur et renovelez
           725  le sovent.

                   Pur l’estomac. Item mesme cele medicine si est bone pur l’estomac.

                   Pur les costés. Item mesme cele medicine si est bon pur les costees.

                   Pur pointure desouz les mameles. Et pur ceux qe ount pointure desuz les
                   mameles qi ne se pount adresser. Item cantabrum si est bon pur la tusse
           730  et pur cyncope et pur dolur desuz les costés.

                   Celedoygne
                   [C]eledoigne si est c[haude] et s[eche]. Et sachez q’il i ad deux ma-
                   ners de celedoigne, c’est assavoir yndaine et commune. La commune si
                   est trové en noz parties et n’est pas si bone cum la yndaine, mes nepur-
           735  qant l’an met l’un pur l’autre. Quant vous trovez celedoigne en nule
                   receite, vous prendrez la racine et ne mie la herbe.

                   Pur dolur de denz. Celedoigne si ad vertu a dissoudre et a degaster.
                   Celedoigne si est bone pur dolur de denz en tiele manere: braez la ra-
                   cine, si la tenez entre voz denz.

           740  Pur purger la teste et pur la huvele. Item ele est bone pur purger la teste
                   et la huvele en tiele manere: braez la racine, si la boillez en vin, puis
                   faitez une gargarime de cel vin, kar cel ensecchit la huvele et purge la
                   teste.

Page 27

                   Pur faire venir le menstruum. Item celedoigne si est bone pur faire venir
           745  le menstruum et a purger le mariz en tiele manere: faites un foment
                   sovent de la decoctiun de celedoigne en eawe.

                   [37r] Pur festre. Item ele est bone pur festre en tiele manere: confisez la
                   poudre de celedoigne ov lessive, en metez en la festre.

                   Coriandre
           750  [C]oriandre si est c[haud] et s[ec] en le secund degré. C’est une
                   herbe assez commune, et qant vous trovez coriandre en nule receite,
                   vous prendrez la semence. Deus anz pout estre gardee. Ele ad vertu a
                   conforter.

                   Pur conforter la digestion et pur dolur de l’estomac. Coriandre si est bone a
           755  conforter la digestion et pur dolur de l’estomac en tiele manere: donez li
                   la semence en sa viande et faitez une decoction en vin, si serrez gari.

                   Dauke
                   [D]auke si est c[haud] et s[ec] en le .iii. degré. Et sachez q’il i ad
                   deuz maneres de dauke, c’est assavoir daucus creticus et daucus asininus;
           760  daucus creticus pur ceo q’ele est trovee en Crete, daucus asininus pur
                   ceo qe les anes le mangont volentiers. Et sachez qe vous poez mettre
                   daucus asininus pur daucus creticus. Hom la deit quillir qant ele florit
                   ensemblement ov sa flur et hostez les racines. Dauke si ad la vertu a dis-
                   soudre et a degaster et a tenuer.

           765  Pur frigidum asma. Dauke si est bone pur une maladie q’est appelee
                   frigidum asma et pur la freide et moiste tusse si vous la boillez en vin ou
                   en figes secches.

                   Pur la freide reume. Item dauke si est bone pur la freide reume en tiele
                   manere: faitez poudre de dauke, puis metez cele poudre en un sachel,
           770  puis achaufez cel sachel et metez chaud sus la teste.

                   Pur dolur de l’estomac. Item dauke si est bon pur dolur de l’estomac et
                   pur strangurie et dissurie et pur mal de flanc en tiele manere: donez lui a
                   boivre la decoction de dauke en vin, puis pernez grant quantité de cel
                   herbe, si la boillez en vin et en oille, si metez sus le mal.

           775  Pur la pire, pur strangurie et pur dissurie. Item la decoctiun de dauke en
                   vin si est bon pur la pire et pur strangurie et dissurie. Item ele est bone
                   pur opilaciun de la foye et de l’esplien et pur ydropesie en tiele manere:
                   faitez une decoctiun de jus de fenoil et de dauke.

Page 28

                   Ditaigne
           780  [D]itaigne si est c[haude] et s[eche] en le .iii. degré. Vous mettrez la
                   racine en medicine. Ele ad vertu a dissoudre et a degaster et a [a]ttrere
                   venim.

                   [37v] Pur venim. Item ele est bone pur mors des bestes envenimoses
                   et pur venim auxi bien a homme cum a bestes en tiele manere: braez cel
           785  herbe et metez sus le mal et donez lui a boivre le jus de ditaigne.

                   Item faites poudre de la racine de ditaigne et destemprez cele
                   poudre ov le jus de mente, si le donez a boivre et metez sus le mal.

                   Pur le menstruum. Item ditaigne si est bone a faire venir le menstruum
                   et a ffaire venir li enfant mort en tiele manere: pernez la poudre de la
           790  racine de ditaigne, si destemprez ov le jus de l’herbe mesmes ou de her-
                   moise, si jutez dedenz la femme par une pessarie, en fetes une supposito-
                   rie de mesme cel herbe.

                   Endive
                   [E]ndive si est f[reide] et s[eche] en premier degré. La semence et la
           795  foille si est bone a medicine.

                   Pur opilacion de la foye et de l’esplien. La foille si est bone pur opilaciun
                   de la foye et de l’esplien de chaude cause.

                   Pur jauniz, pur simple terceyne, pur duble terceyne et pur chaud apostemes. Et
                   pur le jauniz et pur simple terceyne et duble terceyne et pur chaud apos-
           800  temes en tiele manere: bevez de ceo cru ou quit.

                   Pur ydropesie. Item ele est bone pur ydropesie de chaude cause sur tote
                   rien.

                   Epatic, ‘liverewort’
                   [E]patic si est f[reide] et s[eche] en le .ii. degré. Ele est appelé epatic
           805  pur ceo q’ele est bone pur la foye tant soulement.

                   Pur la foye, pur l’esplien et pur le jauniz. Et sachez q’ele est bone pur les
                   opilaciuns de la foye et de l’esplien et pur le jauniz de freide cause en
                   tiele manere: faitez une decoctiun en ewe froide, si en usez.

                   Eble
           810  [E]ble si est c[haude] et s[eche] de qi les racines et les escorces et les
                   coperuns sunt bones a medicine. Ele si ad la vertu a dissoudre et a degas-
                   ter et a purger la fleume.

                   Pur fievre cotidiene. Ele si est bone pur fievre cotidiene de naturele
                   fleume. Ele est bone pur artetike et pur podagre et cyragre en tiele ma-
           815  nere: donez lui le jus de les escorces ov la poudre de eble et metez a tout
                   sucre; ou donez lui le jus de les coperuns de eble.

Page 29

                   Item eble si est bone pur ydropesie q’est appelé leucoflancia, cum est
                   avant dit.

                   Pur emflure des piez et des jambes. Item ele est bone [38r] pur emflure dé
           820  piez et dé jambes en tiele manere: faites une decoctiun de les escorces et
                   de les racines et de tout le herbe en ewe salee et metez les jambes de-
                   denz.

                   Pur artetike et pur podagre. Et sachez que un bayng feet en la decoctiun de
                   ewe de cele herbe si est bone pur artetike et pur podagre.

           825  Jarus, coltesfot
                   [J]arus si est c[haud] et s[ec] en le .iii. degré. Ele est appelee barba
                   Aron et pes vituli. Ele ad grant vertu en ses foilles et en ses racines.

                   Pur les orailles. Ele est bone pur emflure de les orailles en tiele ma-
                   nere: boillez cele herbe ov sa racine en vin et en oille et metez a tout
           830  comyn et faitez une emplastre, si metez sure.

                   Pur apostemes. Item ele est bone pur freide apostemes en tiele manere:
                   braez cele herbe ov ses racines ov viel oint de porc, puis achaufez en un
                   test de pout et metez sure. Et sachez que ceste emplastre si est bone pur
                   scrofles.

           835  Pur emeraudes et pur le fic. Item ele est bone pur emeraudes et pur le fic
                   en tiele manere: pernez jar et moleyne et boillez en vin ou en ewe et
                   metez sure.

                   Explicit liber herbarum
                   Incontinenti incipit liber specierum et gummorum
           840  Issi comence la vertue des espieces et des gummes

                   Gingevre
                   [G]ingevre si est c[haud] en le .iii. degré et moiste en le premier. Les
                   uns diont qe c’est une racine de une herbe, les autres diont qe c’est une
                   branche, mes verreement c’est une racine de une herbe outre mer.
           845  Pur la tusse et pur les esperiz. Gingevre si est bone pur la freide tusse et
                   pur la freidure de les esperiz en tiele manere: pernez gingevre et figes
                   secches et les boillez en vin, si enbevez; ou pernez la poudre de gingevre,
                   si la metez en figes secches, si enmangez.

                   Pur dolur de l’estomac. Item gingevre si est bon pur dolur de l’estomac
           850  et de les boueaus en tiele manere: faitez une decoctiun de gingevre et de
                   comin en vin, si en bevez, car ceo fait bone digestiun.

                   Pur syncope. Item la poudre de gingivre mangé ov viande si est bone
                   pur syncope de deuz aunz.

Page 30

                   Cedewale
           855  [C]edewale si est c[haude] en le .iii. degré et s[eche] en le premier.
                   C’est une racine [38v] de une herbe. .x. anz pout estre gardee. Ele est
                   bone pur la freide tusse et pur dolur de l’estomac et des boueaus de
                   freidure.

                   Pur le mariz, pur la tusse et pur l’estomac. Item ele ennettit et achaufe le
           860  mariz si vous la boillez en vin, si en bevez.

                   Item sause faite de cedewale et de rosmarin et de pain tosti et de
                   vinegre fait avoir bon appetit de manger.

                   Gilofres
                   [G]ilofres sunt c[haud] et s[ec] en le .iii. degré. Gilofre si est un fruit
           865  de un arbre en Ynde. En esté sunt quili. .v. anz pount estre gardé en lur
                   grant vertu et .x. anz sanz corrupciun en lieu ne trop moiste ne trop
                   seec.

                   Pur conforter. Eu[s] ount vertu de conforter pur lur bon odur et a
                   dissoudre et a degaster.

           870  Pur la digestiun. Gilofre conforte la digestiun.

                   Pur dolur de l’estomac. Ele est bone pur dolur de l’estomac et pur vento-
                   sité quit en vin et metez a tout mastic.

                   Item ele est bone pur suffocaciun de mariz en tiele manere: confisez
                   la poudre de gilofres ov bon vin odorant et metez desouz par une suppo-
           875  sitorie ou versez la poudre dedenz par une pessarie.

                   Pur le cervel. Item gilofres sunt bones a conforter le cervel en tiele
                   manere: bevez la decoctiun de gilofres en vin, si les metez a les narils.

                   Pur le flux de ventre, pur cardiacre et pur cincope: Item eles sunt bones et
                   pur le flux de ventre et pur cardiacre et pur cincope en tiele manere:
           880  bevez la poudre de gilofres ov le jus de betoigne.

                   Galingale
                   [G]alingale si est c[haud] et s[ec] en le .iii. degré. Les uns diont que
                   c’est un arbre, les autres diont que c’est un fruter. Diascorides dit que
                   c’est une racine q’est trové entur le pé de une arbre en Perse. .v. anz
           885  pout estre gardé sanz corrupciun.

                   Pur conforter l’estomac. Galingale si ad vertu de conforter et a dissoudre
                   et a degaster.

                   Pur la digestiun et pur dolur de l’estomac et pur ventosité. Galingale si
                   conforte la digestiun et si est bon pur dolur de l’estomac de freidure et
           890  pur ventosité en tiele manere: faitez une decoctiun en vin, si en bevez.

                   Pur conforter le cervel. Item galingale si conforte le cervel si vous la me-
                   tez en vostre neys.

Page 31

                   Pur cardiacre et pur cincope. Item ele est bone pur cardiacre et pur cin-
                   cope en tiele manere: bevez la poudre ov le jus de borage.

           895  Genciene
                   [39r] [G]enciene si est c[haude] et s[eche] en le .iii. degré. C’est un
                   herbe, et la racine si est appelé genciene. La racine si est bone a medi-
                   cine. En la fyn de ver doit estre quilli et puis en umbre ensecchi. .iiii. anz
                   pout estre gardé en sa bone vertu. Ele ad vertu a dissoudre et a degaster
           900  et a [a]ttrere et a overir. Ele est diuretike.

                   Pur anciene asme. Ele est bone pur anciene asma si vous la bevez ov vin
                   et ov ewe de orge.

                   Pur mors envenimous. Item ele est bone pur mors des bestes savages en
                   tiele manere: donez a boivre la poudre ov le jus de mente.

           905  Pur le mariz, pur enfant mort en le ventre. Item ele est bone pur le mariz
                   et pur l’enfant mort en le ventre sa mere en tiele manere: pernez la
                   poudre de genciene, si destemprez ov le jus de arthemesie et faites une
                   suppositorie de ceo et jutez le dedenz par une pessarie.

                   Macies
           910  [M]acies sunt c[haud] et s[ec] en le secund degré. Les uns dient qe
                   c’est la flur de noiz mugette, car ceo resemble faus, qar les flurs, ou il
                   decheont ou il devenont a frut. Macis si est une escorce q’est trové en-
                   tour la noiz mugette sicum entur la petite noiz. .x. anz pout estre gardé.

                   Pur conforter. Macis si ont la vertu de conforter et a dissoudre et a
           915  degaster.

                   Pur indignacion. Macis sunt bones pur indignacion de l’estomac et pur
                   ceux qi ont esté malades en tiele manere: tenez en la buche la poudre de
                   macis et de mastic par ouele porciun, destemprez ov oille de rose et
                   metez a tout cerusa et cire.

           920  Pur le cervel. Item macis sunt bones a purger le cervel de la superfluité
                   dé humurs en tiele manere: machez macis, si les tenez en vostre bouche.

                   Pur l’estomac, pur la foie, pur mal de flanc. Item macis sunt bones pur
                   fieblesce de l’estomac et de la foye de freidure et pur leucoflancie et pur
                   mal de flanc et pur mal de les esperiz et pur cardiacre en tiele manere:
           925  recevez la poudre de macis en viande ou en beverage.

                   Quibebes
                   [Q]uibibes sunt c[haudes] et s[eches] entempreement. C’est un frut
                   outre mer. .x. anz pout estre gardé. Eus sunt bones pur cincope en tiele
                   manere: pernez .iiii. drames de quibibes, si en usez ov le jus de borage.

           930  Item quibibes sunt bones pur la freide reume et pur conforter la teste
                   et le cervel en tiele manere: centez a ceo et metez sovent a voz narils.

                   Item eles sunt bones pur freidure de l’estomac et pur discoloracion
                   en tiele manere: faites piment [39v] de vin et de mel et d’autre especes
                   et metez a tout la greinore partie dé quibibes.

           935  Canele
                   [C]anele si est c[haude] en le .iii. degré et s[eche] en le second de-
                   gré.

                   Pur conforter le cervel et pur conforter le piz. Canele si est trové en Ynde et
                   en Europe. .x. anz pout estre gardé. Ele ad vertu a conforter le cervel.

           940  Pur l’estomac et pur la digestion. Ele est bone pur fieblesce de l’estomac
                   et pur la digestiun enfebli de freidure en tiele manere: donez la poudre
                   de canele ou de carvi en manger ou en beivre ou en sauce, car ceo fait
                   venir le appetit; ou faites sauce de persil et de sauge et de un poi de
                   vinegre et metez a tout les poudres avant dites.

           945  Pur amerté de la bouche. Item canele si est bone pur amerté de la
                   bouche si vous la maschez sovent.

                   Pur corrupcion des gensives. Item canele si est bone pur amerté de la
                   bouche et pur corrupcion dé gensives en tiele manere: lavez les gencives
                   ov ewe salee et frotez les bien et les gersés, que le sanc en isse. Puis lavez
           950  bien ov la decoctiun de la poudre de canele en vin. Puis metez la poudre
                   sure.

                   Pur cincope et cardiacre. Item canele si est bone pur cincope et car-
                   diacre en tiele manere: mangez la poudre de canele et de gilofre.

                   Noiz mugette
           955  [N]oiz mugette si est c[haude] et s[eche] en le secund degré. C’est
                   un frut de un arbre en Ynde. .vii. anz pout estre [gardé] en sa naturele
                   bounté. Ele ad vertu de conforter. Ele est bone pur freidure de l’estomac
                   et pur indignacion et discoloracion de freidure en tiele manere: donez
                   lui un poi matyn de la noiz mugette.

           960  Item ele est bone pur indignacion de l’estomac et de la foye et dé
                   boueaus. Donez lui la decoction de noiz mugette en vin.

                   Noiz de Inde
                   [N]oiz de Inde si est c[haud] et s[ec]. Les uns dient q’il est c[haud]
                   et moiste. Noiz de Inde si conforte et norist bon sanc […] il est grant. Et q
           965  ant vous trovez noiz de Inde en medicine, vous prendrez ceo q’est de-
                   denz. .x. anz pout estre gardé. Noiz de Inde si ad vertu de conforter en

Page 33

                   tiele manere: fetez faire une decoction de noiz de Inde et de canele en
                   vin.

                   Licoriz
           970  [L]icoriz si est entempreement c[haud] et m[oiste]. Les uns dient qe
                   c’est une racine, les autres dient qe c’est un fruter, mes verreement [40r]
                   c’est une racine.

                   Pur mal entour le piz. Licoriz si est bon pur chescune maladie entour le
                   piz en tiele manere: faitez une decoctiun en ewe, si en usez.

           975  Pur peripleumonia. Item licoriz si est bon pur une maladie q’est appe-
                   lee peripleumonia si la boillez en vin.

                   Pur la tusse. Item ele est bone pur la tusse en tiele manere: faitez une
                   eletuerie de jus de licoriz et de mel.

                   Pur seif et pur asperité de la lange. Item machez licoriz et tenez desuz
           980  vostre lange, car ceo tout seif et aswage la aspreté de l’estomac et de
                   goytron verreement.

                   Peivre
                   [P]eivre si est c[haud] et s[ec] en le .iiii. degré. Il i ad .iii. maners de
                   peivre, c’est assavoir neir et blanc et lung. Les uns dient qe c’est un frut
           985  de divers arbres. Dias[corides] et Costantin dient qe c’est un frut de un
                   arbre que crest en Ynde. Peivre neir si vaut mieuz qe ne fait blanc ou le
                   lung. Peivre neir si ad la vertu a dissoudre et a degaster.

                   Peivre fait esternier et peivre mundefie le cervel. Metez peivre neir en voz
                   narils et il fait esternier et mundefie le cervel de la superfluité de fleume.

           990  Item boillez peivre en vin et metez a tout figes seckes, si en usez, kar
                   ceo mundefie les esperiz de englumos humours et de malencolie et si est
                   bon pur frigida asma.

                   Peivre mundefie les esperiz. Item la poudre de peivre mise en viande fait
                   bone digestiun.

           995  Item peivre n’est pas bon pur sanguiens ne pur coleriks. Et sachez qi
                   qe mange trop de peivre il serra lepros.

                   Comin
                   [C]omin si est c[haud] et s[ec] en le secund degré. C’est une se-
                   mence de une herbe que crest en grant quantité. .v. anz pout estre
         1000  gardé. Comin si ad vertu diuretike. Comin fait bone digestiun si vous la
                   usez en viande ou en sauce.

                   Item la decoctiun de comin et de fenoil en vin si est bon pur dolur de
                   l’estomac et dé boueaus et pur ventosité.

Page 34

                   Item la decoctiun de comin et de figes seckes si est bon pur la freide
         1005  tusse.

                   Item une eletuerie fait de comin et de fenoil et de les racines de
                   brusk et de mel si est bon pur la freide tusse, et il ne covient point quere
                   diaprunis ne diacalamentum.

                   Item comin si est bon pur dolur et pur emflure de jowes en tiele ma-
         1010  nere: braez comin et figes seckes bien ensemble [40v] et boillez bien en
                   vin et faitez une emplastre et metez sus la dolur.

                   Item comyn si est bon pur freide reume en tiele manere: pernez la^L1012 [L1012] rej  Item comin I. c.35
                   poudre de comin et baies de lorir, braez ensemble, puis achaufez bien
                   cele poudre en un test et metez en un sachel chaud sus la teste.

         1015  Item comin si est bon pur strangurie et dissurie et pur autre dolurs qe
                   vienent de freidure en tiele manere: boillez comin en vin, si faitez une
                   emplastre, si metez sus la dolur.

                   Item comin si est bon pur sanc en le oil, ne mye a comencement mes
                   aprés, en tiele manere: pernez la poudre de comin et
         1020  metez en cire et metez sus le oil.

                   Item pur mesme cele chose maschez comin et sufflez le en le oil.

                   Pur livor de cop. Item comin si est bon pur livor fait de cop ou autre-
                   ment en tiele manere: pernez la poudre de comin et cire et mellez bien
                   ensemble acuntre le feu et metez sovent sus le mal. Et sachez qi qe use
         1025  de manger volenters comin, il serra descoloré.

                   Saffran
                   [S]affran si est c[haud] et s[ec] en le premier degré. Il i ad deuz
                   maners de saffran, c’est assavoir saffran oriental et saffran ortensis. Saf-
                   fran pout estre gardé .v. anz. Saffran si ad la vertu de conforter.

         1030  Pur fieblesce de estomac et pur cincope. Saffran si est bon pur fieblesce de
                   l’estomac et pur cincope.

                   Pur rugure de les oiz. Saffran si est bon pur rugure des oiz que vient de
                   sanc en tiele manere: pernez la poudre de saffran oriental et confisez ov
                   le mouel de l’oef et moillez cotun dedenz et metez sus les oiz.

         1035  Franc encens
                   [O]libanum, c’est a dire franc encens, si et c[haud] et s[ec] en le
                   secund degré. C’est une gumme de un arbre qe crest juste Elisaundre et
                   c’est le plus pur et meillur. Il ad un autre qe crest juste Damas et Dama-
                   ceus, mes sel n’est pas si pur. Encens si ad la vertu de conforter et desou-
         1040  der et de engluer et a destreindre.

Page 35

                   Pur flux de lermes. Encens si est bon pur flux de lermes et pur dolur de
                   les denz qe vient de flux de humurs de la teste par les veines dehors en
                   tiele manere: faitez une emplastre de franc encens et de vin blanc et de
                   l’aubon de l’oef et metez sus les temples.

         1045  Pur la huvele. Item franc encens si est bon acuntre relaxacion [41r] de
                   huvele en tiele manere: maschez franc encens, et cel masticatiun defent
                   le flux de la teste a les esperiz.

                   Pur eructaciun. Item la poudre de franc encens si est bon a conforter
                   et a mundefier le mariz et si aide a la concepcion en tiele manere: fetez
         1050  une subfumigacion de franc encens et si serrez garri verreement.

                   Mastic
                   [M]astic si est c[haud] et s[ec] en le secund degré. C’est une gumme
                   de un frut en Grece. Ele ad vertu a destreindre et conforter et a engluer
                   et a souder les humurs descendanz de la teste a les oiz et a les denz et a la
         1055  dolur dé temples en tiele manere: confisez la poudre de mastic ov vin
                   blanc et ov aubin de l’oef et metez a tout la poudre de franc encens et
                   metez sus le mal.

                   Pur enblanchir les denz. Item mastic si enblanchist les denz et purge la
                   superfluité de cervel. Mastic conforte la digestiun et l’estomac verree-
         1060  ment.

                   Terebentine
                   [T]erebentine si est c[haud] et s[ec]. Terebentine si est une gumme
                   de une arbre.

                   Pur tenasmon. Terebentine si est bone pur une maladie q’est appelee
         1065  tenasmon en tiele manere: recevez la fumee desuz par un embot.

                   Pur precipita[tion] et pur suffocacion de mariz. Item la femme recevera en
                   mesme la manere pur la precipitacion de mariz et desus pur suffocacion
                   de mariz. Item terebentine si et bone a briser apostemes si vous la mellez
                   ov ferine de orge.

         1070  Galbanum
                   Pur asma. [G]albanum si est c[haud] en le .iii. degré et m[oiste] en le
                   premier. C’est une gumme de une arbre. Ele ad vertu attractif, dissolutif,
                   lenificatif, maturatif, relaxatif. Ele est bone pur frigidum asma.

                   Pur litargie, pur suffocacion de mariz et pur l’esplien Ele est bone pur
         1075  litargie, ele est bone pur suffocacion de mariz, ele est bone pur l’esplien
                   sur tote rien.

Page 36

                   Armoniac
                   [A]rmoniac si est c[haud] et s[ec] en le .iii. degré. C’est une gumme
                   de une arbre. Ele ad vertu de relesser et a dissoudre. Bevez armoniac ov
         1080  ozimel, si est bon pur l’esplien. Ele est bone pur anciene tusse et pur
                   asma.

                   Aspaltum
                   [A]spaltum si est plastre de Ynde. Il est c[haud] et s[ec] en le .iij.
                   degré. Ele ad vertu a souder et a degaster et a [a]ttrere. Ele est bone a
         1085  [41v] souder plaie. Ele est bone auxi bien desus cum desuz si vous le
                   metez sus lé charbuns et recevez la fumee par la buche qant le mariz
                   chiet aval. Recevez la fumee pardenz par un embout au cun. La fumee si
                   est abhominable et pur ceo est ele bone.

                   Colofoigne
         1090  [C]olofoigne si est c[haud] en le secund degré et s[ec] en le primer.
                   C’est une gumme de une arbre en Grece et pur ceo est ele appelee poiz
                   de Grece. Ele ad vertu de achaufer et de engluer. Ele est bone pur dissu-^L1092 [L1092] bone] superscript insertion by scribe37
                   rie et pur tenasmon de freide cause.

                   Dragantum
         1095  [D]ragantum si est appelé vitreole et si est c[haud] et s[ec] en le .iiij.
                   degré. Il y ad .iiii. maners de vitreole, c’est assavoir vitreole yndiene qe
                   crest en Ynde, vitreole blanche qe crest en Aufrike, vitreole citrin qe crest
                   en Cipre; il i ad vitreole, c’est assavoir arnement, que crest en France. .x.
                   anz pout estre gardé. Ele ad vertu a dissoudre et a degaster et a co-
         1100  roudre.

                   Pur festre. Vitreole si est bone pur festre en tiele manere: pernez une
                   partie de vitreole et deus partiez de la ferine de blanche feives, puis le
                   confisez ov lessive et ov sawon de Fraunce, puis enoignez une tente et
                   metez en le festre, car cest enlargist les pertus de festre, qe si il i eunt os
         1105  brisé, vous le poez le mieuz trere hors.

                   Pur morte char. Item la poudre de vitreole si est bone pur morte char
                   en plaie.

                   Euforbium
                   [E]uforbium si est c[haud] et s[ec] en le .iii. degré, c’est une gumme
         1110  de un arbre qe crest en Ynde. .x. anz pout estre gardé. Ele ad vertu a
                   dissoudre et a trere et a lascher et a degaster. Ele purge la fleume et la

Page 37

                   malencolie dé seyzime parties sicum de la teste. Ele est bone pur ciatike,
                   artetike, podagre, ciragre et pur mal de flanc.

                   Sang de dragon
         1115  [S]ang de dragon si est f[reid] et s[ec] en le .iii. degré. Les uns dient
                   qe c’est le jus de une herbe, mais ceo est faus. C’est une gumme de une
                   arbre qe crest en Perce et en Ynde. Et il est appelé sang de dragon [42r]
                   pur ceo q’il resemble sanc de dragon. .xxx. anz pout estre gardé. Ele ad
                   vertu a destreindre. Pur flux de sanc. Ele est bone pur flux de sanc et pur
         1120  rupture dé veines et pur ceux qi gettunt sanc par la bouche.

                   Opium
                   [O]pium si est freid en le .iiii. degré et s[ec] en le primer. Pur faire
                   dormir. Opium si est bon a faire dormir en tiele manere: faitez une em-
                   plastre de opium et de leet de femme et metez a tout la poudre de man-
         1125  drage.

                   Item ele est bone pur chaude apostemes et pur dolur de chaude ma-
                   ladies.

                   Petroleum
                   [P]etroleum si est c[haud] et s[ec] en le .iiii. degré. Petroleum si est
         1130  oille de pire. Il est trové en lieu suffrous. Ele ad vertu a dissoudre et a
                   [a]ttrere et a degaster.

                   Pur gute artetike. Ele est bone pur gute artetike et pur podagre et ci-
                   ragre.

                   Peiz
         1135  [P]ix .i. peiz, si est c[haud] et s[ec] en le .ii. degré. Il y ad .ii. maners
                   de pix, c’est assavoir pix navalis et pix liquida. Et sachez que pix liquida si
                   ad la vertu a dissoudre et a lascher.

                   Pur roigne. Pix liquida si est bon pur roigne en tiele manere: pernez
                   pix et resolvez en vinegre et metez a tout oille de noiz et la poudre de
         1140  litarge et faitez un oignement de ceo.

                   Pur inpetigo et serpigo. Item piz si est bone pur une maladie inpetigo et
                   serpigo en tiele manere: pernez la poudre de orpiment et resolvez
                   cele poudre ov poiz et metez a tout savoun de France.

                   Asa fetida
         1145  Asa fetida si est c[haud] et s[ec] en le .iiii. degré. C’est une gumme
                   de un arbre outre mer et pur ceo q’ele pout grantment ele est appelee
                   asa fetida. Lungement pout estre gardé. Ele ad vertu a [a]ttrere et a

Page 38

                   dissoudre et a degaster. Ele est bone pur palesie et pur podagre et pur
                   artetike et pur epilencie et pur chescune maladie qe vient de freidure.

         1150  Oignement en tiele manere: pernez asa fetida et petroleum, puis le
                   fundez au feu, puis metez en cele licur la poudre de castor, de euforbe et
                   de suffre vif et metez a tout cire et faitez cirogne et metez sus le mal. Ou
                   faitez oignement. Si vous enoignez de ceo sovent, si serrez garri. Item
                   pur epilencie qe vient de la teste [42v] enoignez les espalles et le col et la
         1155  teste. Et s’il est de l’estomac, enoignez l’estomac. Mes en les autres ma-
                   ladies enoignez la ou la maladie est.

                   Suffre
                   [S]ouffre si est c[haud] et s[ec] en le .iii. degré. C’est une terre que
                   par la decoctiun de grant chaline est changé en la nature de souffre. Il i
         1160  ad .ii. maners de souffre, c’est assavoir vif et mort. Souffre si a vertu a
                   dissoudre et a attrere et a degaster. Suffre si est bon pur asma envili de
                   freid humur.

                   Litarge
                   [L]itarge si est entempreement f[reid] et s[ec]. Litarge si est propre-
         1165  ment escume d’argent. Ele ad vertu a destreindre et a souder et a purger.
                   Ele est bone pur ulceracion de la verge en tiele manere: destemprez le
                   en oille, si enoignez. Ele est bone pur fervor de apostemes sicum erisipila
                   en tiele manere: confisez la poudre de litarge et de ceruse ov ewe rose, si
                   enoignez.

         1170  Explicit liber herbarum specierum et gummorum

End